Roma 7:24 - Tetun

²⁴ Aa! Haꞌu neꞌe susar tebes! See mak bele sori haꞌu nosi aꞌaat beran iha haꞌukaan neon laran mak nodi haꞌu baa mate neꞌe?

Roma 7:24 ပူးပေါင်းရင်းမြစ်များ

Mateus 5:4

Ema mak laran susar sia, sia sotir, tan Naꞌi Maromak duꞌuk namaus sia.

Mateus 5:6

Ema mak buka Naꞌi Maromak dalan moris loos, sia sotir, tan Naꞌi Maromak atu foo saa mak sia buka.

Lukas 4:18

“Naꞌi Maromak Kmalar Lulik natuun beran baa Haꞌu. Nia boi Haꞌu atu katak Manfatin Diꞌak baa ema susar. Nia solok Haꞌu atu katak kaꞌak, ema bui, atu sai; ema delek, atu naree; ema mak oin kraik, atu foti ulun.

Roma 6:6

Uluk, ita moris tuir aꞌaat iha itakaan neon laran. Aꞌaat nia mak naruka ita atu halo sala. Mais itakaan moris uluk nia mohu tiꞌan, nuꞌu ema nedi noꞌo baa ai karuus hamutuk ho Kristus. Oras neꞌe, ita la talin malu ho aꞌaat nia tiꞌan. Aꞌaat la kaer beran iha itakaan moris ona. Uluk, aꞌaat ukun ita hanesan ata. Mais oras neꞌe, ita sai hosi ata tiꞌan. Aꞌaat la bele ukun ita ona.

Roma 8:13

Kalo ita moris tuir aꞌaat iha neon laran, nanis Naꞌi Maromak seꞌi kotuk no kastikar ita! Mais kalo ita foo leet baa Kmalar Lulik nadodok aꞌaat iha itakaan neon laran, ita bele moris loos.

Roma 8:2

Kalo ita talin malu ho Yesus Kristus, Naꞌi Maromak Kmalar Lulik foo beran baa ita nebee bele moris loos. Kmalar Lulik moos nasai ita hosi aꞌaat beran iha itakaan neon laran, nebee aꞌaat la ukun ita atu halo sala ona.

Roma 8:23

Lahoos raiklaran no sasoin mesan dei mak neo-neon, mais ita hotu. Naꞌi Maromak foo uluk Kmalar Lulik baa ita. Mais ita sei neo-neon nebee Naꞌi Maromak moos foti ita dadi baa Niakaan oan, nodi sori itakaan isin lolon nosi aꞌaat hotu-hotu.

Roma 8:26

Oras ita sei hein, Kmalar Lulik tulun ita, tan itakaan neon la biit no ita la hatene hamulak tuir loos. Masik ita hamuu loos iha neon laran tan la hatene atu hamulak hodi lia fuan saa, Kmalar Lulik namulak seluk ita.

Kolose 2:11

Baa oras ema Yahudi sia namane aan, sia koꞌa nasai isin kulit atu dadi tadak naꞌak, sia, Naꞌi Maromak eman. Baa oras emi dadi baa Kristus eman, nuꞌu emi moos ‘hamane aan’. Lia nia nuneꞌe: Hamane aan neꞌe lahoos ema mak koꞌa nasai emikaan isin kulit, mais Kristus mak foti nasai aꞌaat nosi emikaan neon. Aꞌaat nia, neꞌe mak aꞌaat hotu-hotu mak ita ema raiklaran hakara halo.

2 Timotius 4:18

Nosi ikus, Naꞌi Maromak atu nasai haꞌu nosi aꞌaat hotu-hotu, no nalaꞌo haꞌu diꞌa-diꞌak tama laleꞌan. Iha nebaa, Nia mak kaer ukun. Naꞌi Maromak boot kaliuk! Haꞌu ktonu no foti-kahaas Nia nima-nimak! Tebes!

Titus 2:14

Nia latan isin lolon atu sori ita nosi sala. Nia namoos ita, nebee ita fatan dadi baa Niakaan ema mak nalo lia diꞌak nohuun.

Ibrani 2:15

Nia moos nalo ema raiklaran nataꞌuk lia mate, toꞌo sia tuir niakaan hakara, hanesan ata. Mais oras neꞌe, Yesus sori ema raiklaran nosi siakaan taꞌuk nia tiꞌan.

Lia Raiklaran Falu Fila 21:4

Nia atu noꞌas namara siakaan luun, hotu sia la tanis ona. Iha kota nia, moras la iha ona. Iha kota nia, mate moos la iha ona. Tan hotu-hotu mak nasusar ema hori uluk, la iha ona. Tan hotu-hotu mak naloot ema hori uluk, lakon mohu ona.”