Roma 2:17 - Tetun

¹⁷ Emi ema Yahudi sia, nunabee? Emi haksaꞌek aan tan emi talin malu ho Naꞌi Maromak. Emi ibun boot tan kaer Ukun-badu mak Nia natuun baa Bei Musa.

Roma 2:17 ပူးပေါင်းရင်းမြစ်များ

Mateus 3:9

Keta haneo emi sotir tan emi Bei Abraham husar-binan. Fiar haꞌu! Naꞌi Maromak bele naseꞌi fatuk neꞌe sia dadi Bei Abraham husar-binan.

Lukas 10:28

Yesus nataa naꞌak, “Tebes Ama! Kalo o halo tuir nunia, o bele moris nima-nimak mo Naꞌi Maromak.”

Yohanis 5:39

Loron-loron emi leno lotu-lotuk Hakerek Moon, tan emi buka dalan baa moris loos hosi Hakerek nia. Tuir loos, Hakerek Moon nia natebes lia nosi Haꞌu.

Yohanis 5:45

Keta haneo haꞌak, Haꞌu mak tula sala baa emi iha Haꞌukaan Ama oin. Lale. Ema mak tula sala baa emi nunia, neꞌe mak Bei Musa, tan nia mak foo Ukun-badu baa emi.

Yohanis 7:19

Emi la hatene Ukun-badu Bei Musa ka? Kalo emi hatene, tan saa emi la halo tuir? Tan saa emi buka dalan atu hoꞌo Haꞌu?”

Yohanis 8:33

Mais sia sakar naꞌak, “Hoi! Ami lahoos ema atan! Ami neꞌe, Bei Abraham husar-binan! Tan saa O dale maꞌak, ami atu hetan sori nosi ata?”

Yohanis 8:41

Emikaan hahalok tuir emikaan matas sia dei.” Mais sia sei sakar naꞌak, “Hoi! Ami neꞌe, oa kabun laran! Lahoos oa kabun luan! Tan amikaan Aman, mesak ida dei. Nia mak Naꞌi Maromak!”

Roma 2:23

Emi ibun boot tan kaer Naꞌi Maromak Ukun-badu. Mais tan saa emi duꞌuk hakur Ukun-badu nia hodi hamoe Naꞌi Maromak?!

Roma 3:27

Dadi, nunabee? Tan Naꞌi Maromak simu emi, arumak emi haneo emi bele dale waꞌin ka? La bele! Tan ita la halo sa-saa. Naꞌi Maromak simu ita, lahoos tan itakaan hahalok. Nia simu ita, tan itakaan fiar.

Roma 9:32

Tan saa la dadi nunia? Tan sia la fiar baa Yesus, mais sia narui aan tuir Ukun-badu nebee Naꞌi Maromak naloos sia. Sia narui aan no lahan Yahudi, mais nuꞌu la naree Maromak iha siakaan oin toꞌo sidi ain baa “fatuk sasidin” iha dalan klaran. Yesaya katak lia nia tiꞌan iha Hakerek Moon naꞌak, “Sintidu! Tan Haꞌu krai Ema ida iha Foho Sion, iha kota Yerusalem. Ema nia nuꞌu fatuk sasidin ida, mak ema sidi ain kona baa. Ema waꞌin nakloti tan fatuk nia. Mais ema mak fiar baa Nia, la neon kiꞌik kedan.” Fatuk nia, mak Yesus. Mais ema Israꞌel sia dudu sai Nia. Nuꞌu sia sidi ain nodi nakloti tan fatuk nia.

2 Korintus 11:22

Kalo sia, ema Ibrani isin, haꞌu moos ema Ibrani isin. Sia ema Israꞌel, haꞌu moos ema Israꞌel. Sia bei Abraham husar-binan, haꞌu moos bei Abraham husar-binan.

Galatia 2:15

Haꞌu kdeꞌan Petrus nunia, tan ami rua ema Yahudi hotu. Amikaan klubun Yahudi la manesak no klubun seluk sia, tan amikaan klubun natene kedan Naꞌi Maromak kleur tiꞌan.

Efesus 2:11

Mamaluk Efesus sia. Masik emi lahoos ema Yahudi, emi hatene tiꞌan haꞌak, ema Yahudi sia kaer metin siakaan ukun-badu hamane aan. Sia titu naraik emi tan emi la tuir siakaan ukun-badu nia. Mais tuir loos, ukun-badu nia, lia isin lolon dei, lahoos lia neon laran.

Lia Raiklaran Falu Fila 2:9

Karee tiꞌan emikaan moris susar iha Smirna. Emi neꞌe, mukit iha ema raiklaran oin, mais, soi iha Naꞌi Maromak oin. Noo ema mak dale naꞌak, sia, Naꞌi Maromak eman. Mais, sia moos nadois emikaan naran. Tuir loos, sia lahoos Naꞌi Maromak eman. Sia tuir diabu ulun dei.

Lia Raiklaran Falu Fila 3:1

Hotu, Ema Raiklaran Isin nia dale natutan tenik baa haꞌu naꞌak, “Yohanis, dala ida neꞌe o musti makerek tenik hakerek ida. Hakerek nia lian nuneꞌe: ‘Bodik ema sarani sia iha kota Sardis: Hakerek neꞌe nosi Haꞌu, mak Yesus. Haꞌu ukun kodi Maromak Kmalar Lulik mak hanesan kmalar hitu. Haꞌu moos kaer fitun matan hitu kodi Haꞌukaan liman. Hanono Haꞌu kdale neꞌe. Karee tiꞌan emikaan hahalok iha Sardis nebaa. Ema dale naꞌak, emi moris tuir Haꞌukaan beer. Mais tuir loos, emikaan hahalok la fatan no ema mak moris foun.

Lia Raiklaran Falu Fila 3:9

Hanono diꞌa-diꞌak! Noo ema mak dale bosok naꞌak, sia Naꞌi Maromak eman. Mais tuir loos, sia tuir diabu ulun. Emi lei haree! Haꞌu atu kalo sia toꞌo nakniꞌa iha emikaan oin, nodi katak sain naꞌak, Naꞌi Maromak nadomi emi tebes.