Roma 14:9 - Tetun

⁹ Kristus mate hotu moris nikar atu dadi Naꞌin bodik ema mak mate no ema mak sei moris.

Roma 14:9 ပူးပေါင်းရင်းမြစ်များ

Mateus 28:18

Hotu Yesus mai nareꞌis aan baa sia, nodi dale naꞌak, “Naꞌi Maromak latan beran baa Haꞌu tiꞌan, nebee Haꞌu ukun hotu-hotu iha laleꞌan no raiklaran.

Lukas 24:26

naꞌak, Kristus musti netan susar oi-oik lai, foin simu kneter no beran makaꞌas.”

Kristus Klosan Lian 10:36

Lia diꞌak neꞌe mak Naꞌi Maromak katak tiꞌan baa ami ema Israꞌel. Yesus mate atu nalo ema raiklaran diꞌa-diꞌak nikar no Naꞌi Maromak. Yesus moos Naꞌin bodik ema hotu-hotu.

Kristus Klosan Lian 10:42

Yesus moos naruka ami baa katak halore haꞌak, Nia neꞌe, Kristus mak Naꞌi Maromak nameno kedan hori uluk. Naꞌi Maromak foti Nia dadi Makotu Lia. Nosi ikus Nia atu tetu lia bodik ema moris no ema mate, naꞌak see mak bele moris nima-nimak no Naꞌi Maromak, no see mak lale.

Roma 10:9

Kalo o katak sain modi ibun duꞌuk maꞌak, ‘Yesus Kristus, haꞌukaan Naꞌin,’ no fiar modi neon no laran maꞌak, Naꞌi Maromak nalo Yesus moris nikar tiꞌan nosi mate, Naꞌi Maromak nanis sori o nosi okaan salan.

2 Korintus 5:14

Kristus dadomin mak babilan ami. Ami fiar haꞌak, Ema naꞌin ida, mak Kristus, mate atu selu nola ema hotu-hotu. Lia nia nuꞌu ita hotu-hotu mate tiꞌan hodi habusik hela moris tuan, toꞌo ita la hoo beran sa-saa tenik iha raiklaran.

1 Tesalonika 4:14

Ita fiar haꞌak, Yesus mate, hotu Naꞌi Maromak nalo Nia moris nikar. Tan baa nia, ita moos bele fiar haꞌak, ema mak fiar mak mate tiꞌan, Naꞌi Maromak atu nalo sia moris nikar, hotu naklibur sia namutuk no Yesus.

1 Tesalonika 5:10

Nia mate bodik selu nola ita. Kalo Nia namaan aan mai nikar, ita atu moris ho Nia nima-nimak, masik ita mate tiꞌan ka, ita sei moris ka.

2 Timotius 4:1

Loron ikus, oras Yesus Kristus namaan aan mai nikar raiklaran neꞌe, nia atu kaer ukun hanesan naꞌin. Ema mak moris no ema mak mate tiꞌan sia bele-bele nasoru Nia, nebee Nia tetu siakaan moris. Tan baa nia, haꞌu kusu baa o iha Naꞌi Maromak oin no Yesus Kristus oin, nebee o baa katak Manfatin Diꞌak baa ema. Madiꞌa aan nohuun baa oras nabee dei. Matudu ema salan, surak modi neon naruk. Makbiit ema neon, modi hanorin loos.

Ibrani 12:2

Ita moos musti hatutuk matan baa Kristus dei, keta titu karuk-kwana. Nia mak loke dalan nodi tulun ita, nebee ita bele fiar baa Naꞌi Maromak. Hanoin ka, lale? Baa oras Yesus terus susar iha ai karuus, ema tolak nahaat Nia, mais Nia naterus aan bei-beik. Nia natene, kalo susar nia siku, Niakaan neon diꞌak ona. Lia nia tebes. Nia mate, hotu Naꞌi Maromak foti Nia atu nabesi aan iha Naꞌi Maromak sorin kwana, nebee Sia rua kaer ukun bele-bele.

1 Petrus 1:21

Tan Kristus Niakaan hahalok nia, emi bele diꞌa-diꞌak ho Naꞌi Maromak. Nia mak nalo Kristus moris nikar, nodi foti-nahaas Kristus, nebee emi bele fiar hodi haloon baa Nia.

1 Petrus 4:5

Mais, hanoin! Nosi ikus sia musti nataa baa Naꞌi Maromak, mak Makotu Lia. Sia musti katak baa Nia, tan saa sia moris aat nunia. Keta haluꞌa! Ema hotu-hotu mak sei moris no ema mak mate tiꞌan bele-bele nataa baa Nia.

Lia Raiklaran Falu Fila 1:18

Uluk, Haꞌu kmate. Mais maree mai! Oras neꞌe, Haꞌu kmoris kikar tiꞌan. Haꞌu moos atu kmoris toꞌo nima-nimak. Haꞌu, makaer sabi matebian fatin. Haꞌu mak karuka taka-loke fatin nia, tan Haꞌu koo beran kalo ema moris nikar.

Lia Raiklaran Falu Fila 2:8

Hotu, Ema Raiklaran Isin nia dale natutan naꞌak, “Yohanis, dala ida neꞌe o musti makerek tenik hakerek ida. Hakerek nia lian nuneꞌe: ‘Bodik ema sarani sia iha kota Smirna: Hakerek neꞌe nosi Haꞌu, mak Yesus. Lia hotu-hotu huun nosi Haꞌu, hori uluk fohon toꞌo mohu. Uluk, Haꞌu kmate, mais oras neꞌe, Haꞌu kmoris kikar tiꞌan. Hanono Haꞌu kdale neꞌe.