Roma 10:14 - Tetun

¹⁴ Mais kalo ema sei la natene Nia dauk, oin nunabee sia bele nusu tulun baa Nia? La bele! Kalo sia sei la rona lia nosi Nia dauk, oin nunabee sia bele fiar baa Nia? La bele! Kalo sei la noo mak baa katak lia nosi Nia baa sia, oin nunabee sia bele rona Niakaan lia nia? La bele!

Roma 10:14 ပူးပေါင်းရင်းမြစ်များ

Mateus 20:7

Sia nataa naꞌak, ‘Serwisu la noo.’ Hotu toꞌos naꞌin nia naꞌak, ‘Kalo nunia, baa serwisu iha haꞌukaan toꞌos ona!’

Yohanis 20:31

Lia mak kakerek iha neꞌe, kakerek nebee emi bele fiar haꞌak, Yesus nia, Kristus mak Naꞌi Maromak nameno kedan tiꞌan atu solok mai. Yesus moos, Naꞌi Maromak Oan. Kalo emi fiar baa Nia, emi hetan moris toꞌo nima-nimak, tan emi dadi Niakaan ema tiꞌan.

Yohanis 9:36

Mais ema nia nusu fila naꞌak, “Nia see ida? Ita Boot tulun katak lai, nebee haꞌu kbele fiar baa Nia.”

Kristus Klosan Lian 19:2

Nia nusu baa sia naꞌak, “Mamaluk sia! Hori hirak nia, oras emi hahuu fiar baa Yesus, emi moos simu tiꞌan Maromak Kmalar Lulik ka lale?” Sia nataa naꞌak, “Lale! Ami la hatene noo Maromak Kmalar nunia.”

Kristus Klosan Lian 8:31

Ema boot nia nataa naꞌak, “Lale! Musti noo ema nalore baa haꞌu lai, foin bele katene. Saꞌe mai, tuur mo haꞌu iha neꞌe.”

Roma 1:5

Yesus natudu laran diꞌak baa haꞌu, nodi solok haꞌu atu kbaa katak Niakaan lia diꞌak iha fatin hotu-hotu. Nia nakara nebee ema lahoos Yahudi sia moos fiar baa Nia no tuir Niakaan dalan moris. Tan lia nia, haꞌu moos kakara nebee ema nosi klubun hotu-hotu fiar baa Nia no tuir Niakaan dalan moris.

Efesus 2:17

Nia namaan aan mai raiklaran neꞌe nodi Manfatin Diꞌak baa ami klubun Yahudi mak hatene Maromak tiꞌan, no emi klubun seluk sia mak sei la natene Nia dauk. Kristus foo natene baa ita naꞌak, “Uluk, emi moris funu malu. Mais oras neꞌe, Haꞌu kloke dalan tiꞌan nebee emi bele moris dame malu.”

Efesus 4:21

Emi rona lia Yesus tiꞌan no hatene Niakaan hanorin loos.

2 Timotius 4:17

Masik hotu-hotu laꞌo nela haꞌu moos, Naꞌi Maromak lale. Nia nakbiit haꞌu, nebee haꞌu kbele katak Niakaan Manfatin kodi la mukit saa ida. Haꞌu katak nunia baa ema lahoos Yahudi sia, nebee sia moos bele rona. Haꞌu moos kakbois sai hosi dinu boot.

Ibrani 11:6

Lia nuneꞌe, mamaluk sia! Ita hatene haꞌak, Naꞌi Maromak la simu ema mak la fiar baa Nia. Ema mak nakara mai baa Naꞌi Maromak, musti fiar naꞌak, Naꞌi Maromak iha nanis. Sia moos musti fiar naꞌak, Naꞌi Maromak nakara tulun ema mak buka Nia.

Yakobus 5:15

Kalo hamulak bodik ema moras hodi fiar tebe-tebes baa Naꞌi Maromak, Naꞌi Maromak nanis nadiꞌak nola ema nia. Kalo ema nia nalo sala, Naꞌi Maromak moos kasu niakaan salan.