Roma 1:7 - Tetun

⁷ Tan lia nia, haꞌu kakerek lia neꞌe bodik emi iha Roma. Haꞌu ksolok tabe kodi foo katene kaꞌak, Naꞌi Maromak nadomi emi. Nia moos nusu nebee emi dadi ema mak moris moon. Kamulak nebee itakaan Ama Maromak no itakaan Naꞌi Yesus Kristus natudu laran diꞌak baa emi, nodi foo moris manek no dame.

Roma 1:7 ပူးပေါင်းရင်းမြစ်များ

Mateus 5:16

Emi musti moris nunia. Emi musti haksinak, nebee ema waꞌin bele titu-naree emikaan moris mak diꞌak, toꞌo sia tonu naꞌak, ‘Emikaan Aman iha laleꞌan, makaꞌas tebes!’ ”

Yohanis 20:17

Hotu Yesus katak baa nia naꞌak, “Keta koko Haꞌu lai, tan Haꞌu ksei la saꞌe dauk baa Haꞌukaan Ama iha laleꞌan. Baa katak baa Haꞌukaan mamaluk sia maꞌak, ‘Haꞌu atu ksaꞌe baa Haꞌukaan Ama. Nia moos, emikaan Ama. Nia, mak Haꞌukaan Maromak. Nia moos, emikaan Maromak.’ ”

Kristus Klosan Lian 15:23

Sia nodi hakerek bodik ema nosi klubun seluk sia iha kota Antiokia iha rai Siria, liu toꞌo rai Kilikia. Hakerek nia isin nuneꞌe: “Tabe no hadomi nosi ami, mak Kristus klosan no fukun sarani seluk sia iha kota Yerusalem. Ami solok hakerek neꞌe bodik emi mak ami hadomi hanesan maun-alin duꞌuk.

Kristus Klosan Lian 9:13

Mais Ananias nataa naꞌak, “Keta nunia, Ama Boot! Ami rona ema dale karuk-kwana nosi ema nia. Nia ema aat basuk mak nasusar tebe-tebes Yesus eman sia iha Yerusalem.

Roma 1:6

Nunia moos, emi iha kota Roma. Emi mai hosi klubun waꞌin, hosi fatin lear. Yesus Kristus boi nola emi tiꞌan, dadi Niakaan ema.

Roma 5:1

Tan ita fiar baa Yesus Kristus, Naꞌi Maromak nafoli ita naꞌak, ema loos. Hodi nunia, ita bele talin malu ho Naꞌi Maromak, tan itakaan Naꞌin Yesus Kristus loke dalan tiꞌan.

Roma 5:5

Kalo ita fiar nunia, ita la neon kiꞌik ona. Tan Naꞌi Maromak foo Niakaan Kmalar Lulik baa ita, nebee ita bele horan Niakaan dadomin boot iha itakaan neon no laran.

Roma 8:28

Ita hatene haꞌak, Naꞌi Maromak nalo hotu-hotu dadi diꞌak bodik ema mak nadomi Nia no boi kedan atu tuir Niakaan hakara.

Roma 8:39

La noo ida iha laleꞌan, la noo ida iha raiklaran. Nosi sasoin hotu-hotu mak Naꞌi Maromak naseꞌi moos, la noo ida mak bele sasa faꞌe ita nosi Naꞌi Maromak dadomin, tan ita talin malu tiꞌan ho itakaan Naꞌin Yesus Kristus.

Roma 9:25

Uluk, Maromak nodi makoꞌan Hosea atu nakerek nosi ema lahoos Yahudi naꞌak, “Ema mak uluk lahoos Haꞌukaan ema, Haꞌu kakara bolu sia kaꞌak, ‘Emi neꞌe, Haꞌukaan ema.’ Ema mak uluk Haꞌu la kadomi, Haꞌu kakara bolu sia kaꞌak, ‘Emi neꞌe, ema mak Haꞌu kadomi.’ ”

1 Korintus 1:24

Mais ita lahoos nuꞌu sia. Naꞌi Maromak boi kedan ita dadi baa Niakaan ema. Ita balu ema Yahudi, balu ema Yunani. Ita fiar baa Kristus tan hatene haꞌak, Nia natudu Maromak beran boot no Maromak Niakaan matenek mak makaꞌas kaliuk.

1 Korintus 16:23

Haꞌu kakroꞌan nebee Yesus, itakaan Naꞌin, natudu laran diꞌak baa emi.

Galatia 6:18

Mamaluk sia! Haꞌu kaloon nebee itakaan Naꞌin Yesus Kristus natudu laran diꞌak baa emi hotu-hotu. Nunia dei! Tabe nosi haꞌu, Paulus

Efesus 1:2

Haꞌu kaloon baa Naꞌi Maromak itakaan Ama no Yesus Kristus itakaan Naꞌin, nebee natudu laran diꞌak baa emi toꞌo bele moris manek no dame.

Efesus 6:23

Tan emi fiar baa Naꞌi Maromak, itakaan Ama, no Yesus Kristus, itakaan Naꞌin, haꞌu kaloon nebee emi bele moris dame no hadomi malu.

Filipi 1:2

Naꞌi Maromak nia, itakaan Ama. No Kristus nia, itakaan Ulun. Ami hakroꞌan nebee Sia natudu laran diꞌak baa emi, nebee emi bele moris manek no dame.

Filipi 4:13

Haꞌu kbele katerus aan baa lia hotu-hotu, tan Kristus mak nakbiit haꞌu!

Filipi 4:20

Tan baa nia, ita musti foti-hahaas Ama Maromak naran toꞌo nima-nimak. Nia tebes!

Filipi 4:23

Haꞌu kakroꞌan nebee itakaan Ulun Yesus Kristus natudu laran diꞌak baa emi hotu-hotu. Haꞌukaan hakerek toꞌo neꞌe dei, Paulus

Kolose 1:2

Haꞌu kakerek bodik emi mak Naꞌi Maromak eman sia iha kota Kolose. Emi neꞌe, amikaan mamaluk mak fiar metin baa Yesus Kristus tiꞌan. Ami hakroꞌan nebee Ama Maromak natudu laran diꞌak baa emi, nebee bele moris manek no dame.

Kolose 3:12

Naꞌi Maromak boi emi tiꞌan, tan Nia nadomi emi. Nia nakara nebee emi dadi baa Niakaan ema moos. Tan lia nia, emi musti dadi ema mak laran maluak, ema mak laran diꞌak, ema mak laran mamar, ema mak naraik aan no ema mak neti aan.

Kolose 3:15

Emi musti foo leet nebee Kristus Niakaan dame babilan emikaan neon, tan Naꞌi Maromak nakara nebee emi moris dame malu hodi neon ida. Emikaan neon moos musti nakonu dodan, tan Nia boi nola emi tiꞌan.

1 Tesalonika 1:1

Hakerek neꞌe, nosi haꞌu, Paulus, ko haꞌukaan belu Silas no Timotius. Ami foo tabe. Ami solok hakerek neꞌe bodik emi mak tuir itakaan Ama Maromak no itakaan Naꞌi Yesus Kristus iha kota Tesalonika. Ami hakroꞌan nebee Naꞌi Maromak natudu laran diꞌak baa emi, nebee emi bele moris manek no dame.

1 Tesalonika 1:3

Ami moos hanoin serwisu mak emi halaꞌok, tan emi fiar baa Yesus no hadomi Nia. Emi haterus aan ho serwisu nia sia hodi haloon baa Nia. Ami sera lia nia sia hotu-hotu baa Naꞌi Maromak, itakaan Ama.

1 Tesalonika 1:4

Mamaluk sia! Ami hatene haꞌak, Naꞌi Maromak nadomi emi. Nia boi nola emi dadi baa Niakaan ema uma laran.

1 Tesalonika 4:7

Naꞌi Maromak bolu ita atu dadi Niakaan ema mak moris moon, lahoos ema mak moris hanesan ema mak nalo lia kfoꞌer nia sia.

1 Tesalonika 5:28

Nebee, itakaan Naꞌin Yesus Kristus natudu laran diꞌak baa emi hotu-hotu. Nunia dei. Dame, Paulus

2 Tesalonika 1:2

Nebee, itakaan Ama Maromak no itakaan Naꞌin Yesus Kristus natudu laran diꞌak baa emi, nebee emi bele moris manek no dame.

2 Tesalonika 3:16

Naꞌi Yesus, Naꞌi Dame. Haꞌu kakroꞌan nebee, Nia natuun Niakaan dame baa emi nohuun. Nebee, Nia namutuk no emi nohuun.

2 Tesalonika 3:18

Nebee, itakaan Naꞌin Yesus Kristus natudu laran diꞌak baa emi hotu-hotu. Hakerek neꞌe, narohan baa neꞌe. Paulus

2 Timotius 4:22

Nebee, Naꞌi Maromak namutuk bei-beik no o, nodi natudu laran diꞌak baa o. Haꞌukaan hakerek toꞌo neꞌe dei. Paulus

Filemon 1:25

Haꞌu karoꞌan baa itakaan Naꞌin Yesus Kristus, nebee natudu laran diꞌak baa emi hotu-hotu. Nunia dei! Dame, Paulus

Filemon 1:3

Haꞌu karoꞌan, nebee itakaan Ama Maromak no itakaan Naꞌin Yesus Kristus, natudu laran diꞌak baa emi, nebee bele moris manek no dame.

Yakobus 1:1

Tabe nosi haꞌu, Yakobus. Haꞌu neꞌe, Naꞌi Maromak no Naꞌi Yesus Kristus siakaan ain-liman. Haꞌu kakerek neꞌe bodik emi, ema Yahudi mak tuir Naꞌi Yesus tiꞌan, mak nein iha fatin hotu-hotu iha ema rain.

1 Petrus 1:15

Oras neꞌe, emi musti moris moos hanesan Naꞌi Maromak. Nia bolu emi dadi baa Niakaan ema. Tan baa nia, emikaan moris tomak musti moos.

1 Yohanis 3:1

Hanoin kokon itakaan Aman dadomin baa ita! Dadomin nia, makaꞌas kaliuk, toꞌo Nia foti ita baa Niakaan oan. Tebes! Mais ema mak moris tuir raiklaran beer, sia la natene ita neꞌe see, tan sia la natene itakaan Ama.

2 Yohanis 1:3

Haꞌu kaloon, nebee Naꞌi Maromak no Oan Yesus Kristus natudu laran diꞌak no laran dodan baa ita, nebee ita bele moris manek no dame. Nebee, ita bele hadomi malu hodi rai hanorin loos baa itakaan neon.

Lia Raiklaran Falu Fila 2:1

Hotu, Ema Raiklaran Isin nia naruka haꞌu naꞌak, “Yohanis. O musti makerek mola hakerek ida. Hakerek nia lian nuneꞌe: ‘Bodik ema sarani sia iha kota Efesus: Hakerek neꞌe, nosi Haꞌu, mak Yesus. Haꞌu mak kaer fitun matan hitu iha liman kwana. Haꞌu moos laꞌo kasirin atu karee badut mean hitu nia ida-idak. Hanono haꞌu kdale neꞌe.

Lia Raiklaran Falu Fila 2:12

Hotu, Ema Raiklaran Isin nia dale natutan tenik naꞌak, “Yohanis, dala ida neꞌe o musti makerek tenik hakerek ida. Hakerek nia lian nuneꞌe: ‘Bodik ema sarani sia iha kota Pergamus: Hakerek neꞌe nosi Haꞌu, mak Yesus. Haꞌu mak kaer surik roꞌat matan ruak. Hanono Haꞌu kdale neꞌe.

Lia Raiklaran Falu Fila 2:18

Hotu, Ema Raiklaran Isin nia dale natutan tenik naꞌak, “Yohanis, dala ida neꞌe o musti makerek tenik hakerek ida. Hakerek nia lian nuneꞌe: ‘Bodik ema sarani sia iha kota Tiatira: Hakerek neꞌe nosi Haꞌu, Yesus, mak Naꞌi Maromak Oan! Haꞌukaan matan laka nuꞌu haꞌi. Haꞌukaan ain mean laak nuꞌu besi riti hamotu. Hanono Haꞌu kdale neꞌe.

Lia Raiklaran Falu Fila 2:29

Hanono diꞌa-diꞌak lia mak Maromak Kmalar Lulik katak baa ema sarani sia.’ ”

Lia Raiklaran Falu Fila 2:8

Hotu, Ema Raiklaran Isin nia dale natutan naꞌak, “Yohanis, dala ida neꞌe o musti makerek tenik hakerek ida. Hakerek nia lian nuneꞌe: ‘Bodik ema sarani sia iha kota Smirna: Hakerek neꞌe nosi Haꞌu, mak Yesus. Lia hotu-hotu huun nosi Haꞌu, hori uluk fohon toꞌo mohu. Uluk, Haꞌu kmate, mais oras neꞌe, Haꞌu kmoris kikar tiꞌan. Hanono Haꞌu kdale neꞌe.

Lia Raiklaran Falu Fila 22:21

Haꞌu kaloon nebee, Naꞌi Yesus natudu laran diꞌak baa Niakaan ema hotu-hotu. Amen! Nosi haꞌu, Yohanis

Lia Raiklaran Falu Fila 3:14

Hotu, Ema Raiklaran Isin nia moos dale natutan tenik naꞌak, “Yohanis, oras neꞌe, o musti makerek mola hakerek tatakan. Hakerek nia lian nuneꞌe: ‘Bodik ema sarani sia iha kota Laodikia: Hakerek neꞌe nosi Haꞌu, Yesus, mak ema temi naꞌak, ‘Loos Huun’. Haꞌu kdale lo-loos Maromak Manfatin. Lia hotu-hotu mak Naꞌi Maromak naseꞌi, huun nosi Haꞌu.

Lia Raiklaran Falu Fila 3:22

Hanono diꞌa-diꞌak lia mak Maromak Kmalar Lulik katak baa ema sarani sia.’ ”

Lia Raiklaran Falu Fila 3:7

Hotu, Ema Raiklaran Isin nia dale natutan tenik naꞌak, “Yohanis, dala ida neꞌe o musti makerek mola tenik hakerek ida seluk. Hakerek nia lian nuneꞌe: ‘Bodik ema sarani sia iha kota Filadelfia: Hakerek neꞌe, nosi Haꞌu, mak Yesus. Haꞌu, mak moon no loos. Haꞌu moos mak kaer Naꞌi Daud sabin. Kalo Haꞌu kloke odamatan, la noo ema ida mak bele taka. Kalo Haꞌu ktaka, la noo ema ida mak bele loke.