Mateus 6:9 - Tetun

⁹ Dadi kalo hamulak, tuir knaninuk neꞌe: ‘Amikaan Ama iha laleꞌan! Ita Boot naran mak lulik kaliuk. Nebee ema hotu-hotu foti-nahaas Ita Boot naran.

Mateus 6:9 ပူးပေါင်းရင်းမြစ်များ

Mateus 10:29

Emi musti hakbiit neon. Ema faꞌan manu harek nodi folin kmaan basuk. Mais la noo manu ida kois mak monu mate, kalo emikaan Ama iha laleꞌan la foo leet.

Mateus 23:9

Tan baa nia, keta mose ema iha raiklaran haꞌak, ‘Ama’, tan emikaan Ama iha laleꞌan mesak ida dei.

Mateus 26:29

Mais nebee emi hatene, nahuu nosi oras neꞌe, Haꞌu la kemu tenik anggor ween ona, toꞌo Haꞌukaan Ama nabesi aan kaer ukun iha laleꞌan tiꞌan, foin Haꞌu kemu tenik ko emi.”

Mateus 26:42

Hotu Nia baa namulak tenik naꞌak, “Ama! Kalo Haꞌu kmusti katiu kola susar neꞌe, nebee tuir Ama hakaran dei.”

Mateus 5:16

Emi musti moris nunia. Emi musti haksinak, nebee ema waꞌin bele titu-naree emikaan moris mak diꞌak, toꞌo sia tonu naꞌak, ‘Emikaan Aman iha laleꞌan, makaꞌas tebes!’ ”

Mateus 5:48

Hanoin! Okaan Ama iha laleꞌan nadomi ema hotu-hotu. O moos musti malo tuir nunia!”

Mateus 6:14

Hanono diꞌa-diꞌak! Kalo emi haluꞌa lakon sala mak ema nalo baa emi, emikaan Ama iha laleꞌan moos atu naluꞌa lakon emikaan salan.

Mateus 6:6

Emi keta nunia. Oras hamulak, tama baa keꞌan laran, taka odamatan, foin hamulak no-nook baa emikaan Ama. Masik ema seluk la naree moos, emikaan Ama naree. Nia nanis selu baa emi.

Mateus 7:11

Emikaan Ama iha laleꞌan, laran diꞌak tebes. Kalo emi ema raiklaran mak nalo aat sei nakara foo buat diꞌak baa oan, nuꞌu saa tenik emikaan Ama! Nia nanis foo saa mak emi husu.

Lukas 15:18

Diꞌak liu, haꞌu kfila baa haꞌukaan ama. Toꞌo nebaa, haꞌu katak baa nia kaꞌak, “Ama! Haꞌu kalo sala boot tiꞌan baa Naꞌi Maromak no baa ama.

Lukas 15:21

Hotu, oa nia dale baa aman naꞌak, ‘Ama! Haꞌu kalo sala boot tiꞌan baa Naꞌi Maromak no baa ama. Haꞌu la kfatan dadi baa ama oan tenik.’

Lukas 2:14

“Ita foti-hahaas Naꞌi Maromak naran! Nia mak nabesi aan kaer ukun iha laleꞌan mak aas kaliuk. Nia atu foo dame baa ema raiklaran mak kona baa Niakaan neon!”

Yohanis 20:17

Hotu Yesus katak baa nia naꞌak, “Keta koko Haꞌu lai, tan Haꞌu ksei la saꞌe dauk baa Haꞌukaan Ama iha laleꞌan. Baa katak baa Haꞌukaan mamaluk sia maꞌak, ‘Haꞌu atu ksaꞌe baa Haꞌukaan Ama. Nia moos, emikaan Ama. Nia, mak Haꞌukaan Maromak. Nia moos, emikaan Maromak.’ ”

Roma 1:7

Tan lia nia, haꞌu kakerek lia neꞌe bodik emi iha Roma. Haꞌu ksolok tabe kodi foo katene kaꞌak, Naꞌi Maromak nadomi emi. Nia moos nusu nebee emi dadi ema mak moris moon. Kamulak nebee itakaan Ama Maromak no itakaan Naꞌi Yesus Kristus natudu laran diꞌak baa emi, nodi foo moris manek no dame.

Roma 8:15

Kalo ita foo leet baa Kmalar Lulik babilan, Nia la nalo ita baa ata mak moris taꞌuk teen. Uluk, ita moris nunia tebes. Mais tan ita simu Kmalar Lulik babilan, ita dadi Naꞌi Maromak oan tiꞌan. Naꞌi Maromak nanis rona ita, kalo ita bolu Nia haꞌak, “Ama!”

Galatia 1:1

Tabe nosi haꞌu Paulus, mak Yesus Kristus klosan. Haꞌu ksolok hakerek neꞌe baa emi hutun sarani sia mak iha rai Galatia. Mamaluk mak namutuk no haꞌu iha neꞌe moos solok tabe baa emi. Haꞌu kdadi klosan neꞌe, lahoos ema raiklaran mak foti haꞌu, mais Ama Maromak no Yesus Kristus duꞌuk mak foti haꞌu. Yesus nia, Kristus mak Naꞌi Maromak solok mai. Nia mate, mais Naꞌi Maromak nalo Nia moris nikar. Hotu, Nia solok haꞌu baa katak Lia Diꞌak nia baa ema.

Galatia 4:6

Tan ita dadi Naꞌi Maromak oan tiꞌan, Nia solok Oan Yesus Kristus Kmalar mai tama baa itakaan neon. Kmalar nia nanorin ita nebee ita bele bolu no bele temi Naꞌi Maromak haꞌak, “Ama”.

1 Timotius 6:16

Nia mesan mak la mate. Nia moris iha kroman mak ema raiklaran la bele terus. La noo ema raiklaran ida kois mak bele titu nola Nia. Sera kneter hotu-hotu baa Nia nima-nimak! Nia kaer beran hotu-hotu iha liman nima-nimak! Nunia tebes!

1 Petrus 1:17

Emi bele dale ho Naꞌi Maromak, hanesan emi dale ho emikaan Ama. Mais Naꞌi Maromak moos Makotu Lia mak atu leno ema ida-idak moris. Nia nanis nakotu lia nodi moon, tan Nia la kliꞌis. Tan lia nia, oras emi hein heik hanesan ema matak iha raiklaran neꞌe, emi musti daka aan hodi moris moos.

Lia Raiklaran Falu Fila 4:11

“Aaa, Naꞌi Maromak! Ami tonu-haboot Ita Boot! Ami foti-hahaas Ita Boot naran. Ita Boot mak amikaan Naꞌin. Ita Boot mak amikaan Maromak! Ita Boot mak fatan simu amikaan tonun. Ita Boot mak fatan simu amikaan kneter. Tan, Ita Boot mak Beran Kaliuk. Tan, Ita Boot mak Boot Kaliuk. Ita Boot mak haseꞌi hotu-hotu. Ita Boot mak halo hotu-hotu moris. Hotu-hotu mak iha, dadi tan Ita Boot mak haseꞌi. Hotu-hotu mak moris, noo nawan tan Ita Boot mak foo.”

Lia Raiklaran Falu Fila 5:12

Sia hotu-hotu nananu nodi lian makaꞌas naꞌak, “Ami foti-hahaas Bibi Malae Oan mak kona hoꞌo. Nia mak fatan simu amikaan tonun! Niakaan beran, boot kaliuk. Niakaan sasoin, waꞌin kaliuk. Niakaan kakutak, matenek kaliuk. Niakaan babiit, makaꞌas kaliuk. Ami foti-hahaas Niakaan naran. Ami sera kneter baa Nia. Ami tonu-haboot Nia.”