Mateus 6:13 - Tetun

¹³ Daka ami nebee ami keta halo aat. Sori ami mosi diabu niakaan aꞌaat. [Tan Ita Boot beran kaliuk, makaꞌas kaliuk. Ita Boot mak kaer ukun hori nima-nimak toꞌo nima-nimak. Nunia tebes. Amen.]’

Mateus 6:13 ပူးပေါင်းရင်းမြစ်များ

Lia Uluk Fohon 22:1

La kleur falik, Maromak koko Abraham neon atu natene Abraham rona baa Nia ka lale. Maromak bolu naꞌak, “Abraham!” Abraham moos nataa naꞌak, “Heꞌe, Naꞌi Maromak!”

Mateus 26:41

Kose haroma emikaan matan lai, hotu daka ho Haꞌu! Emikaan neon nanis nakara nalo diꞌak, mais emikaan isin la biit. Diꞌak liu emi hamulak, nebee kalo kona sokur, emi bele terus.”

Mateus 28:20

Hotu hanorin nebee sia nalo tuir ukun hotu-hotu mak Haꞌu katak tiꞌan baa emi. Hanoin diꞌa-diꞌak! Haꞌu kafati ko emi toꞌo rai falu fila.”

Mateus 5:37

Kalo o makara mamate menon, katak dei maꞌak, ‘Tebes’. Kalo la makara, katak dei maꞌak ‘Lale’. Kalo maꞌak liu tan tenik, lia nia nahabut baa diabu.”

Mateus 6:10

Nebee Ita Boot dadi Naꞌin bodik ema hotu-hotu! Nebee ema hotu-hotu nalo tuir Ita Boot harukan iha raiklaran, oin nudaar makbukar laleꞌan sia nalo tuir Ita Boot harukan iha laleꞌan.

Yohanis 17:15

Haꞌu la kusu Ama foti sai Haꞌukaan ema neꞌe sia nosi raiklaran. Mais Haꞌu kusu Ama daka sia, nebee nadook aan nosi aꞌaat huun.

1 Korintus 10:13

Kalo o kona sokur, manoin, tan ema seluk moos kona sokur nunia tiꞌan. Mais o bele fiar baa Naꞌi Maromak nebee Nia nalaꞌok saa mak Nia dale. Nia la nabusik o kona sokur liu nosi okaan babelen, tan Nia atu foo dalan sasin baa o. Nia beer nalo o materus aan, nebee o keta monu.

1 Korintus 14:16

Kalo ita tonu-haboot Naꞌi Maromak hodi Kmalar lian hosi itakaan neon laran, ema seluk la natene lia nia isin. Oin nunabee sia bele neon ida no ita? Kalo ita sera dodan baa Naꞌi Maromak hodi Kmalar lian hosi itakaan neon laran, oin nunabee ema seluk bele nataa naꞌak, “Nunia tebes!” La bele, tan sia la natene lia nia isin.

2 Korintus 1:20

Lia hotu-hotu mak Naꞌi Maromak nameno bodik ita, nanis Nia nalo tuir. Nunia moos, kalo Yesus nameno lia ida naꞌak, “heꞌe,” ita bele hatebes haꞌak, “tebes!” tan ita talin malu ho Nia. Hodi nunia ita moos hatudu Naꞌi Maromak Niakaan makaꞌas.

Galatia 1:4

Kristus latan isin lolon toꞌo mate nebee kasu mohu itakaan salan no nasai ita nosi aꞌaat raiklaran. Lia nia sia hotu-hotu tuir Ama Maromak hakaran.

1 Tesalonika 1:10

Ema moos dale naꞌak, emi sei hein Naꞌi Maromak Oan Yesus mai nosi laleꞌan. Hori hirak nia, ema noꞌo Nia, mais Naꞌi Maromak nalo Nia moris nikar. Nosi ikus, Naꞌi Maromak taa ukun baa ema raiklaran, Yesus mak sori ita nosi Maromak hahibun.

2 Tesalonika 3:3

Tan Naꞌi Maromak kaer Niakaan mamenon, ami fiar haꞌak, Nia atu nakbiit emi no lituk emi nosi aꞌaat.

1 Timotius 1:17

Tonu Naꞌi Maromak! Nia mesan dei, mak Maromak. La noo ida seluk! Nia kaer ukun hori nima-nimak toꞌo nima-nimak. Nia moris hori nima-nimak toꞌo nima-nimak. Nia la natene mate. Ema raiklaran la bele titu nola Nia. Kneter no tonun hotu-hotu, sera baa Nia! Kneter no mose hotu-hotu, latan baa Nia! Tebes.

Ibrani 11:36

Balu kona haleuk, no balu kona taꞌe. Balu seluk kona dadur iha bui laran.

1 Petrus 5:8

Daka aan diꞌa-diꞌak hodi haneo halo naruk, tan diabu ulun funu ita. Nia buka dalan atu nadodok mohu ita, hanesan busa krakat boot buka hahaak.

2 Petrus 2:9

Knaninuk nia sia natudu naꞌak, kalo ema nanono baa Naꞌi Maromak, Naꞌi Maromak nakara sori nola sia nosi sokur oi-oik. Mais Nia moos nakara taa ukun todan baa ema mak moris kaleꞌuk. Nia atu nalo bei-beik nunia toꞌo oras Nia nabesi aan leno ema hotu-hotu moris.

1 Yohanis 3:8

Mais ema mak nalo sala, nia talin malu no diabu ulun mak nalo hahalok aat hori uluk. Tan baa nia, Naꞌi Maromak Oan mai atu nadodok diabu ulun hahalok aat nia sia.

Lia Raiklaran Falu Fila 1:18

Uluk, Haꞌu kmate. Mais maree mai! Oras neꞌe, Haꞌu kmoris kikar tiꞌan. Haꞌu moos atu kmoris toꞌo nima-nimak. Haꞌu, makaer sabi matebian fatin. Haꞌu mak karuka taka-loke fatin nia, tan Haꞌu koo beran kalo ema moris nikar.

Lia Raiklaran Falu Fila 19:1

Makbukar laleꞌan nia dale notu nunia, haꞌu moos rona kola lia maliak boot, hanesan klibur boot noꞌi nananu iha laleꞌan. Sia nananu naꞌak, “Aleluya! Aleluya! Ami tonu amikaan Maromak, tan Nia mak boot kaliuk. Aleluya! Aleluya! Naꞌi Maromak mak sori ami nosi amikaan salan. Naꞌi Maromak mak nahulin ami nosi amikaan aꞌaat.

Lia Raiklaran Falu Fila 19:4

Nunia hotu, katuas naꞌin rua nulu resin haat no buat horis kasalak matan haat nia, nakniꞌa loꞌu-sudur seꞌi oin baa Naꞌi Maromak habesi aan fatin. Sia nakneter Nia nodi dale naꞌak, “Tebes! Mai ita tonu-haboot Naꞌi Maromak! Aleluya! Mai ita foti-hahaas Niakaan naran!”

Lia Raiklaran Falu Fila 2:10

Dadi, hanono diꞌa-diꞌak. Lalika hataꞌuk hetan susar. Surak hatene, diabu ulun buka atu natama emi balu baa bui toꞌo loron sanulu laran, tan nia nakara nebee emi seꞌi kotuk baa Haꞌu. Masik emi kona hoꞌo, keta haluꞌa Haꞌu. Tan ema mak tuir Haꞌu toꞌo mate, atu kselu kikar nia kodi moris nima-nimak.

Lia Raiklaran Falu Fila 21:4

Nia atu noꞌas namara siakaan luun, hotu sia la tanis ona. Iha kota nia, moras la iha ona. Iha kota nia, mate moos la iha ona. Tan hotu-hotu mak nasusar ema hori uluk, la iha ona. Tan hotu-hotu mak naloot ema hori uluk, lakon mohu ona.”

Lia Raiklaran Falu Fila 3:10

Tan emi haterus aan hodi tuir Haꞌukaan Manfatin, Haꞌu atu ksara kola emi nosi susar mak Naꞌi Maromak atu nodi koko ema raiklaran.

Lia Raiklaran Falu Fila 3:14

Hotu, Ema Raiklaran Isin nia moos dale natutan tenik naꞌak, “Yohanis, oras neꞌe, o musti makerek mola hakerek tatakan. Hakerek nia lian nuneꞌe: ‘Bodik ema sarani sia iha kota Laodikia: Hakerek neꞌe nosi Haꞌu, Yesus, mak ema temi naꞌak, ‘Loos Huun’. Haꞌu kdale lo-loos Maromak Manfatin. Lia hotu-hotu mak Naꞌi Maromak naseꞌi, huun nosi Haꞌu.

Lia Raiklaran Falu Fila 5:13

Sia nananu hotu, haꞌu krona kola tenik kananuk seluk ida. Makmoris hotu-hotu iha laleꞌan, iha kaloꞌan, iha raiklaran, no iha tasi laran, foti lian nodi nananu. Ema nosi matebian fatin moos, tuir nananu. Sia nananu bele-bele naꞌak, “Ami tonu Naꞌi Maromak mak nabesi aan iha habesi aan fatin neꞌe. Ami moos foti-hahaas Bibi Malae Oan neꞌe. Ami sera kneter baa Sia. Ami loꞌu-sudur baa Sia. Tan Sia mak kaer ukun nima-nimak! Siakaan beran moos la mohu kois!”