Mateus 6:10 - Tetun

¹⁰ Nebee Ita Boot dadi Naꞌin bodik ema hotu-hotu! Nebee ema hotu-hotu nalo tuir Ita Boot harukan iha raiklaran, oin nudaar makbukar laleꞌan sia nalo tuir Ita Boot harukan iha laleꞌan.

Mateus 6:10 ပူးပေါင်းရင်းမြစ်များ

Mateus 12:50

Ema mak nalo tuir Haꞌukaan Ama iha laleꞌan hakaran, sia mak Haꞌukaan familin malolok.”

Mateus 16:28

Rona, tan Haꞌukaan dalen neꞌe, tebes no loos! Nosi emi hotu-hotu iha neꞌe, ema naꞌin hira la mate dauk toꞌo naree Haꞌu, Ema Raiklaran nosi laleꞌan, kaer ukun nodi beran boot hanesan Naꞌin.”

Mateus 26:42

Hotu Nia baa namulak tenik naꞌak, “Ama! Kalo Haꞌu kmusti katiu kola susar neꞌe, nebee tuir Ama hakaran dei.”

Mateus 3:2

Nia katak naꞌak, “Mamaluk sia! Emi musti laꞌo hela emikaan salan, hodi fila hikar baa Naꞌi Maromak ona. Oras neꞌe, ema hotu-hotu bele tama ona dadi baa Naꞌi Maromak eman.”

Mateus 4:17

Nahuu baa oras nia, Yesus nanorin ema naꞌak, “Emi musti laꞌo hela emikaan salan, nebee moris loos ona! Tan oras neꞌe, ema hotu-hotu bele tama tiꞌan dadi baa Naꞌi Maromak eman.”

Mateus 7:21

Hotu Yesus dale naꞌak, “Ema waꞌin temi Haꞌu naꞌak, ‘Ita Boot!’ nudaar Haꞌu neꞌe, tebe-tebes siakaan Ulun. Mais sia temi iha ibun dei. Nosi ikus, Naꞌi Maromak iha laleꞌan atu dudu sai sia. Hela mesan ema mak tuir tebe-tebes Niakaan hakara mak Nia simu nola dadi baa Niakaan ema.

Markus 11:10

Hosana! Ami tonu-haboot Naꞌi Maromak, tan Nia atu nariik nikar Naꞌi Daud fohorain! Hosana! Ami tonu-haboot Naꞌi Maromak, tan Nia nabesi aan iha laleꞌan mak aas kaliuk!”

Markus 3:35

Tan ema mak nalo tuir Naꞌi Maromak hakaran, sia mak Haꞌukaan familin malolok.”

Lukas 19:11

Baa oras nia, ema waꞌin tuir nanono Yesus. Toꞌo kreꞌis kota Yerusalem, sia naneo naꞌak Yesus atu nalaꞌok Naꞌi Maromak ukun hanesan naꞌin ona. Mais tan sia nanoin sala nunia, Yesus dale baa sia lia hatetek ida

Lukas 19:38

Sia nahii naꞌak, “Ema neꞌe, Naꞌin mak Maromak solok mai! Maromak foo matak-malirin baa Nia! Oras neꞌe, ema raiklaran bele dame malu no Maromak iha laleꞌan ona. Tonu-haboot Maromak mak nabesi aan kaer ukun iha laleꞌan mak aas kaliuk.”

Lukas 22:42

“Ama! Kalo Ama nakara, tulun foti sees susar neꞌe nosi Haꞌu. Mais keta tuir Haꞌukaan hakara, tuir Ama nakara dei.”

Yohanis 4:34

Mais Yesus katak naꞌak, “Nuneꞌe mai. Naꞌi Maromak solok Haꞌu atu kalo tuir Niakaan beer, kodi kalaꞌo Niakaan serwisu toꞌo mohu. Lia nia manesak nuꞌu hahaak bodik Haꞌu.

Yohanis 6:40

Nunia tebes. Haꞌukaan Ama nakara nebee ema hotu-hotu natene Haꞌu no fiar baa Haꞌu, mak Niakaan Oa neꞌe. Hodi nunia, sia bele netan moris nima-nimak.”

Yohanis 7:17

Ema mak beer tuir Niakaan hakara, ema nia bele natene malorek naꞌak, Haꞌukaan hanorin neꞌe mai nosi Naꞌi Maromak.

Kristus Klosan Lian 13:22

Nosi ikus, Naꞌi Maromak natuun nikar nia, seluk nodi Isai oan naran Daud. Naꞌi Maromak dale nosi Daud nia naꞌak, “Isai oan Daud neꞌe, kona baa Haꞌukaan neon. Nia nanis atu nalo tuir Haꞌukaan hakaran hotu-hotu.”

Kristus Klosan Lian 21:14

Rona Paulus dale nunia, ami hatene nia la noꞌuk rona ami. Tan baa nia, ami hamamar nia hodi haꞌak, “Soꞌin baa! Nebee tuir Naꞌi Maromak hakaran dei.”

Kristus Klosan Lian 22:14

Hotu nia nalore naꞌak, ‘Hori uluk itakaan bei uluk sia namulak baa Naꞌi Maromak. Oras neꞌe, Naꞌi Maromak boi mau tiꞌan atu serwisu bodik Nia. Mau musti natene diꞌa-diꞌak Niakaan hakaran. Mau moos musti natene Yesus, mak Niakaan “Ema Moon”. Oras neꞌe Nia loke dalan tiꞌan, nebee mau rona duꞌuk nosi Yesus.

Roma 12:2

Keta tuir ema raiklaran oras neꞌe lisan oi-oik. Keta foo leet baa sia atu babilan emi. Emikaan neon keta naktomak tuir siakaan hanoin, siakaan moris, no siakaan adat. Diꞌak liu, foo leet baa Naꞌi Maromak atu babilan emi toꞌo nafou emikaan kakutak. Hodi nunia, emi bele hatene lia hotu-hotu tuir dalan foun. Emi moos bele hatene saa mak Naꞌi Maromak nakara emi halaꞌok bodik Nia. Lia mak Nia nakara nia, nanis lia diꞌak, lia tetuk, no lia mak nalo Nia neon diꞌak.

Efesus 6:6

tan emi moos Kristus ain-liman. Keta serwisu madinas iha ulun oin dei. Masik nia la iha moos, musti serwisu madinas bodik nia. Lia nia mak tuir Naꞌi Maromak hakaran.

Kolose 1:9

Tan baa nia, ami la hanawa hamulak bodik emi. Nahuu baa oras ami foin rona hosi emi, ami hakroꞌan nebee emi bele hatene tebe-tebes Naꞌi Maromak hakaran, no emi bele hatene lia hotu-hotu mak Niakaan Kmalar Lulik beer nanorin baa emi.

1 Tesalonika 4:3

Naꞌi Maromak nakara nuneꞌe: Moris moon no dook hosi lia kfoꞌer.

1 Tesalonika 5:18

Noo saa dei, susar ka, manek ka, sera dodan baa Naꞌi Maromak. Tan hahalok nunia mak Nia nakara nosi ema mak tuir Yesus Kristus.

Ibrani 1:14

Niakaan makbukar sia nanis noo folin. Tan Nia solok sia atu baa naliku Niakaan ema hotu-hotu, nebee natudu dalan moris baa sia. Masik makbukar laleꞌan sia makaꞌas nunia moos, Naꞌi Maromak Niakaan Oan liu sia hotu-hotu.

Ibrani 10:36

Haterus aan baa dei! Kalo emi halaꞌok tuir Naꞌi Maromak hakaran hotu-hotu, emi simu hotu-hotu mak Nia nameno baa emi tiꞌan.

Ibrani 10:7

Hotu, Kristus moos dale naꞌak, “Naꞌi Maromak! Haꞌu mak neꞌe tiꞌan! Haꞌu kmai atu kalo tuir Naꞌi Maromak hakaran, hanesan Maromak makoꞌan nakerek nela kedan nosi Haꞌu.”

1 Petrus 2:15

Naꞌi Maromak nakara nebee emi halo lia diꞌak sia, toꞌo ema momok mak la natene sa-saa moos, la noo lia krarain kois atu nasalak emi.

1 Petrus 4:2

Masik nia sei moris iha raiklaran neꞌe, nia la nalo sala hanesan ema seluk sia, tan nia moris tuir Naꞌi Maromak hakaran.

Lia Raiklaran Falu Fila 11:15

Nunia hotu, makbukar laleꞌan nomer hitu nuu niakaan kfui dikur. Sarebak, haꞌu krona kola lia maliak waꞌin mai bele-bele nosi laleꞌan naꞌak, “Oras neꞌe, itakaan Naꞌi Maromak no Kristus mak Nia boi kedan hori uluk, mak kaer ukun hotu-hotu iha raiklaran. Nia atu kaer ukun hanesan Naꞌin, toꞌo nima-nimak.”

Lia Raiklaran Falu Fila 12:10

Nunia hotu, haꞌu krona tenik lia maliak makaꞌas ida nosi laleꞌan naꞌak, “Uluk, samea inan nia nariik iha Naꞌi Maromak oin, nodi tula sala bei-beik baa itakaan mamaluk makfiar sia. Oras neꞌe, nia kona soe sai nosi laleꞌan tiꞌan. Oras neꞌe, Naꞌi Maromak oras toꞌo tiꞌan, atu sori ema raiklaran. Oras neꞌe, Naꞌi Maromak kaer ukun tiꞌan nodi beran boot. Nia moos foti Kristus tiꞌan, Ema nia mak Nia boi kedan atu dadi Naꞌin bodik ema klubun hotu-hotu.

Lia Raiklaran Falu Fila 19:6

Hotu, haꞌu krona kola hanesan ema lear dale baa malu. Siakaan lian, maliak boot hanesan wee tatolik, no makaꞌas hanesan kokur. Sia dale naꞌak, “Aleluya! Ami tonu-haboot Naꞌi Maromak. Aleluya! Ami foti-hahaas Niakaan naran. Nia mak beran kaliuk. Nia mak ukun hotu-hotu.

Lia Raiklaran Falu Fila 20:4

Hotu, haꞌu ktitu-karee kadera ukun waꞌin lear no ema mak tuur iha nia. Naꞌi Maromak foti ema nia sia, nalo baa makotu lia. Uluk, sia neꞌe, mak baa keke Yesus Manfatin Diꞌak no Maromak Manfatin, toꞌo ema noꞌo sia. Sia la loꞌu baa buat krakat aat nia no niakaan aiꞌoik. Sia moos la simu niakaan marak baa siakaan baboton no liman. Sia kona hoꞌo, mais Naꞌi Maromak nalo sia moris nikar, nebee sia kaer ukun namutuk no Kristus toꞌo tinan rihun ida.