Mateus 4:4 - Tetun

⁴ Mais Yesus nataa naꞌak, “Hakerek tiꞌan iha Hakerek Moon naꞌak: ‘Ema raiklaran la moris nosi haan dei. Mais sia moos musti nanono Maromak Manfatin, nodi nalo tuir Niakaan beer.’ ”

Mateus 4:4 ပူးပေါင်းရင်းမြစ်များ

Mateus 15:11

Saa mak tama baa ema ibun laran la nalo ema kadoor. Mais saa mak sai nosi ibun mak nalo kadoor.”

Mateus 4:10

Mais Yesus nakbehek naꞌak, “Hoi, Diabu! Sees mosi neꞌe! Hakerek Moon naꞌak, ‘O musti loꞌu-sudur baa Naꞌi Maromak, no serwisu bodik Nia mesan dei.’ ”

Mateus 4:7

Mais Yesus nataa naꞌak, “Hakerek Moon naꞌak, ‘Naꞌi Maromak nia, okaan Naꞌin. Keta maruka Nia nodi Niakaan beran atu natudu kakaer naꞌak, Nia mak tebe-tebes Maromak.’ ”

Markus 7:20

Saa mak sai nosi ema neon laran, mak nalo ema kadoor, toꞌo Naꞌi Maromak moos nakribi, hotu la noꞌuk namutuk no nia ona.

Lukas 4:12

Mais Yesus nataa naꞌak, “Keta kli-liꞌis mo haꞌu. Tan Hakerek Moon naꞌak, ‘Keta sokur Maromak!’ ”

Lukas 4:4

Mais Yesus nataa naꞌak, “Lale! Hakerek Moon naꞌak, ‘Ema raiklaran moris lahoos nosi haan dei!’ ”

Lukas 4:8

Mais Yesus nataa naꞌak, “Lale! Hakerek Moon naꞌak, ‘Ita musti loꞌu no sudur baa Naꞌi Maromak dei. Nia, mak ita musti haliku.’ ”

Yohanis 15:26

Mais keta hataꞌuk, tan noo Malikuk ida atu mai. Nia, Maromak Kmalar Lulik mak mai nosi Haꞌukaan Ama. Nia atu nanorin emi hanorin loos. Haꞌu kbaa tiꞌan Haꞌukaan Ama, kfoin solok Kmalar Lulik nia mai baa emi. Kalo Nia mai tiꞌan, Nia atu natebes lia nosi Haꞌu.

Yohanis 6:63

Maromak Kmalar dei mak noo beran atu foo moris nima-nimak. Ema raiklaran la noo beran nunia. Tan Haꞌukaan hanorin neꞌe nahabut nosi Maromak Kmalar, Haꞌukaan hanorin moos bele foo moris nima-nimak.

Roma 15:4

Hotu-hotu mak Naꞌi Maromak naruka ema nakerek iha Hakerek Moon dadi hanorin bodik ita. Hanorin nia natudu dalan nebee ita haterus aan no neon boot. Ita moos bele haloon baa Naꞌi Maromak hodi neon metin.

Efesus 6:17

Ita kaer metin itakaan fiar haꞌak, Naꞌi Maromak sori ita tiꞌan, lia nia hanesan ita tau sabeo besi. Ita kaer metin Maromak Manfatin, lia nia hanesan ita kaer surik, tan Manfatin nia, Kmalar Lulik Niakaan surik.