Mateus 27:17 - Tetun

¹⁷ Baa loron nia, ema lear moos baa gubernur Pilatus atu nusu nebee nia nabusik sai ema bui ida, tuir siakaan adat. Rona nunia, Pilatus nusu baa sia naꞌak, “Diꞌak! Mais haꞌu atu kabusik see? Iha neꞌe, Barabas no Yesus mak ema temi naꞌak Kristus. Haꞌu kabusik mak nabee? Emi naꞌin boi duꞌuk.”

Mateus 27:17 ပူးပေါင်းရင်းမြစ်များ

Mateus 27:16

Baa oras nia, noo ema bui ida naran Barabas. Ema hotu-hotu natene nia, tan nia ema aat basuk.

Mateus 27:18

(Gubernur dale nunia, tan nia natene tiꞌan naꞌilulik ulun sia nodi Yesus baa nia, tan sia rai hirus baa Yesus.)

Yohanis 19:15

Mais sia nahii hetak makaꞌas naꞌak, “Hodi Nia sai hosi neꞌe! Hoꞌo Nia dei! Hedi Nia baa ai karuus!” Hotu gubernur nusu tenik naꞌak, “Nunabee? Emi hakara hoꞌo emikaan naꞌin neꞌe ka?” Naꞌilulik ulun sia moos nataa naꞌak, “Amikaan naꞌin, ida dei. Nia mak Keser! La noo seluk!”

Yohanis 4:25

Rona nola Yesus dale nunia, feto nia katak naꞌak, “Haꞌu katene Mesias atu mai. Nia mak ema temi naꞌak, ‘Kristus’, tan Naꞌi Maromak nameno kedan atu solok Nia mai. Kalo Nia mai tiꞌan, nanis Nia nalore lia hotu-hotu baa ita.”