Mateus 27:11 - Tetun

¹¹ Ema nodi Yesus toꞌo gubernur baa tiꞌan, gubernur nusu Yesus naꞌak, ‘ ‘Ema neꞌe sia naꞌak O neꞌe, Naꞌin Yahudi. Tebes ka lale?” Yesus nataa naꞌak, “Tebes. Ama dale nia loos.”

Mateus 27:11 ပူးပေါင်းရင်းမြစ်များ

Mateus 10:18

Sia atu dada nodi emi baa hataa gubernur no naꞌin sia tan tuir Haꞌu. Mais emi musti hodi leet nia atu katak baa sia hosi Haꞌu. Hodi nunia, ema mak la natene Naꞌi Maromak moos bele rona lia nosi Haꞌu.

Mateus 10:25

Kalo maktuir nanorin aan toꞌo matenek manesak no niakaan ema manorik, nia noran toꞌo tiꞌan. Kalo ema serwisu nanorin aan toꞌo matenek manesak no niakaan ulun, nia moos noran toꞌo tiꞌan. Hanoin! Kalo ema dale nahaat uma ida naꞌin naꞌak, ‘O neꞌe Baalsebul mak diabu ulun!’ ema uma laran moos nanis netan naran aat liu tan.”

Mateus 2:2

Toꞌo Yerusalem baa, sia nusu baa-mai naꞌak, “Ema Yahudi siakaan naꞌi mak foin moris nia, iha nabee? Ami haree tiꞌan fitun ida iha lorosaꞌe mak natudu tadak naꞌak, Nia moris tiꞌan. Tan lia nia, ami mai atu loꞌu-sudur baa Nia.”

Mateus 26:25

Hotu Yudas, mak atu faꞌan Yesus, moos nusu kalolon naꞌak, “Nanis ema mak Ama dale nia, lahoos haꞌu ka?” Yesus nataa naꞌak, “O naꞌin duꞌuk mak maꞌak nunia tiꞌan.”

Mateus 26:64

Yesus nataa naꞌak, “Ama dale nia tebes. Nosi ikus, emi atu haree Haꞌu, mak Ema Raiklaran Isin, tuur iha laleꞌan iha Naꞌi Maromak sorin kwana. Haꞌu atu kaer ukun kamutuk ko Nia mak beran kaliuk nia. Emi moos haree Haꞌu kmai kikar, ktuun kodi kaloꞌan.”

Markus 14:62

Yesus nataa naꞌak, “Tebes! Haꞌu mak Kristus. Emi hotu-hotu atu haree Haꞌu, Ema Raiklaran Isin neꞌe, kabesi aan kaer ukun iha Naꞌi Maromak mak beran kaliuk sorin kwana. Nosi ikus, Haꞌu moos atu kamaan aan mai kikar kosi laleꞌan kodi kaloꞌan.”

Lukas 22:70

Rona nola nunia, sia hotu-hotu nusu naꞌak, “Kalo nunia, O maneo Naꞌi Maromak Oan mak O ka?” Yesus nataa naꞌak, “Tebes. Nuꞌu emi dale nia!”

1 Timotius 6:13

Oras neꞌe, haꞌu kusu o mamate menon maꞌak, o tuir Naꞌi Yesus ukun hotu-hotu. Keta makur ukun ida moos, nebee ema la netan okaan salan. Tuir tebe-tebes, toꞌo loron itakaan Naꞌi Yesus Kristus namaan aan mai nikar. Haꞌu kusu o mamate menon nunia iha Naꞌi Maromak oin. Tan Nia mak foo kmalar bodik makmoris hotu-hotu. Haꞌu kusu o moos mamate menon nia iha Yesus Kristus oin. Tan Nia moos katak lia loos iha Gubernur Pontius Pilatus oin.