Mateus 26:52 - Tetun

⁵² Naree nunia, Yesus katak baa ema mak taa nia naꞌak, “Maknua mikar okaan taha, tan ema mak nakaat nodi taha, nia moos atu mate kona taha.

Mateus 26:52 ပူးပေါင်းရင်းမြစ်များ

Mateus 5:39

Mais Haꞌu katak nuneꞌe: Keta selu aat hodi aat. Kalo ema basa okaan hasan sorin, mabusik basa tenik sorin balu.

Roma 12:19

Mamaluk sia mak haꞌu kadomi! Keta selu aat baa ema. Habusik Naꞌi Maromak mak selu baa sia. Tan Nia nahibu kalo ema nalo aat. Hakerek Moon naꞌak, “Itakaan Naꞌin duꞌuk mak dale naꞌak, Haꞌu mak koo beran atu selu aat baa ema. Tan Haꞌu mak koo beran atu katuun kastikar baa ema.”

1 Tesalonika 5:15

Hanoin! Keta selu aat hodi aat, mais harui aan halo diꞌak nohuun baa ema hotu-hotu. Keta halo diꞌak baa itakaan ema dei, mais baa ema seluk no.

1 Petrus 3:9

Keta selu aat hodi aat. Kalo ema nasalak emi, keta selu hikar. Mais husu nebee Naꞌi Maromak natuun matak-malirin baa ema nia. Hodi nunia, Naꞌi Maromak moos natuun matak-malirin baa emi, tan Nia bolu emi atu halo lia diꞌak nunia.

Lia Raiklaran Falu Fila 13:10

Kalo Naꞌi Maromak nakotu tiꞌan naꞌak, ema ida musti kona kohi, ema nia nanis kona kohi. Kalo Naꞌi Maromak nakotu tiꞌan naꞌak, ema ida kona hoꞌo hodi surik, ema nia nanis kona hoꞌo hodi surik.” Tan baa nia, Naꞌi Maromak eman sia musti naterus aan iha susar laran, hodi fiar bei-beik baa Nia.

Lia Raiklaran Falu Fila 16:6

Ema naduar tiꞌan Ita Boot eman raan. Ema noꞌo tiꞌan Ita Boot makoꞌan sia. Tan baa nia, Ita Boot seten sia nemu raa. Tan baa nia, Ita Boot selu nikar baa sia hodi kastikar.”