Mateus 24:8 - Tetun

⁸ Mais lia nia hotu-hotu foin tadak uluk fohon naꞌak, oras rai falu fila kreꞌis ona. Hanesan feto mak foin noran moras, tan oras nahoris kreꞌis ona.

Mateus 24:8 ပူးပေါင်းရင်းမြစ်များ

Markus 13:8

Ema klubun ida atu natuda sakar klubun seluk. Rai ida atu natuda sakar rai seluk. Rai kakekuk mosu iha nabee-nabee. Dinu salaen boot basuk moos mosu mai. Lia nia hotu-hotu foo tadak naꞌak, oras rai falu fila kreꞌis ona, hanesan feto mak notak moras tiꞌan, tan oras nahoris kreꞌis ona.

Lukas 21:12

Lia neꞌe sia hotu-hotu sei la dadi dauk, mais ema kohi nola emi nodi nahoras, tan emi fiar Haꞌu. Hotu, sia nodi emi baa uma hamulak atu tula lia baa emi, no neti emi iha bui laran. Sia moos naruka emi baa hataa lia baa naꞌin no ukunrai seluk sia. Hotu-hotu neꞌe sia atu dadi baa emi, tan tuir Haꞌu.

1 Tesalonika 5:3

Niakaan mamain mai nia moos hanesan ema mak tuur diꞌa-diꞌak, la noo udan-anin, teki-tekis netan dinu. Hanesan no nuꞌu feto mak teki-tekis moras nahoris. Kalo lia nia sia toꞌo, ita la bele dudu. Nunia moos, oras Naꞌi Yesus namaan aan mai nikar.

Yakobus 5:1

Emi, ema maksoin sia! Hanoin diꞌa-diꞌak! Emi hatoos kansera baa ema mak serwisu susi ruin bodik emi. Oras neꞌe siakaan kosar ween folin, nahii nasee emikaan tolek nia. Naꞌi Maromak Mak Boot Kaliuk moos rona tiꞌan. Emi moris iha raiklaran neꞌe, hafurak aan hodi tuir emikaan beer dei, toꞌo emi nuꞌu karau bokur mak ema atu noꞌo ona. Tan emi taa ukun tiꞌan hodi hoꞌo ema diꞌak mak la bele sakar emi. Emi, ema maksoin sia! Hadiꞌa aan tanis ona, tan susar oi-oik atu kona emi. Emikaan naha sia, atu dodok mohu ona. Emikaan tais kabaas sia, fuhuk atu naa ona. Emikaan mean no mutin sia, atu la noo folin ona. Sia naa fila emi, nuꞌu haꞌi naa ai maran. Raiklaran atu falu fila ona, mais emi sei halau aan libur naha mamuk sia. Tan saa emi beik nunia? Naha mamuk nia sia dadi lia kakaer naꞌak, emi la hatene saa mak noo folin iha Naꞌi Maromak oin!