Mateus 24:39 - Tetun

³⁹ Oras motasaꞌe mai, lulun nodi sia, foin siakaan matan nakloke, no sia natene nola saa mak dadi tiꞌan nia. Nunia moos, baa oras Haꞌu kmai kikar.

Mateus 24:39 ပူးပေါင်းရင်းမြစ်များ

Mateus 16:27

Haꞌu katak lia neꞌe sia hotu-hotu baa emi, tan Haꞌu neꞌe, mak Ema Raiklaran Isin nosi laleꞌan. Nosi ikus, Haꞌu atu kmai kikar kodi Haꞌukaan Aman beran makaꞌas, bele-bele ko Niakaan makbukar laleꞌan sia. Baa oras nia, Haꞌu atu kselu baa ema ida-idak tuir niakaan hahalok.

Mateus 24:3

Hotu, Yesus baa tuur iha Foho Saitun. Niakaan maktuir sia mai atu dale mesan no Nia naꞌak, “Ama! Katak mikar kokon Ama dale ohin nia. Niakaan oras, wainhira toꞌo? Niakaan tadak, nunabee?”

Mateus 24:30

Hotu, ema atu naree tadak iha laleꞌan mak natudu naꞌak, Ema Raiklaran Isin atu namaan aan mai nikar. Naree nola nunia, ema nosi rai hotu-hotu iha raiklaran, atu nataꞌuk toꞌo tanis. Haꞌu ktuun mai kodi kaloꞌan, foin sia naree Haꞌukaan beran no Haꞌukaan makaꞌas.

Mateus 24:37

Haꞌu neꞌe, Ema Raiklaran Isin nosi laleꞌan. Oras Haꞌu kmai kikar, nuꞌu oras uluk aan, mak oras Noh sei moris.

Mateus 24:40

Kalo ema naꞌin rua serwisu iha toꞌos, teki-tekis Naꞌi Maromak foti nodi ida, nela ida.

Lukas 19:44

nodi naroꞌon emikaan kota weer toꞌo rai. Hotu sia noꞌo emi ho emikaan oan hotu-hotu. La nela fatuk ida mak nariik, tan Maromak namaan aan mai atu sori emi, mais emi la simu Nia!”

Yohanis 3:20

Ema hotu-hotu mak moris nalo aat, hirus kroman nia. Sia la nakara kroman nia naksinak baa sia, nebee kroman la loke loren siakaan hahalok aat.

Roma 1:28

Sia naneo naꞌak, “Lalika talin malu ho Naꞌi Maromak.” Etuk, Naꞌi Maromak seꞌi kotuk no nabusik nela sia nalo tuir siakaan hakara dei! Sia naneo loos lia aat nodi nalo lia mak la tuir dalan!

2 Petrus 3:5

Sia dale nunia tebes, mais noo lia ida mak sia nodi fudi la nanoin. Lia nia mak neꞌe: hori uluk fohon Naꞌi Maromak dale loos dei, hotu laleꞌan dadi kedas. Nia moos naseꞌi raiklaran nosi wee. Hotu, Nia naketak rai maran no wee. Kleu-leur, baa bei Noh niakaan oras, Naꞌi Maromak moos nodi wee nalo motasaꞌe nadodok nola ema hotu-hotu. Naꞌi Maromak nakotu kedan saa mak Nia atu nalo baa laleꞌan no raiklaran. Oras neꞌe Nia sei la nalo dauk, tan Nia netu aan. Mais toꞌo baa niakaan oras, Nia atu sunu mohu laleꞌan no raiklaran. Nia moos atu natuun kastikar nodi nadodok mohu ema mak taliꞌur baa Nia.