Mateus 23:39 - Tetun

³⁹ Rona! Emi la haree Haꞌu tenik ona, toꞌo oras emi katak sain haꞌak, ‘Ita husu nebee Naꞌi Maromak natuun matak-malirin baa Ema neꞌe, tan Naꞌi Maromak mak solok Nia.’ Emi katak sain nunia lai, foin bele haree hikar Haꞌu.”

Mateus 23:39 ပူးပေါင်းရင်းမြစ်များ

Mateus 21:9

Baa oras nia, ema balu laꞌo uluk Yesus, balu tenik tuir nosi kotuk. Sia nahii bele-bele naꞌak, “Hosana! Ami tonu-haboot Naꞌi Maromak! Naꞌi Daud husar-binan namaan aan mai tiꞌan! Hosana! Ami tonu-haboot Naꞌi Maromak! Naꞌi Maromak solok Ema neꞌe mai tiꞌan. Hosana! Ami tonu-haboot Naꞌi Maromak, mak nabesi aan iha laleꞌan mak aas kaliuk!”

Lukas 17:22

Hotu Yesus katak baa Niakaan maktuir sia naꞌak, “La kleur ona Haꞌu, Ema Raiklaran Isin neꞌe, la kamutuk ko emi tiꞌan. Loron susar toꞌo, emi atu beer Haꞌu, mais Haꞌu la iha ona.

Yohanis 14:19

La kleur falik, ema seluk iha raiklaran neꞌe la naree Haꞌu ona. Mais emi haree Haꞌu. Emi atu moris, tan Haꞌu kmoris kikar.

Yohanis 14:9

Yesus katak baa nia naꞌak, “Filipus. Haꞌu kamutuk ko emi kleur tiꞌan. Tan saa emi sei la hatene tebe-tebes Haꞌu? Ema mak naree Haꞌu tiꞌan, nia moos naree Haꞌukaan Ama tiꞌan. Tan saa o sei musu tenik Haꞌu katudu Haꞌukaan Ama baa o?

Yohanis 8:21

Hotu, Yesus dale natutan naꞌak, “Haꞌu atu klaꞌo kela emi, atu baa fatin ida seluk. Nunia tiꞌan, emi buka Haꞌu, mais la hetan, tan emi la bele baa fatin nia. Tebes. Emi la bele baa, tan nosi ikus, oras emi mate, emi sei hatiu hodi emikaan salan.”

Yohanis 8:24

Etuk, Haꞌu katak ohin nia kaꞌak, oras emi mate, emi sei hatiu hodi emikaan salan. Tebes. Tan kalo emi la fiar baa Haꞌu, oras emi mate, emi sei hatiu hodi emikaan salan.”

Yohanis 8:56

Emikaan Bei Abraham neon diꞌak, tan nia natene Haꞌu atu kmai. Oras neꞌe, Haꞌu kmai tiꞌan. Nanis nia neon diꞌak basuk.”

Roma 11:25

Mamaluk iha Roma sia! Emi musti hatene lia neꞌe mak uluk sei lia subar. Mais kalo hatene tiꞌan, keta kakaku aan hodi haneo haꞌak, emi matenek. Lia subar nia nuneꞌe: oras neꞌe, ema Yahudi sia neon monas no la noꞌuk fiar baa Yesus. Mais la nunia bei-beik. Tan kalo ema seluk hotu-hotu fiar baa Yesus tiꞌan, ema Yahudi sia moos fiar baa Nia.