Mateus 21:17 - Tetun

¹⁷ Hotu Yesus no Niakaan maktuir sia sai nela kota, baa toba iha leo Betania.

Mateus 21:17 ပူးပေါင်းရင်းမြစ်များ

Mateus 16:4

Hoi! Emi ema oras neꞌe hatene loos halo aat dei! Emi la hikir Naꞌi Maromak! Masik emi husu tadak blaar moos, Haꞌu la kfoo. Uluk Naꞌi Maromak nalo tadak blaar tiꞌan nodi Niakaan makoꞌan Yunus. Nia, toꞌo tiꞌan!” Dale notu nunia, Yesus laꞌo nela sia.

Mateus 26:6

Baa oras nia, noo ema ida naran Simon. Nia nein iha leo Betania. Uluk, ema nakribi nia tan kona moras funi mea. Mais oras neꞌe, nia diꞌak tiꞌan. Baa oras loron diꞌak nia sia sei la toꞌo dauk, Yesus sia baa naa iha Simon uman.

Markus 11:1

Hotu, Yesus sia laꞌo liu toꞌo kreꞌis Yerusalem. Sia nanawa sala-sala kreꞌis leo rua iha Foho Saitun tehen. Leo rua nia, ida naran Betfage, ida naran Betania. Iha nia, Yesus naruka Niakaan maktuir naꞌin rua baa uluk.

Markus 11:11

Toꞌo kota laran, Yesus sia tama baa Uma Hamulak Huun. Iha Uma Hamulak Huun lalawar, Nia titu satan leur fatik nia. Mais, tan atu kalan ona, sia moos fila baa leo Betania.

Markus 11:19

Kreꞌis loro monu, Yesus sia sai nela kota Yerusalem, fila baa toba iha Betania.

Markus 14:3

Iha leo Betania, noo ema ida naran Simon. Uluk, ema nakribi nia tan kona moras funi mea. Mais oras neꞌe, nia diꞌak tiꞌan. Loron boot nia sia sei la toꞌo dauk, Yesus sia baa naa iha Simon uman. Sia noꞌi naa, feto ida mai nasoru Yesus. Feto nia kaer nodi mina morin botir ida. Mina morin nia folin todan. Botir moos noo folin tan halo hosi fatuk. Toꞌo Yesus baa, feto nia taꞌe naroe botir matan. Hotu, fui nanii mina nia baa Yesus ulun atu foo tadak naꞌak nia nakneter Yesus.

Markus 3:7

Baa loron ida, Yesus no Niakaan maktuir sia laꞌo tenik baa debu boot Galilea tehen. Ema waꞌin mai nosi leo-leo atu tuir Yesus, tan sia rona tiꞌan saa mak Nia nalo. Sia mai nosi rai Galilea, rai Yudea, no rai Idumea. Ema balu moos mai nosi kota Yerusalem, leo Sidon, no leo Tirus. Balu tenik mai nosi mota Yordan lorosaꞌe. Sia hotu-hotu mai buka Yesus.

Lukas 10:38

Nunia hotu, Yesus no Niakaan maktuir sia laꞌo liu baa Yerusalem. Sia tuli iha leo ida. Iha leo nia, noo feto biin-alin naꞌin rua, naran Marta no Maria. Oras sia naree Yesus, Marta mai nusu baa Yesus nebee nein sa-sala lai iha siakaan uman. Yesus moos nakara. Hotu Yesus tuur nodi nanorin ema iha siakaan uma. Baa oras nia, Marta nalau aan nadiꞌa haa-hemu iha kotuk baa. Mais alin Maria tuur nareꞌis aan baa Yesus ain, nanono Nia dale. La kleur, Marta tama mai nakmuuk baa Yesus naꞌak, “Ama! Nuꞌunabee tiꞌan! Haꞌu kalo aan kadiꞌa haa-hemu, mais haꞌukaan alin tuur diꞌa-diꞌak iha neꞌe dei. Ama maruka nia serwisu tuan haꞌu iha kotuk nebaa lai!”

Lukas 19:29

Nareꞌis aan baa leo Betfage no leo Betania iha Foho Saitun tehen, Nia naruka Niakaan maktuir naꞌin rua baa uluk

Lukas 24:50

Baa loron ida, Yesus nodi Niakaan maktuir sia sai nosi kota. Kreꞌis leo Betania, Nia foti liman nodi dale natuun matak-malirin baa sia.

Yohanis 11:1

Noo ema ida, naran Lasarus. Nia nein iha leo Betania namutuk no biin naꞌin rua naran Maria no Marta. (Maria neꞌe, mak uluk fui mina morin baa Yesus ain, hotu noꞌas nodi niakaan fuuk.) Baa dala ida, Lasarus moras todan.