Mateus 2:6 - Tetun

⁶ ‘Hei, emi ema Betlehem iha rai Yudea. Keta hakraik emikaan leo nia, leo kiꞌik mak la noo folin. Tan Ema boot ida atu mosu mai nosi nebaa. Nia atu dadi makbalin bodik Haꞌukaan ema Israꞌel sia.’ ”

Mateus 2:6 ပူးပေါင်းရင်းမြစ်များ

Lia Uluk Fohon 49:10

Loron ikus, o atu kaer ukun! Okaan husar-binan moos atu kaer ukun tuir malu, toꞌo noo husar-binan ida mak beran kaliuk mak tuur kaer ukun nia! Hotu, ema klubun hotu-hotu atu loꞌu-sudur no rona baa Nia!

Mateus 2:1

Baa oras Maria nahoris Yesus iha leo Betlehem iha rai Yudea, Naꞌi Herodes mak kaer ukun iha nia. Oras nia moos, ema naꞌin hira mai iha kota Yerusalem nosi fatin dook iha lorosaꞌe baa. Sia nia, ema matenek leno fitun.

Mateus 28:18

Hotu Yesus mai nareꞌis aan baa sia, nodi dale naꞌak, “Naꞌi Maromak latan beran baa Haꞌu tiꞌan, nebee Haꞌu ukun hotu-hotu iha laleꞌan no raiklaran.

Yohanis 21:16

Nunia hotu, Yesus nusu tenik naꞌak, “Simon, Yohanis oan. Nunabee? O madomi Haꞌu ka lale?” Nia nataa naꞌak, “Tebes, Ama Boot! Ama Boot natene duꞌuk, haꞌu kadomi Ama Boot.” Hotu, Yesus naruka tenik naꞌak, “Kalo nunia, maliku modi mahaan Haꞌukaan bibi malae sia.”

Yohanis 7:42

Tan Hakerek Moon naꞌak, Kristus, Naꞌi Daud husar-binan. Hakerek Moon moos naꞌak, Kristus nosi Betlehem, Naꞌi Daud leon.”

Efesus 1:22

Ama nalo hotu-hotu loꞌu baa Kristus. Ama moos foti Nia dadi Ulun bodik babilan ema makfiar sia hotu-hotu.

Kolose 1:18

Nia mak Ulun bodik ita ema sarani, no ita dadi baa Niakaan isin. Nia mak moris huun. Nia mak uluk fohon mate no moris nikar. Nia mak aas kaliuk.

Ibrani 7:14

Mais ita hotu-hotu hatene haꞌak, itakaan Naꞌin Yesus Kristus moris nosi hunun Yahuda. Tuir Ukun-badu Bei Musa, la noo naꞌilulik nosi hunun nia.

Lia Raiklaran Falu Fila 11:15

Nunia hotu, makbukar laleꞌan nomer hitu nuu niakaan kfui dikur. Sarebak, haꞌu krona kola lia maliak waꞌin mai bele-bele nosi laleꞌan naꞌak, “Oras neꞌe, itakaan Naꞌi Maromak no Kristus mak Nia boi kedan hori uluk, mak kaer ukun hotu-hotu iha raiklaran. Nia atu kaer ukun hanesan Naꞌin, toꞌo nima-nimak.”

Lia Raiklaran Falu Fila 7:17

Bibi Malae Oan mak kreꞌis habesi aan fatin nia, atu dadi siakaan makbalin. Nia atu nalaꞌo nodi sia, baa nemu iha wee matan mak nalo ema moris nohuun. Naꞌi Maromak moos atu kasu mohu siakaan susar, nebee sia la tanis ona.”