Mateus 19:4 - Tetun

⁴ Yesus nataa naꞌak, “Emi neꞌe ema matenek. Tan saa emi la hatene Hakerek Moon isin? Hakerek Moon naꞌak Naꞌi Maromak naseꞌi ema raiklaran, feto no mane.

Mateus 19:4 ပူးပေါင်းရင်းမြစ်များ

Lia Uluk Fohon 1:27

Hotu, Maromak naseꞌi ema tuir Niakaan ilas. Nia naseꞌi sia, feto no mane.

Lia Uluk Fohon 2:18

Hotu MAROMAK katak naꞌak, “La furak ema neꞌe moris mesan. Diꞌak liu, Haꞌu kaseꞌi foo maluk ida mak makonak no nia.”

Lia Uluk Fohon 2:23

Naree feto nia, ema nia dale naꞌak, “Haa! Neꞌe lai! Neꞌe foin kona baa haꞌu! Niakaan ruin manesak no haꞌukaan. Niakaan isin moos manesak no haꞌukaan. Haꞌu kanaran nia ‘feto’, tan nia dadi nosi mane.”

Mateus 12:3

Mais Yesus nataa naꞌak, “Nunabee? Emi la hanoin lia Bei Daud iha Hakerek Moon ka? Oras uluk nia, Bei Daud no niakaan maktuir sia kabun nakeo, tan salaen tebe-tebes. Sia tama baa Batane Hamulak, hotu naa nola tubi mak naꞌilulik sia sera tiꞌan baa Naꞌi Maromak. Tuir loos, naꞌilulik sia mesan mak bele naa tubi nia. Ema seluk la bele. Mais masik Bei Daud sia naa moos, ema la nasalak sia. Emi nuꞌu la leno Hakerek Moon!

Mateus 21:42

Hotu Yesus dale tenik naꞌak, “Arumak emi sei la leno dauk saa mak hakerek tiꞌan iha Hakerek Moon naꞌak, ‘Noo fatuk ida mak badaen fatuk sia soe lerek tiꞌan. Mais oras neꞌe fatuk nia dadi baa uma tatuur fatuk tiꞌan! Naꞌi Maromak duꞌuk mak boi nola, nodi natuur fatuk nia. Etuk ita haree baa, kabaas tebes!’ ”

Mateus 21:6

Yesus naruka nunia tiꞌan, maktuir nia sia baa, nalo tuir hotu-hotu mak Yesus nameno nia.

Mateus 22:31

Haꞌu moos kalore tenik kosi lia ema mak mate tiꞌan bele moris nikar ka lale. Iha Hakerek Moon, no lia nosi lia neꞌe. Emi sei la leno dauk ka? Iha nia Naꞌi Maromak katak baa Bei Musa naꞌak,

Markus 12:10

Arumak emi sei la leno dauk saa mak hakerek tiꞌan iha Hakerek Moon naꞌak, ‘Noo fatuk ida mak badaen fatuk sia soe lerek tiꞌan. Mais, oras neꞌe fatuk nia dadi baa uma tatuur fatuk ona.

Markus 12:26

Haꞌu moos kalore tenik kosi lia ema mak mate tiꞌan bele moris nikar ka lale. Uluk aan, Bei Musa nakerek lia nosi ai huun kiꞌik mak haꞌi naa mais la namotuk. Emi la leno lia nia ka? Baa oras haꞌi naa ai huun nia, Naꞌi Maromak foo natene baa Bei Musa naꞌak, ‘Haꞌu neꞌe Maromak, mak okaan Bei Abraham, Bei Isak no Bei Yakob, siakaan Maromak. Sia hotu-hotu loꞌu-sudur baa Haꞌu hori uluk toꞌo oras neꞌe.’

Markus 2:25

Mais Yesus nataa naꞌak, “Emi la hanoin lia Bei Daud ka? Naꞌilulik boot baa oras nia, naran Abiatar. Natoon baa nia, Bei Daud no niakaan maktuir sia salaen basuk. Sia tama baa Batane Hamulak. Hotu, sia naa nola tubi mak naꞌilulik sia sera tiꞌan baa Naꞌi Maromak. Tuir loos, naꞌilulik sia mesan dei mak bele naa tubi nia. Mais, hanoin. Tan masik Bei Daud sia naa nola moos, la no ema mak nasalak sia.”

Lukas 10:26

Yesus nataa naꞌak, “Bei Musa nakerek saa nosi lia neꞌe? Ita hatene saa hosi lia neꞌe?”

Lukas 6:3

Mais Yesus nataa naꞌak, “Nuꞌunabee? Emi la hanoin Bei Daud lian uluk nia ka? Oras nia, Bei Daud no niakaan ema sia salaen. Sia tama baa Batane Hamulak, nola tubi mak naꞌilulik sia sera tiꞌan baa Naꞌi Maromak. Hotu sia naa. Tuir loos, naꞌilulik sia mesan mak bele naa tubi nia. Ema seluk la bele. Mais oras Bei Daud sia naa, la noo ema ida nasalak sia. Emi la leno Naꞌi Maromak Hakerek Moon ka?