Mateus 16:18 - Tetun

¹⁸ Rona! Haꞌu ktau naran baa o kaꞌak ‘Petrus’, mak lia isin naꞌak fatuk. Tan okaan fiar biit tiꞌan nuꞌu fatuk, o atu dadi uma tatuur fatuk bodik Haꞌukaan ema makfiar sia. Masik diabu nodi beran aat hotu-hotu sokur Haꞌukaan ema sia moos, la bele natoba nola.

Mateus 16:18 ပူးပေါင်းရင်းမြစ်များ

Lia Uluk Fohon 22:17

kaꞌak, Haꞌu kameno katuun matak-malirin waꞌin lear baa o mo okaan husar-binan. Sia atu bea tuꞌan hanesan fitun iha laleꞌan, no raihenek iha tasi tehen mak ema la bele sura nola. Okaan husar-binan sia atu natoba nola funu.

Mateus 10:2

Maktuir naꞌin sanulu resin rua mak Nia boi nia atu dadi baa Niakaan klosan, siakaan naran mak neꞌe: Mak dala uluk, naran Simon (nia mak ema temi naꞌak ‘Petrus’), no alin, naran Andreas. Hotu Yakobus no alin, naran Yohanis (sia naꞌin rua nia, Sebadeus oan).

Mateus 11:23

Emi, ema Kapernaum sia, sintidu! Keta hanoin haꞌak, Naꞌi Maromak atu foti saꞌe emi natama baa laleꞌan. Lale! Naꞌi Maromak atu soe lerek emi tama baa naraka! Kalo tadak blaar sia mak Haꞌu kaseꞌi iha emikaan leo, dadi uluk tiꞌan iha kota Sodom, nanis Naꞌi Maromak la nadodok kota aat nia. Tan kalo ema Sodom naree tadak blaar nia sia, nanis sia laꞌo nela siakaan aꞌaat.

Mateus 18:17

Mais, kalo ema nia sei la noꞌuk rona emi, baa katak baa fukun sarani sia. Kalo nia la noꞌuk rona tenik, filak nia baa ema mak la natene Naꞌi Maromak. Kalo lale, filak nia baa ema matak, hanesan ema maksisi bea sia.

Mateus 4:18

Baa loron ida, Yesus laꞌo iha debu boot Galilea tehen. Nia nasoru ema naꞌin rua, maun-alin. Maun naran Simon, mais loron-loron ema temi nia naꞌak Petrus. Niakaan alin, naran Andreas. Sia noꞌi tiha naꞌan tasi iha debu laran, tan sia naꞌin rua nia, ema maktuun tasi.

Mateus 7:24

Hotu Yesus dale naꞌak, “Ema mak nanono baa Haꞌu nodi nalaꞌo Haꞌukaan dalen, ema nia hanesan ema matenek mak nariik uma iha tatuur fatuk leten.

Yohanis 1:42

Hotu, Andreas no maun baa nasoru Yesus. Toꞌo baa, Yesus mana Simon nodi katak naꞌak, “O neꞌe, Simon. Okaan aman, mak Yohanis. Nahuu baa oras neꞌe, ema bolu o naꞌak, ‘Kefas’ ” [‘Kefas’ lia isin manesak no ‘Petrus’ mak naꞌak ‘fatuk’].

Kristus Klosan Lian 2:47

Loron-kalan sia tonu-naboot Naꞌi Maromak. Ema hotu-hotu moos nakara basuk sia. Sura loron Naꞌi Maromak sori ema. Hodi nunia, Yesus eman sia hetak tuꞌan, hetak waꞌin.

1 Korintus 15:55

“Hoi, Maten! Okaan beran iha nabee? Hoi, Maten! Okaan raroꞌat iha nabee tenik?”

Galatia 2:9

Oras nia, ema nafoli Yakobus, Petrus, no Yohanis naꞌak, sarani ulun. Baa oras sia naꞌin tolu natene nola naꞌak, Naꞌi Maromak natudu tiꞌan laran diꞌak baa haꞌu, sia moos kaer liman no ami rua Barnabas atu dadi tadak naꞌak, ami hotu-hotu neon mesak ida tiꞌan. Sia nakara ami mak hodi Lia Diꞌak bodik ema lahoos Yahudi, no sia naꞌin duꞌuk mak nodi bodik ema Yahudi.

Efesus 3:10

Nia moos beer nodi Niakaan ema mak dadi klubun mesak ida nia, atu natudu Niakaan matenek kaliuk baa makaer ukun no makaer beran hotu-hotu iha kroman no iha kukun.

Efesus 5:32

Hori uluk ita hatene haꞌak, Maromak Manfatin nia natudu lia dadomin feen-laꞌen. Mais oras neꞌe, ita hatene haꞌak, Manfatin nia moos natudu lia Kristus dadomin baa Niakaan ema sia.

Kolose 1:18

Nia mak Ulun bodik ita ema sarani, no ita dadi baa Niakaan isin. Nia mak moris huun. Nia mak uluk fohon mate no moris nikar. Nia mak aas kaliuk.

1 Timotius 3:5

Tan kalo ema la bele bali uma kain duꞌuk, oin nunabee bele bali Naꞌi Maromak eman sarani sia?

Ibrani 12:28

Ita sotir tan Naꞌi Maromak kaer ukun iha laleꞌan. Niakaan ukun nia la bele dodok. Tan Nia nakara simu ita dadi baa Niakaan ema, ita musti hamulak nohuun hodi loꞌu-sudur baa Nia, tan Nia makaꞌas kaliuk!

Lia Raiklaran Falu Fila 11:15

Nunia hotu, makbukar laleꞌan nomer hitu nuu niakaan kfui dikur. Sarebak, haꞌu krona kola lia maliak waꞌin mai bele-bele nosi laleꞌan naꞌak, “Oras neꞌe, itakaan Naꞌi Maromak no Kristus mak Nia boi kedan hori uluk, mak kaer ukun hotu-hotu iha raiklaran. Nia atu kaer ukun hanesan Naꞌin, toꞌo nima-nimak.”

Lia Raiklaran Falu Fila 21:14

Lutu fatuk nia nariik baa tatuur fatuk boot sanulu resin rua. Iha fatuk ida-idak noo hakerek naran nosi Bibi Malae Oan klosan naꞌin sanulu resin rua mak serwisu bodik Nia iha raiklaran.