Mateus 12:18 - Tetun

¹⁸ ‘Haree kokon! Ema neꞌe, mak Haꞌukaan ema ain-liman mak Haꞌu kboi tiꞌan. Haꞌu kadomi nia. Nia nalo Haꞌu neon diꞌak tebes. Haꞌu atu kfoo Haꞌukaan Kmalar baa nia, nebee nia baa nanorin ema klubun hotu-hotu nosi Haꞌukaan dalan moris mak loos.

Mateus 12:18 ပူးပေါင်းရင်းမြစ်များ

Mateus 12:17

Lia nia natoꞌo saa mak Naꞌi Maromak katak kedan baa makoꞌan Yesaya hori uluk naꞌak,

Mateus 17:5

Baa oras Petrus sei dale nunia, teki-tekis kaloꞌan tuun mai nakalus nola sia. Sia moos blaar tan rona lia maliak ida sai nosi kaloꞌan nia naꞌak, “Rona lai! Yesus neꞌe, Haꞌukaan Oan dadobe. Nia nalo Haꞌu neon diꞌak tebes. Rona diꞌa-diꞌak baa Nia!”

Markus 1:11

Hotu, ema rona Naꞌi Maromak lian nosi laleꞌan naꞌak: “Oa! O neꞌe, Haꞌukaan Oan mak kakara no kadomi. O malo Haꞌu neon diꞌak.”

Markus 9:7

Teki-tekis, ababun tuun taka nola sia hotu. Sia rona lia maliak ida mai nosi ababun laran naꞌak, “Rona mai! Neꞌe, Haꞌukaan Oan mak Haꞌu kadomi! Rona diꞌa-diꞌak baa Nia!”

Lukas 23:35

Baa oras nia ema waꞌin mai nobun. Yahudi ulun sia moos naleuk Yesus naꞌak, “Nia bele sori ema seluk, mais la bele sori aan duꞌuk. Kalo Nia tebe-tebes Kristus mak mai nosi Naꞌi Maromak, habusik Nia naꞌin tuun nosi ai karuus.”

Lukas 3:22

Hotu Maromak Kmalar Lulik namaan aan tuun baa Yesus. Kmalar Lulik nia ilas nuꞌu lakateu sina. Baa oras nia moos, noo lia maliak ida nosi laleꞌan naꞌak: “O neꞌe, Haꞌukaan Oan mak Haꞌu kakara no kadomi. O malo Haꞌu neon diꞌak.”

Lukas 4:18

“Naꞌi Maromak Kmalar Lulik natuun beran baa Haꞌu. Nia boi Haꞌu atu katak Manfatin Diꞌak baa ema susar. Nia solok Haꞌu atu katak kaꞌak, ema bui, atu sai; ema delek, atu naree; ema mak oin kraik, atu foti ulun.

Lukas 9:35

Sia moos rona noo lia maliak nosi kaloꞌan naꞌak, “Neꞌe, Haꞌukaan Oan mak Haꞌu kboi kedan! Rona diꞌa-diꞌak baa Nia!”

Yohanis 3:34

Naꞌi Maromak solok Nia mai atu katak Niakaan mamenon. Naꞌi Maromak moos fakar Niakaan Kmalar baa Nia.

Kristus Klosan Lian 10:38

Emi moos hatene haꞌak, Naꞌi Maromak natuun Niakaan Kmalar Lulik baa Yesus ema Nasaret nia. Hotu Yesus nodi Naꞌi Maromak beran laꞌo sura leo, nalo lia diꞌak bodik ema. Nia moos tulun ema mak diabu ulun nasusar. Nia bele nalo nunia, tan Naꞌi Maromak namutuk no Nia.

Kristus Klosan Lian 11:18

Rona Petrus naloos aan nunia, sia la nasalak tenik nia ona. Sia moos tonu-naboot Naꞌi Maromak naꞌak, “Makaꞌas basuk! Naꞌi Maromak loke dalan tiꞌan, nebee ema mak lahoos Yahudi moos bele soe lakon siakaan salan. Nia nakara nebee sia moos bele moris nima-nimak no Nia.”

Kristus Klosan Lian 14:27

Toꞌo Antiokia, Paulus no Barnabas libur nola Yesus eman sia iha uma hamulak laran, nodi dale naru-naruk nosi lia hotu-hotu mak Naꞌi Maromak nalo tiꞌan bodik sia. Sia moos katak naꞌak, Naꞌi Maromak loke dalan tiꞌan, toꞌo ema mak lahoos Yahudi moos fiar Yesus.

Efesus 1:6

Ita tonu-haboot Nia, tan Nia natudu laran diꞌak nunia baa ita tiꞌan, nebee ita bele moris talin malu ho Yesus mak Nia dadobe.

Kolose 1:1

Tabe nosi haꞌu, Paulus. Naꞌi Maromak duꞌuk mak boi haꞌu dadi baa Yesus Kristus klosan. Itakaan maluk Timotius iha neꞌe moos solok tabe.

1 Petrus 2:4

Emi musti talin aan ho Kristus, tan Nia nuꞌu fatuk ida mak foo moris. Badaen sia foti soe fatuk nia, tan sia naneo, fatuk nia folin lalek. Mais Naꞌi Maromak nafoli kaliuk fatuk nia, nodi boi nola dadi baa fatuk tatuur mak folin kaliuk.

2 Petrus 1:17

Baa loron nia, ami hamutuk ho Yesus iha Naꞌi Maromak Niakaan foho lulik leten. Hotu Ama Maromak duꞌuk katak nosi Yesus Niakaan makaꞌas baa ami. Iha foho lulik leten nia, ami rona lia maliak ida mak kabaas kaliuk. Lia maliak nia sai nosi laleꞌan nodi naꞌak, “Ema neꞌe, Haꞌukaan Oan mak Haꞌu kadomi. Nia nalo Haꞌu neon diꞌak.”