Mateus 12:14 - Tetun

¹⁴ Naree nola nunia, ema Farisi sia krakat tebe-tebes. Sia nariik laꞌo nela uma hamulak nia, baa dale kabuar lia naꞌak, “Ita musti buka dalan hoꞌo Nia!”

Mateus 12:14 ပူးပေါင်းရင်းမြစ်များ

Mateus 26:4

Kayafas sia buka dalan atu kohi no-nook Yesus, nebee sia bele noꞌo Nia.

Mateus 27:1

Seisawan oan, ema hotu-hotu mak iha moon-metan Yahudi nia, kabuar lia atu noꞌo Yesus.

Markus 14:1

Oras nia, naꞌilulik ulun no manorik ukun Yahudi sia buka dalan kohi no-nook Yesus, tan atu noꞌo Nia. Mais sia dale baa malu naꞌak, “Hein lai! Ita keta kohi nia lai-lais, tan loron boot sia kreꞌis mai ona. Keta arumak ema waꞌin nakfetik baa ita.” Sia koꞌa lia nunia, tan ema Yahudi siakaan loron boot sia nahuu baa wainrua. Loron boot nia sia, ema temi naꞌak, ‘Dahur Paska’ no ‘Dahur Tubi Bakae.’ Sia nadahur loron nia sia nodi nanoin baa oras siakaan bei uluk sia sai nosi rai Mesir.

Markus 3:6

Naree nunia, ema Farisi sia sai nela uma hamulak nia, baa dale kabuar lia fuan no ema partee politik Herodes, atu buka dalan noꞌo Yesus.

Lukas 22:2

Baa oras loron diꞌak nia kreꞌis mai tiꞌan, naꞌilulik no manorik ukun Yahudi sia buka dalan atu noꞌo Yesus. Mais sia buka dalan no-nook, tan sia nataꞌuk baa ema lear mak nakara rona Yesus.

Lukas 6:11

Naree nunia, ema mak funu Yesus krakat. Hotu sia buka dalan aat naꞌak, “Ita buka seluk leet atu hahonu Nia!”

Yohanis 10:31

Rona nola nunia, Yahudi ulun sia foti tenik fatuk atu tuda noꞌo Yesus.

Yohanis 10:39

Rona nola nunia, sia buka kohi Nia tenik, mais Nia sasin luku.

Yohanis 11:53

Nahuu baa oras nia, ema Yahudi ulun sia nametis lia mesak atu noꞌo Yesus, tuir Kayafas dalen.

Yohanis 11:57

Mais naꞌilulik ulun sia no ema Farisi sia naruka naꞌak, “Kalo noo ema mak natene Yesus iha nabee, hasara baa ami lai!” Sia dale nunia, tan sia nakara kohi Yesus.

Yohanis 5:18

Nunia hotu, Yahudi ulun sia nasalak Yesus naꞌak, Nia nakur siakaan ukun-badu loron hanawa serwisu. Liu tenik, sia nasalak Yesus tan Nia katak naꞌak, Niakaan Aman mak Maromak. Nodi dale nunia, Yesus foti aan manesak no Naꞌi Maromak. Tan lia nia, ulun sia hetak buka dalan atu noꞌo Yesus.

Yohanis 7:30

Tan Yesus dale nunia, ema buka atu kohi Nia nohuun. Mais la noo ema ida moos mak kohi Nia, tan Niakaan oras sei la toꞌo dauk.

Yohanis 7:32

Iha ema lear nia klaran, noo ema naꞌin hira nosi partee Farisi. Sia rona nola ema waꞌin namaas baa malu lia nosi Yesus. Hotu, sia no naꞌilulik ulun sia naruka ema makdaka Uma Hamulak Huun naꞌin hira, baa kohi Yesus.

Yohanis 7:44

Ema naꞌin hira nakara kohi Nia. Mais la noo ida mak bele.

Yohanis 8:59

Rona nola nunia, ema nia sia foti fatuk atu tuda Yesus, tan Nia foti aan manesak no Naꞌi Maromak. Mais Nia sai nakfunin, laꞌo nela Uma Hamulak Huun nia.