Mateus 11:7 - Tetun

⁷ Yesus dale notu nunia, Yohanis niakaan maktuir sia moos fila. Hotu Yesus dale no ema lear sia nosi lia Yohanis naꞌak, “Baa oras emi baa buka Yohanis iha fatin fuik nia, emi haneo haꞌak emi atu hasoru ema raiklaran oin nunabee? Emi baa iha nebaa, nanis emi la buka hasoru ema mak mamar, hanesan au mak kakoen tuir anin nuu!

Mateus 11:7 ပူးပေါင်းရင်းမြစ်များ

Lia Uluk Fohon 49:4

Mais o neon la metis. O la matene makara nabee! Sarebak, o toba mo haꞌukaan feen Bilha, modi madoor okaan aman toba fatik! Tan lia nia, haꞌu la kfilak o baa oa ulun ona.

Mateus 11:8

Emi baa iha nebaa, nanis emi la buka haree ema mak natais tais folin todan, tan ema oin nunia nein iha tofatik dei!

Mateus 12:20

Nia laran diꞌak. Nia la nasusar ema. Ai mak kreꞌis naktohar, nia la silu. Badut lakan mak kreꞌis mate, nia la nuu namate. Nia nanorin ema toꞌo ema hotu-hotu natene tuir Naꞌi Maromak dalan loos.

Mateus 21:25

Haꞌu atu kusu nuneꞌe: ita hotu-hotu hatene Yohanis, ema nia mak sarani ema. See mak latan beran baa nia nebee nia sarani ema? Naꞌi Maromak ka, ema raiklaran?” Rona nola Yesus dale nunia, sia nanoin baa-mai nodi dale baa malu naꞌak, “Adeei! Ita kona diꞌa tiꞌan! Kalo ita hataa haꞌak, ‘Naꞌi Maromak mak latan beran’, Nia atu nataa fila naꞌak, ‘Kalo nunia, tan saa emi la fiar Yohanis!’

Mateus 3:5

Oras nia, ema lear mai atu nasoru Yohanis. Sia mai nosi kota Yerusalem no rai Yudea tomak. Sia moos mai nosi leo sia mak kreꞌis no mota Yordan.

Lukas 8:18

Hanoin diꞌa-diꞌak lia neꞌe sia. Ema mak nakara buka tebe-tebes Naꞌi Maromak beer, nia hetak natene. Mais ema mak la nakara rona Naꞌi Maromak beer, nia hetak la natene.”

Yohanis 1:38

Yesus mana kotuk, naree sia tuir Nia. Hotu Nia nusu sia naꞌak, “Nunabee? Emi tuir Haꞌu baa saa?” Sia nusu fila baa Nia naꞌak, “Rabi hein iha nabee?” [Iha siakaan lia Aram, sia temi ema boot naꞌak ‘Rabi’. Lia isin naꞌak, ‘ema manorik’.]

Yohanis 5:35

Yohanis nia, hanesan badut lolon ida mak nakroma iha makukun. Baa oras sei nakroma, emi neon diꞌak. Mais neon diꞌak nia, la oras dei.

Yakobus 1:6

Mais keta husu hodi neon ruak. Fiar tebe-tebes haꞌak, Naꞌi Maromak bele foo saa mak ita husu. Kalo ita husu hodi neon ruak, itakaan fiar dadi hanesan laloran mak anin nuu nakdiuk saꞌe-tuun, la tuir dalan.