Mateus 11:25 - Tetun

²⁵ Dale notu nunia, Yesus namulak baa Naꞌi Maromak naꞌak, “Ama! Ita Boot mak Ulun Boot iha laleꞌan no raiklaran. Haꞌu ksera dodan tan Ama subar lia nia sia nosi ema mak nafolin aan matenek no ema mak loko aan sia. Mais Ama loke lia nia sia bodik ema kiꞌik no ema mak naraik aan sia.

Mateus 11:25 ပူးပေါင်းရင်းမြစ်များ

Lia Uluk Fohon 14:19

Hotu, nia nusu matak-malirin bodik Abram nodi katak naꞌak, “Maromak, mak Aas Kaliuk no mak naseꞌi laleꞌan no raiklaran. Haꞌu kaloon nebee Nia natuun matak-malirin baa o. Tonu Maromak! Nia mak nalo o matoba mola funu sia!” Hotu, Abram faꞌe foo baa Melkisedek, faꞌek ida nosi fafaꞌek sanulu nosi sa-saa hotu-hotu mak nia nadau nola nikar nia.

Lia Uluk Fohon 14:22

Mais Abram nataa naꞌak, “Haꞌu karai aan iha Maromak oin. Nia mak Aas Kaliuk, no mak naseꞌi laleꞌan no raiklaran.

Mateus 16:17

Hotu Yesus naꞌak, “Simon, Yunus oan, o neꞌe sotir! Lahoos ema raiklaran mak katak lia neꞌe baa o, mais Haꞌukaan Ama iha laleꞌan mak katak baa o.

Mateus 21:16

Rona lawarik oan sia nahii nunia, naꞌilulik ulun sia krakat liu tan tenik, tan sia la simu dalen nia. Hotu sia katak baa Yesus naꞌak, “Hoi! O rona lawarik oan nia sia ka lale?” Yesus nataa naꞌak, “Haꞌu krona. Nansaa? Emi sei la leno dauk iha Hakerek Moon nosi lawarik oan mak tonu-naboot Naꞌi Maromak ka? Hakerek tiꞌan naꞌak, ‘Naꞌi Maromak babilan kau mea oan no lawarik kiꞌik oan sia, nebee sia tonu-naboot Nia.’ ”

Lukas 22:42

“Ama! Kalo Ama nakara, tulun foti sees susar neꞌe nosi Haꞌu. Mais keta tuir Haꞌukaan hakara, tuir Ama nakara dei.”

Lukas 23:34

[Baa oras nia, Yesus namulak naꞌak, “Ama! Maluꞌa lakon siakaan salan, tan sia la natene saa mak sia nalo.”] Hotu, sondadu sia suut liman atu nodi natene see mak atu netan Yesus farun.

Yohanis 11:41

Hotu, ema naꞌin hira dudu sees fatuk boot nosi rate nia. Yesus tanaat saꞌe baa laleꞌan, nodi katak naꞌak, “Ama! Haꞌu ksera dodan, tan Ama rona Haꞌu.

Yohanis 12:27

Nunia hotu, Yesus dale tenik naꞌak, “Haꞌukaan neon susar basuk, toꞌo la katene atu kaꞌak saa. Iha Haꞌukaan neon, Haꞌu kakara kusu baa Ama nuneꞌe: ‘Ama! Sori Haꞌu nebee Haꞌu lalika kona susar boot neꞌe toꞌo mate.’ Tebes. Haꞌu kakara kusu Ama nunia, mais la kusu falik, tan Nia solok Haꞌu kmai, nebee Haꞌu kmate.

Yohanis 12:28

Tan baa nia, Haꞌu kusu nuneꞌe dei: ‘Ama. Haꞌu kalo tuir Ama hakaran dei, nebee ema hotu-hotu foti-nahaas Ama naran.’ ” Natoon baa oras nia moos, lia maliak ida nosi laleꞌan naꞌak, “Haꞌu kfoti-kahaas tiꞌan Haꞌukaan naran. Oras neꞌe, Haꞌu atu kfoti-kahaas tenik.”

Kristus Klosan Lian 17:24

Nia mak naseꞌi laleꞌan no raiklaran no sasoin hotu-hotu. Hotu-hotu iha laleꞌan no raiklaran nanaꞌi baa Nia. Nia la nein iha uma sera mak ema raiklaran nalo.

1 Korintus 2:10

Tebes. Uluk, ema la natene lia nia sia, mais oras neꞌe Naꞌi Maromak nodi Niakaan Kmalar nalore tiꞌan baa ita. Naꞌi Maromak Kmalar natene lia hotu-hotu. Nia moos natene Naꞌi Maromak neon laran toꞌo neon ain.

2 Korintus 3:14

Naꞌi Maromak nalo ema Israꞌel siakaan kakutak naktomak. Toꞌo baa oras neꞌe moos, kalo sia leno Niakaan Mamenon Tuan iha Hakerek Moon, hanesan noo tais ida mak taka nola siakaan ulun, toꞌo sia nuꞌu ema beik. Sia musti fiar baa Kristus lai, foin kakutak nakloke nikar.