Markus 5:2 - Tetun

^2-6 Iha nia, noo mane ida mak diabu tekar toꞌo bula. Nia nein iha rate sia. Loron-kalan nia nakwalan dei, saꞌe-tuun foho nodi nahii nahutan karin. Nia nitak aan nodi fatuk, toꞌo isin lolon kanek mohu. Nia biit tebes, toꞌo ema la bele kesi nola nia. Ema kesi rua-ruan niakaan ain-liman nodi besi talik, mais nia nasiit nosi liman, no natohar nosi ain. Nia biit resik, toꞌo la noo ema ida mak bele namaus nola. Baa oras Yesus no Niakaan maktuir sia tuun nosi bero, sama ain baa rai maran, ema bulak nia naree sia nosi dook. Hotu, nia nalai sai nosi rate baa Yesus. Toꞌo baa, nia nakniꞌa iha Yesus oin.

Markus 5:2 ပူးပေါင်းရင်းမြစ်များ

Markus 1:23

Iha uma hamulak nia laran noo ema ida mak diabu tekar. Baa oras nia, diabu mak tekar ema nia nahii naꞌak,

Markus 1:26

Diabu nia moos tekar ema nia, toꞌo isin makaꞌas karin. Hotu, diabu kakaur nodi sai nela ema nia.

Markus 3:30

Yesus katak nunia, tan sia tula sala baa Nia naꞌak: “Ema nia, diabu kaer!”

Markus 3:9

Tan ema nia sia waꞌin basuk, Yesus naruka Niakaan maktuir sia nadiꞌa bero ida bodik Nia. Nia atu nanorin nosi bero leten, nebee ema keta sara Nia, no ema hotu-hotu bele rona.

Markus 4:1

Baa loron ida, Yesus fila baa debu boot Galilea. Ema waꞌin moos mai kabuun nola Nia. Hotu, Nia saꞌe baa bero ida mak nanawa iha nia, nebee ema hotu-hotu iha rai bele rona Nia.

Markus 4:36

Rona nola nunia, Niakaan maktuir sia saꞌe tuir baa bero. Hotu, sia laꞌo nela ema waꞌin nia, mais ema balu tuir nodi bero seluk.

Markus 5:21

Hotu, Yesus no maktuir sia saꞌe bero, fila nikar debu boot balu baa. Oras sia tuun, ema waꞌin mai baa Yesus.

Markus 7:25

Iha leo nia noo ferik ida. Ferik nia lahoos ema Yahudi. Nia ema maktabar mak moris mai iha Fenisia, iha rai Siria baa. Oras rona Yesus mai, nia baa nakroꞌan nebee Yesus teꞌur nasai diabu nosi niakaan oan feto.

Lukas 8:27

Iha nebaa, noo ema ida mak diabu tekar kleur tiꞌan. Nia la nein iha uma. Nia nein dei iha rate fatik sia. Sura loron nia nakwalan nodi laꞌo baa-mai, tan diabu sia naruka nia nohuun. Ema kesi nia rua-ruan tiꞌan nodi besi talik, mais nia nasiit mohu. Hotu, diabu sia naloot nia toꞌo nalai baa rai fuik. Oras Yesus sia tuun nosi bero, ema bulak nia mai nasoru. Nia nakrake, nodi soe aan baa Yesus oin. Hotu Yesus naruka naꞌak, “Hoi, diabu! Sai mela ema neꞌe!” Hotu ema bulak nia nakrake naꞌak, “Hoi! Keta kakoen haꞌu! Tan haꞌu katene O neꞌe Yesus, Maromak Mak Aas Kaliuk Oan! Keta masusar haꞌu!”

Lukas 9:42

Baa oras nodi oan baa Yesus, diabu nitak baa rai nodi doko nia. Mais Yesus teꞌur diabu sai nela oan nia. Hotu oan nia diꞌak kedas. Yesus moos latan nikar baa aman.