Markus 1:4 - Tetun

^4-6 Yohanis neꞌe, mak sarani ema. Nia tuur iha rai fuik. Niakaan tais halo hosi kuda unta rahun. Niakaan bolas halo hosi kulit. Niakaan haan, kalaꞌek no wani ween alas laran. [Niakaan moris lalaꞌok neꞌe, hanesan Maromak makoꞌan ida hori uluk, naran Elia.] Baa oras Yohanis baa rai fuik nia, ema waꞌin nosi kota Yerusalem no rai Yudea tomak, mai nasoru Nia iha nebaa. Yohanis katak baa sia naꞌak, “Emi musti katak hasai emikaan salan, hotu laꞌo hela sala nia sia, nebee Naꞌi Maromak foo pardua baa emi. Hotu, emi musti simu sarani, hanesan marak ida naꞌak, emi diꞌa-diꞌak tiꞌan ho Naꞌi Maromak.” Rona nola nunia, ema nia sia katak nasai kedan siakaan salan. Hotu, Yohanis sarani sia iha mota Yordan.

Markus 1:4 ပူးပေါင်းရင်းမြစ်များ

Mateus 3:11

Tebes. Haꞌu ksarani emi kodi wee. Neꞌe dadi tadak naꞌak emi laꞌo hela emikaan salan tiꞌan. Mais ema ida mak makaꞌas liu haꞌu atu mai. Masik dadi baa Niakaan ata moos, haꞌu la kfatan. Nia atu nalo liu haꞌu, tan Nia atu fakar Maromak Kmalar Lulik baa emi. Nia moos atu namoos emikaan neon, hanesan ema nodi haꞌi sunu lere.

Mateus 3:6

Sia loke neon nodi naꞌak nasai siakaan salan. Hotu Yohanis sarani sia iha mota Yordan.

Lukas 1:77

O atu baa matudu dalan baa Niakaan eman sia, nebee sia natene naꞌak, sia bele moris no Naꞌi Maromak, tan Nia kasu siakaan salan.

Yohanis 3:23

Baa oras nia, Naꞌi Herodes sei la natama dauk Yohanis baa bui. Oras nia, Yohanis moos sarani ema iha leo Ainon, kreꞌis baa leo Salim, tan iha nia no wee waꞌin. Ema mai hei-hein baa Yohanis iha nia, sia nusu nebee Yohanis sarani sia.

Kristus Klosan Lian 10:37

Emi hatene tiꞌan lia mak dadi iha rai Yudea tomak, nahuu nosi Yohanis nalaꞌo niakaan serwisu. Nia katak baa ema naꞌak sia musti soe siakaan salan no simu sarani atu dadi tadak naꞌak sia diꞌa-diꞌak nikar no Naꞌi Maromak tiꞌan.

Kristus Klosan Lian 22:16

Sei mein saa tenik? Baa ona, musu simu sarani ona. Sarani nia dadi tadak naꞌak, mau naloon tiꞌan baa Yesus, nebee Nia kasu mohu mau salan.’ ”