Lukas 8:41 - Tetun

^41-42 Iha nia moos, noo ema ida naran Yairus. Nia, uma hamulak ulun iha kota nia. Niakaan oan feto mesak ida, otas tinan sanulu resin rua. Oa feto nia moras todan kreꞌis mate. Tan baa nia, oras Yairus naree Yesus mai, nia baa nakniꞌa iha Yesus oin. Nia nakroꞌan nebee Yesus mai niakaan uma, nadiꞌak nola oan. Yesus simu. Hotu sia baa Yairus uman. Ema lear moos tuir, toꞌo laꞌo seti malu.

Lukas 8:41 ပူးပေါင်းရင်းမြစ်များ

Lukas 13:14

Mais uma hamulak ulun krakat, tan Yesus nadiꞌak nola ema baa loron hamulak. Nia katak baa ema nia sia naꞌak, “Domiku ida, serwisu loron neen. Diꞌak liu, hadiꞌak hola ema moras baa loron serwisu dei, keta baa loron hamulak!”

Lukas 17:16

Hotu nia nakniꞌa nodi sera dodan baa Yesus. (Tuir loos, ema ida neꞌe lahoos ema Yahudi, mais ema Samaria. Ema Samaria no ema Yahudi sakar malu nohuun.)

Lukas 5:8

Nosi Simon mamaluk sia, noo Sebadeus oan rua, naran Yakobus no Yohanis. Sia moos blaar tan netan naꞌan tasi lear nia. Naree naꞌan tasi lear nia, Simon sudur kedas baa Yesus oin, nodi naꞌak, “Haꞌu neꞌe, ema maksalan. Diꞌak liu, Ama keta kreꞌis haꞌu.” Mais Yesus nataa naꞌak, “Simon. Keta neon kiꞌik, tan Haꞌu kakara karuka emi. Emi serwisu loron-loron buka naꞌan tasi. Mais oras neꞌe, Haꞌu atu kanorin emi buka ema, nebee sia tuir Haꞌu.”

Lukas 8:49

Yesus sei dale no feto nia, Yairus eman ida mai katak baa nia naꞌak, “Aikee, Ama! Ama oan la no ita tiꞌan! Lalika makole Ama Boot tenik.”

Yohanis 11:21

Nasoru tiꞌan, Marta katak baa Yesus naꞌak, “Adeei, Ama Boot! Kalo Ama iha neꞌe, nanis haꞌukaan alin la mate.

Kristus Klosan Lian 13:15

Baa oras nia, ema leno hakerek nosi Bei Musa no Maromak makoꞌan seluk sia. Leno hotu tiꞌan, uma hamulak ulun sia nusu baa Paulus no Barnabas naꞌak, “Ama sia! Kalo emi hakara hanorin ami, ami husu hodi hakneter, nebee emi dale hakbiit amikaan neon.”

Kristus Klosan Lian 18:17

Mais ema lear iha nia kohi nola ema ida naran Sostenes. Nia uma hamulak Yahudi ulun. Sia dada nodi nia baa, tuku lisuk nia iha gubernur oin. Mais gubernur la titu kois.

Kristus Klosan Lian 18:8

Uma hamulak ulun iha kota nia naran Krispus. La kleur, Krispus moos fiar baa Naꞌi Yesus. Niakaan ema uma laran tomak moos fiar, namutuk no ema Korintus seluk sia mak rona Paulus tiꞌan. Paulus moos sarani sia hotu-hotu.

Kristus Klosan Lian 9:38

Oras nia moos, sia rona Petrus iha leo Lida. Leo nia dook nosi kota Yope, laꞌo rai kreꞌis loron baluk ida. Sia solok ema naꞌin rua baa bolu nola Petrus. Nasoru tiꞌan, sia katak naꞌak, “Ama! Ami hakara ama mai lai-lais baa kota Yope lai.”

Lia Raiklaran Falu Fila 5:8

Baa oras nola, buat horis kasalak matan haat nia, no fukun naꞌin rua nulu resin haat nia, nakniꞌa nodi loꞌu-sudur baa Nia. Sia ida-idak kaer bareka no mako ida halo hosi mean. Mako nia nakonu noo ai morin mak ema tunu nalo baa dubun morin. Dubun morin nia, mak Naꞌi Maromak eman siakaan hamulak.