Lukas 7:47 - Tetun

⁴⁷ Rona mai, mau! Feto neꞌe noo sala waꞌin tebes. Mais Naꞌi Maromak kasu mohu tiꞌan, tan nia natudu dadomin waꞌin baa Haꞌu. Ema mak la noo sala waꞌin, la natudu dadomin waꞌin nunia baa Haꞌu.”

Lukas 7:47 ပူးပေါင်းရင်းမြစ်များ

Mateus 10:37

Ema mak nakara tuir Haꞌu tebe-tebes, musti nadomi Haꞌu liu hotu-hotu: liu nosi inan no aman, no liu nosi oan sia. Kalo lale, nia la fatan dadi baa Haꞌukaan ema.

Lukas 7:39

Simon natene feto nia tuur-hariik. Nia naneo naꞌak, “Hahalok neꞌe dadi kakaer tiꞌan naꞌak, Yesus neꞌe lahoos Maromak makoꞌan. Kalo tebe-tebes Maromak mak solok Nia, nanis Nia natene feto mak roos aan baa Nia neꞌe, feto aat. Maromak makoꞌan lahoos nuꞌu Nia neꞌe, tan ema moos la bele nareꞌis aan baa ema sasobos!”

Lukas 7:46

Mau moos naluꞌa adat fui mina baa bainaka ulun. Mais feto neꞌe fui mina morin mak folin todan kaliuk baa Haꞌukaan ain.

Lukas 7:48

Dale hotu nunia, Yesus katak baa feto nia naꞌak, “Haꞌu kasu mohu okaan salan sia tiꞌan!”

Kristus Klosan Lian 5:31

Hotu Naꞌi Maromak foti Nia nalo baa Liman Kwana. Oras neꞌe Nia kaer beran manesak no naꞌin boot. Nia loke dalan nebee ema bele kore aan nosi sala. Nia nakara foo dalan baa ita ema Israꞌel neꞌe, nebee soe lakon itakaan salan. Hodi nunia, Naꞌi Maromak laran bele malirin, toꞌo kasu itakaan salan.

Roma 5:20

Naꞌi Maromak natuun Ukun-badu baa Bei Musa, nebee ema raiklaran bele natene aan naꞌak, sia nalo sala waꞌin. Masik ema nalo sala hetak waꞌin, Naꞌi Maromak natudu laran diꞌak liu tan tenik.

2 Korintus 5:14

Kristus dadomin mak babilan ami. Ami fiar haꞌak, Ema naꞌin ida, mak Kristus, mate atu selu nola ema hotu-hotu. Lia nia nuꞌu ita hotu-hotu mate tiꞌan hodi habusik hela moris tuan, toꞌo ita la hoo beran sa-saa tenik iha raiklaran.

Galatia 5:6

Dadi, ita hamane aan ka, la hamane aan ka, lia nia la noo folin ona. Lia mak noo folin mak neꞌe: ita fiar baa Kristus no hadomi ema seluk.

Efesus 6:24

Nebee, itakaan Naꞌin Yesus Kristus natudu laran diꞌak bodik ema hotu-hotu mak la nanawa nadomi Nia. Haꞌukaan hakerek narohan baa neꞌe. Dame, Paulus

Filipi 1:9

Tan baa nia, haꞌu kamulak bodik emi nuneꞌe: Kakroꞌan nebee emi hetak hadomi malu, toꞌo emikaan dadomin nia, tuꞌan tan tenik. Kakroꞌan nebee Naꞌi Maromak nalo emi hatene tebe-tebes lia nabee mak diꞌak, nebee emi bele moris moos. Hotu, nosi ikus, baa oras Kristus nakotu lia bodik ema hotu-hotu, Nia atu nakotu naꞌak emi la hoo sala.

1 Yohanis 1:7

Mais kalo ita moris tuir dalan loos, neꞌe naꞌak, ita moris iha Naꞌi Maromak kroman. Hodi nunia, ita bele moris neon ida, laran ida. Itakaan neon dadi moos, tan oras Naꞌi Maromak Oan Yesus mate, Nia nodi raan kasu mohu itakaan salan hotu-hotu.

1 Yohanis 3:18

Oa sia! Keta hadomi hodi ibun dei, mais hadomi hodi hahalok diꞌak. Tan hodi nunia, foin ita hatudu dadomin mak loos.

1 Yohanis 4:19

Ita hadomi malu, tan Naꞌi Maromak nadomi uluk ita.

1 Yohanis 5:3

Kalo ita hadomi Naꞌi Maromak, ita halo tuir Niakaan ukun. Mais Niakaan ukun la todan.