Lukas 7:43 - Tetun

⁴³ Simon nataa kedan naꞌak, “Nanis, mak natusan boot kaliuk!” Yesus nataa nikar naꞌak, “Kona, mau!”

Lukas 7:43 ပူးပေါင်းရင်းမြစ်များ

Mateus 18:27

Rona nola nunia, naꞌin neon monu. Nia moos noꞌas mohu tusan nia sia hotu-hotu, hotu nabusik ema serwisu nia.

Markus 12:34

Rona nola nunia, Yesus natene naꞌak manorik ukun nia natene tebes tiꞌan. Hotu Yesus katak baa nia naꞌak, “Ama kreꞌis tiꞌan dadi Naꞌi Maromak eman.” Nunia hotu, la noo ema seluk tenik mak naksakar aan toe no Yesus, tan la noo mak bele nahonu Nia.

Lukas 10:38

Nunia hotu, Yesus no Niakaan maktuir sia laꞌo liu baa Yerusalem. Sia tuli iha leo ida. Iha leo nia, noo feto biin-alin naꞌin rua, naran Marta no Maria. Oras sia naree Yesus, Marta mai nusu baa Yesus nebee nein sa-sala lai iha siakaan uman. Yesus moos nakara. Hotu Yesus tuur nodi nanorin ema iha siakaan uma. Baa oras nia, Marta nalau aan nadiꞌa haa-hemu iha kotuk baa. Mais alin Maria tuur nareꞌis aan baa Yesus ain, nanono Nia dale. La kleur, Marta tama mai nakmuuk baa Yesus naꞌak, “Ama! Nuꞌunabee tiꞌan! Haꞌu kalo aan kadiꞌa haa-hemu, mais haꞌukaan alin tuur diꞌa-diꞌak iha neꞌe dei. Ama maruka nia serwisu tuan haꞌu iha kotuk nebaa lai!”

Lukas 7:42

Toꞌo oras foo fila, sia rua la bele selu. Mais makfoo tusan nia, neon monu baa sia rua. Hotu nia noꞌas siakaan tusan. Oras neꞌe, Haꞌu atu kusu nuneꞌe: tuir mau, nosi ema naꞌin rua nia, nabee mak nadomi liu ema makfoo tusan?”

Lukas 7:44

Hotu Yesus mana nikar baa feto nia, nodi katak baa Simon naꞌak, “Mau Simon, titu feto neꞌe. Hori ohin nia nakniꞌa iha neꞌe. Oras haꞌu ktama mai mau uman, mau la nadiꞌa wee atu fasi Haꞌukaan ain tuir itakaan adat. Mais feto neꞌe nabotes Haꞌukaan ain nodi luun, hotu noꞌas namara nodi fuuk.

Lukas 7:47

Rona mai, mau! Feto neꞌe noo sala waꞌin tebes. Mais Naꞌi Maromak kasu mohu tiꞌan, tan nia natudu dadomin waꞌin baa Haꞌu. Ema mak la noo sala waꞌin, la natudu dadomin waꞌin nunia baa Haꞌu.”