Lukas 6:21 - Tetun

²¹ Ema salaen sia! Emi hetan sotir, tan Naꞌi Maromak atu naliku emi toꞌo bosu. Ema mak tanis no neon susar sia! Emi hetan sotir, tan emi atu hanasa no neon diꞌak.

Lukas 6:21 ပူးပေါင်းရင်းမြစ်များ

Lia Uluk Fohon 17:17

Rona nola nunia, Abraham nakniꞌa loꞌu-sudur toꞌo rai. Mais, nia nanasa iha neon naꞌak, “Mane katuas otas tinan atus ida nuꞌu haꞌu neꞌe, oin nunabee sei bele ketan oan tenik? Sara moos ferik maran tiꞌan, otas tinan siwi nulu ona. Oin nunabee, nia sei bele nahoris?”

Mateus 5:4

Ema mak laran susar sia, sia sotir, tan Naꞌi Maromak duꞌuk namaus sia.

Mateus 5:6

Ema mak buka Naꞌi Maromak dalan moris loos, sia sotir, tan Naꞌi Maromak atu foo saa mak sia buka.

Lukas 1:53

Nia nahaan ema salaen toꞌo bosu, mais teꞌur nasai ema maksoin sia nebee sia laꞌo nodi liman mamuk.

Lukas 6:20

Hotu Yesus seꞌi oin baa Niakaan maktuir sia, nodi nanorin naꞌak: “Ema mukit sia! Emi hetan sotir, tan Naꞌi Maromak duꞌuk mak emikaan Naꞌin!

Lukas 6:22

Ema mak kona susar tan tuir Haꞌu, Ema Raiklaran Isin neꞌe! Emi hetan sotir, tan Naꞌi Maromak atu selu baa emi iha laleꞌan. Masik ema hirus emi, nahaat emikaan naran, sama emi, nabuꞌa sai emi hanesan ema aat, emi hetan sotir, tan Naꞌi Maromak la naluꞌa emi iha laleꞌan. Kalo ema nasusar emi nunia, neon boot baa dei! Lalika blaar, tan ema mak nasusar emi baa oras neꞌe, uluk siakaan bei uluk duꞌuk mak nasusar Maromak makoꞌan sia. Kalo emi hetan susar nunia, halo neon boot baa dei, tan Naꞌi Maromak atu selu waꞌin boot baa emi iha laleꞌan!

Lukas 6:25

Ema makbosu sia! Emi hetan dinu, tan rai salaen boot saꞌe kona emi. Ema mak nanasa sia! Emi hetan dinu, tan emi kona susar toꞌo tanis hadeꞌun aan.

Yohanis 11:35

Rona nola nunia, Yesus moos luun turu, tan neon susar basuk.

Yohanis 4:10

Yesus katak naꞌak, “Nuneꞌe. Kalo bii natene saa mak Naꞌi Maromak nakara foo baa ema, no natene See mak nusu wee hemu neꞌe, bii nanis nusu fila wee baa Haꞌu. Hotu, Haꞌu moos foo wee mak nodi moris.”

Yohanis 6:35

Hotu Yesus katak naꞌak, “Haꞌu neꞌe, mak Tubi nia. Tan Haꞌu mak kodi moris loos. Ema mak tama dadi baa Haꞌukaan ema, la salaen tenik ona! Ema mak fiar baa Haꞌu, la nanroo tenik ona!

1 Korintus 4:11

Toꞌo oras neꞌe moos, ami horan salaen no hanroo. Amikaan tais moos, aat hotu. Ema taꞌe nakdiuk ami. Ami dadi ema tablaun mak la noo uma.

2 Korintus 11:27

Haꞌu kserwisu susi ruin kodi ketan susar oi-oik. Dala waꞌin la no leet toba. Dala waꞌin la no leet kaa. Dala waꞌin la no leet kemu. Dala waꞌin haꞌu ksalaen no kanroo. Dala waꞌin haꞌu kmalirin kreꞌis mate tan la koo tais.

2 Korintus 12:10

Kalo haꞌu koran aan la kbiit atu kalo serwisu ida, haꞌukaan neon mamatek dei. Masik ema dale nahaat haꞌu, nasusar haꞌu, no tonan haꞌu tan dadi Kristus klosan moos, haꞌukaan neon mamatek dei. Oras haꞌu la kbiit, Kristus beran nakbiit haꞌu.

2 Korintus 6:10

Masik ami horan todan moos, ami neon boot nohuun. Masik ami la hoo osan moos, ami hasoi ema waꞌin neon. Nuꞌu ami neꞌe la hoo sa-saa, mais tuir loos, ami hoo hotu sa-saa.

Yakobus 1:12

Ema mak terus susar toꞌo nakbois, sia sotir, tan nosi ikus, sia simu saseban mak Naꞌi Maromak nameno tiꞌan bodik ema mak nadomi Nia. Sia atu simu moris nima-nimak nosi Naꞌi Maromak, hanesan ema mak netan nola fafaꞌek sita malu, simu sabeo sita malu.

Lia Raiklaran Falu Fila 21:3

Haꞌu moos rona kola lia maliak makaꞌas ida mai nosi habesi aan fatin iha nia naꞌak, “Mana diꞌa-diꞌak! Nahuu baa oras neꞌe, Naꞌi Maromak hutun-renun bele tama-sai Niakaan Tofatik. Nahuu baa loron neꞌe, Naꞌi Maromak eman sia moris namutuk no Nia. Nia dadi baa siakaan Maromak. Sia moos dadi baa Niakaan hutun-renun. Nia atu moris no sia nohuun. Nia atu nein no sia nohuun.

Lia Raiklaran Falu Fila 7:16

Sia la noran salaen ona. Sia la noran hanroo ona. Sia la namotuk ona, tan loro manas. Siakaan isin kulit la nakfolu ona, tan kona manas.