Lukas 3:22 - Tetun

²² Hotu Maromak Kmalar Lulik namaan aan tuun baa Yesus. Kmalar Lulik nia ilas nuꞌu lakateu sina. Baa oras nia moos, noo lia maliak ida nosi laleꞌan naꞌak: “O neꞌe, Haꞌukaan Oan mak Haꞌu kakara no kadomi. O malo Haꞌu neon diꞌak.”

Lukas 3:22 ပူးပေါင်းရင်းမြစ်များ

Mateus 12:18

‘Haree kokon! Ema neꞌe, mak Haꞌukaan ema ain-liman mak Haꞌu kboi tiꞌan. Haꞌu kadomi nia. Nia nalo Haꞌu neon diꞌak tebes. Haꞌu atu kfoo Haꞌukaan Kmalar baa nia, nebee nia baa nanorin ema klubun hotu-hotu nosi Haꞌukaan dalan moris mak loos.

Mateus 17:5

Baa oras Petrus sei dale nunia, teki-tekis kaloꞌan tuun mai nakalus nola sia. Sia moos blaar tan rona lia maliak ida sai nosi kaloꞌan nia naꞌak, “Rona lai! Yesus neꞌe, Haꞌukaan Oan dadobe. Nia nalo Haꞌu neon diꞌak tebes. Rona diꞌa-diꞌak baa Nia!”

Mateus 27:43

Kalo Nia tebe-tebes Naꞌi Maromak Oan, habusik nebee ‘Nia naloon baa Naꞌi Maromak. Kalo Naꞌi Maromak beer Nia, habusik Naꞌi Maromak mak sori Nia.’ ”

Mateus 3:13

Baa oras nia, Yesus tuun nosi Galilea baa mota Yordan. Nia mai nusu nebee Yohanis sarani Nia,

Mateus 3:16

Sarani notu, Yesus sai nosi mota. Teki-tekis, laleꞌan nakloke. Hotu Nia titu-naree Maromak Kmalar tuun mai baa Nia, hanesan manu lakateu sina.

Mateus 3:17

Hotu Naꞌi Maromak lian maliak sai nosi laleꞌan naꞌak, “Neꞌe mak Haꞌukaan Oan dadobe. Nia nalo Haꞌu neon diꞌak tebes.”

Markus 1:11

Hotu, ema rona Naꞌi Maromak lian nosi laleꞌan naꞌak: “Oa! O neꞌe, Haꞌukaan Oan mak kakara no kadomi. O malo Haꞌu neon diꞌak.”

Markus 1:9

Baa oras nia, Yesus mai nosi leo ida naran Nasaret iha rai Galilea, atu nasoru Yohanis. Nasoru tiꞌan, Yohanis sarani Yesus iha mota Yordan.

Markus 9:7

Teki-tekis, ababun tuun taka nola sia hotu. Sia rona lia maliak ida mai nosi ababun laran naꞌak, “Rona mai! Neꞌe, Haꞌukaan Oan mak Haꞌu kadomi! Rona diꞌa-diꞌak baa Nia!”

Lukas 2:14

“Ita foti-hahaas Naꞌi Maromak naran! Nia mak nabesi aan kaer ukun iha laleꞌan mak aas kaliuk. Nia atu foo dame baa ema raiklaran mak kona baa Niakaan neon!”

Lukas 4:21

Hotu Nia katak baa sia naꞌak, “Lia mak emi rona ohin nia, oras neꞌe dadi tiꞌan!”

Yohanis 1:32

Uluk, Naꞌi Maromak katak baa haꞌu naꞌak, ‘Ema ida atu mai baa o. Hotu, Haꞌukaan Kmalar Lulik atu tuun mai nein iha Nia. Hotu, Nia nodi Haꞌukaan Kmalar Lulik, foo beran baa Haꞌukaan ema sia.’ Naꞌi Maromak katak kedan nunia, mais baa oras Ema neꞌe mai baa haꞌu, haꞌu la katene Nia mak Kristus. Dau-dau haꞌu ktitu-karee Maromak Kmalar Lulik tuun nosi laleꞌan hanesan lakateu sina, hotu nein baa Nia, foin haꞌu katene kaꞌak, ‘Nia neꞌe, mak Kristus!’

Yohanis 12:28

Tan baa nia, Haꞌu kusu nuneꞌe dei: ‘Ama. Haꞌu kalo tuir Ama hakaran dei, nebee ema hotu-hotu foti-nahaas Ama naran.’ ” Natoon baa oras nia moos, lia maliak ida nosi laleꞌan naꞌak, “Haꞌu kfoti-kahaas tiꞌan Haꞌukaan naran. Oras neꞌe, Haꞌu atu kfoti-kahaas tenik.”

Yohanis 5:37

Nia duꞌuk moos natebes nunia. Mais emi la rona Niakaan lian, la haree Niakaan ilas,

Kristus Klosan Lian 10:38

Emi moos hatene haꞌak, Naꞌi Maromak natuun Niakaan Kmalar Lulik baa Yesus ema Nasaret nia. Hotu Yesus nodi Naꞌi Maromak beran laꞌo sura leo, nalo lia diꞌak bodik ema. Nia moos tulun ema mak diabu ulun nasusar. Nia bele nalo nunia, tan Naꞌi Maromak namutuk no Nia.

1 Petrus 2:4

Emi musti talin aan ho Kristus, tan Nia nuꞌu fatuk ida mak foo moris. Badaen sia foti soe fatuk nia, tan sia naneo, fatuk nia folin lalek. Mais Naꞌi Maromak nafoli kaliuk fatuk nia, nodi boi nola dadi baa fatuk tatuur mak folin kaliuk.