Lukas 3:14 - Tetun

¹⁴ Sondadu naꞌi hira moos iha nia. Sia nusu baa Yohanis naꞌak, “Kalo ami, nunabee? Ami musti halo saa?” Nia nataa naꞌak, “Keta todak ema niakaan osan tuir emikaan hakara. Keta duu karin ema. Oras simu kansera, musti neon boot hodi horan toꞌo.”

Lukas 3:14 ပူးပေါင်းရင်းမြစ်များ

Mateus 8:5

Hotu Yesus tama baa leo Kapernaum. Iha nia, sondadu ulun Roma ida mai nusu tulun naꞌak,

Lukas 19:8

Toꞌo uma baa, Sakeos nariik iha Yesus oin, hotu dale naꞌak, “Ama Boot! Nahuu ohin loron neꞌe, haꞌu kfaꞌe baa rua haꞌukaan sasoin hotu-hotu, nebee faꞌek ida haꞌu kfoo baa ema mukit sia. Bodik ema mak haꞌu kusu bea liu, haꞌu kselu kikar isin haat.”

Lukas 3:10

Rona nola Yohanis dale nunia, ema nia sia nusu nia naꞌak, “Kalo nunia, ami musti halo saa?”

Lukas 3:13

Nia nataa naꞌak, “Uluk, emi tolek teen. Mais oras neꞌe, emi musti serwisu halo loos. Keta husu bea liu nosi ukun. Nebee hutun-renu selu bea kona besik no ukun-badu.”

Kristus Klosan Lian 10:7

Dale hotu nunia, makbukar laleꞌan nia laꞌo nela Kornelius. Hotu Kornelius bolu nola niakaan ema serwisu naꞌin rua no niakaan sondadu ida. Sondadu nia moos fiar baa Naꞌi Maromak.

Filipi 2:15

Hodi nunia, emi bele neon moos no la hoo sala. Emi moris iha ema aat no ema tolek teen klaran. Mais keta tuir sia! Emi musti moris moos, tan emi neꞌe, Naꞌi Maromak oan. Emikaan moris musti naksinak natudu dalan baa sia, hanesan fitun maksinak naroma makukun.

Filipi 4:11

Tuir loos, haꞌu la kusu sa-saa. Haꞌu koran sa-saa hotu-hotu toꞌo, tan haꞌu kmoris toman kodi neon diꞌak baa sa-saa mak iha.

Titus 2:3

Nunia moos, ferik sia. Katak baa sia nebee daka diꞌa-diꞌak siakaan tuur-hariik no moris tuir Naꞌi Maromak hakaran nohuun. Sia keta dale nadois ema naran. Sia keta natoos aan baa tua. Mais sia musti nanorin ema atu moris diꞌak.

Lia Raiklaran Falu Fila 12:10

Nunia hotu, haꞌu krona tenik lia maliak makaꞌas ida nosi laleꞌan naꞌak, “Uluk, samea inan nia nariik iha Naꞌi Maromak oin, nodi tula sala bei-beik baa itakaan mamaluk makfiar sia. Oras neꞌe, nia kona soe sai nosi laleꞌan tiꞌan. Oras neꞌe, Naꞌi Maromak oras toꞌo tiꞌan, atu sori ema raiklaran. Oras neꞌe, Naꞌi Maromak kaer ukun tiꞌan nodi beran boot. Nia moos foti Kristus tiꞌan, Ema nia mak Nia boi kedan atu dadi Naꞌin bodik ema klubun hotu-hotu.