Lukas 23:38 - Tetun

³⁸ Hotu sia nakerek baa ai kabelak ida naꞌak, “Neꞌe, ema Yahudi Naꞌin.” Hotu, sia nedi ai kabelak nia baa Yesus ulun fafuhun, atu katak lia krarain mak sia nodi taa ukun mate baa Nia.

Lukas 23:38 ပူးပေါင်းရင်းမြစ်များ

Mateus 2:2

Toꞌo Yerusalem baa, sia nusu baa-mai naꞌak, “Ema Yahudi siakaan naꞌi mak foin moris nia, iha nabee? Ami haree tiꞌan fitun ida iha lorosaꞌe mak natudu tadak naꞌak, Nia moris tiꞌan. Tan lia nia, ami mai atu loꞌu-sudur baa Nia.”

Mateus 27:11

Ema nodi Yesus toꞌo gubernur baa tiꞌan, gubernur nusu Yesus naꞌak, ‘ ‘Ema neꞌe sia naꞌak O neꞌe, Naꞌin Yahudi. Tebes ka lale?” Yesus nataa naꞌak, “Tebes. Ama dale nia loos.”

Mateus 27:37

Sia moos nakerek baa ai kabelak ida naꞌak, “NEꞌE YESUS, NAꞌI YAHUDI” Hotu sia nedi kedan ai kabelak nia baa ai karuus iha Yesus ulun leten, nebee ema bele natene lia krarain taa ukun mate baa Nia.

Markus 15:18

Hotu, sia tabe naleuk nia naꞌak, “Tabe, Naꞌi Yahudi!”

Markus 15:26

Sia moos nakerek baa ai kabelak ida naꞌak, “Ema neꞌe, Naꞌi Yahudi” Hotu, sia nedi ai kabelak nia baa ai karuus iha Yesus ulun fafuhun leten, nebee ema bele natene lia krarain taa ukun mate baa Nia.

Markus 15:32

Uluk Nia naꞌak, Nia neꞌe ‘Kristus’ mak Naꞌi Maromak nameno kedan hori uluk. Ema seluk dale naꞌak, nia neꞌe ema Yahudi Naꞌin. Kalo nunia tebes, habusik Nia tuun duꞌuk nosi ai karuus, nebee ita haree. Nunia tiꞌan, foin ita bele fiar.” Ema madauk teen naꞌin rua iha Yesus sorin moos naleuk Nia.

Lukas 23:3

Rona nola nunia, gubernur nusu baa Yesus naꞌak, “Nunia tebes ka? O neꞌe, ema Yahudi Naꞌin tebes ka?” Yesus nataa naꞌak, “Tebes! Ama dale nia, loos.”