Lukas 22:32 - Tetun

³² Mais Haꞌu kamulak bodik o, Petrus, nebee o fiar Haꞌu bei-beik. Kalo o fila mikar mai Haꞌu tiꞌan, o musti makbiit mamaluk sia neon.”

Lukas 22:32 ပူးပေါင်းရင်းမြစ်များ

Mateus 18:3

Hotu Nia dale naꞌak, “Rona, tan Haꞌukaan dalen neꞌe, tebes no loos! Ema mak nakara dadi baa Naꞌi Maromak eman, nia musti filas neon no laran, nebee dadi hanesan lawarik oan mak neon loos.

Mateus 26:75

Rona nola manu kokoreek, Petrus moos nanoin nola Yesus Niakaan lia fuan ohin nia mak naꞌak, “Manu sei la kokoreek dauk, o meli Haꞌu isin tolu tiꞌan, maꞌak o la matene Haꞌu.” Nanoin nola nunia, Petrus sai nikar baa luan nodi tanis nanseꞌur aan.

Markus 14:72

Oras Petrus katak nunia, manu moos kokoreek isin rua. Rona nola nunia, Petrus nanoin nola Yesus lia fuan ohin nia naꞌak, “Manu sei la kokoreek isin rua dauk, o meli Haꞌu isin tolu tiꞌan maꞌak, o la matene Haꞌu.” Nanoin nola nunia, Petrus moos tanis no aan.

Markus 16:7

Diꞌak liu, ina sia fila ona! Baa katak Petrus no niakaan mamaluk sia haꞌak, Yesus moris nikar tiꞌan. Nia laꞌo uluk baa Galilea. Sia musti baa nasoru Nia iha nebaa, tuir saa mak Nia nameno kedan baa sia.”

Lukas 8:13

Fini mak monu baa rai fatuk, nuꞌu ema mak rona Maromak Manfatin no simu nodi neon diꞌak. Mais abut tama la leꞌan. Nia nahuu fiar, mais kalo susar saꞌe tan, nia monu maꞌas.

Yohanis 14:19

La kleur falik, ema seluk iha raiklaran neꞌe la naree Haꞌu ona. Mais emi haree Haꞌu. Emi atu moris, tan Haꞌu kmoris kikar.

Kristus Klosan Lian 3:19

Tan baa nia, emi musti fila hikar baa Naꞌi Maromak nebee Nia kasu emikaan salan.

Roma 8:32

Naꞌi Maromak la natoos Oan duꞌuk, mais latan nebee mate dadi sera atu tulun ita hotu-hotu. Tan Nia la natoos Oan nunia bodik ita, ita bele hatene haꞌak, Nia moos atu foo diꞌak hotu-hotu baa ita. Tebes.

Roma 8:34

Arumak emi haneo haꞌak, sei noo ema mak bele dale naꞌak, Naꞌi Maromak musti kastikar ita ka? La noo! Naꞌi Maromak la kastikar ita ona, tan Nia boi ita tiꞌan, no Yesus Kristus mate selu nola ita. Liu tan tenik, Naꞌi Maromak nalo Yesus moris nikar, hotu foti Nia nebee nabesi aan baa fatin kneter kaliuk iha Naꞌi Maromak sorin kwana. Iha nia, Yesus namulak bodik ita.

2 Timotius 2:18

Sia rua nanorin kaleꞌuk naꞌak, Naꞌi Maromak oras nalo ema mak mate tiꞌan moris nikar, siku liu tiꞌan. Sia naksees tiꞌan nosi hanorin loos, toꞌo nahaat ema balu siakaan fiar.

Titus 1:1

Oa Titus mak diꞌak! Hakerek neꞌe nosi haꞌu, Paulus, mak Naꞌi Maromak ain-liman no Yesus Kristus klosan. Naꞌi Maromak solok haꞌu atu kaliku ema mak Nia boi atu fiar baa Nia. Nia moos solok haꞌu atu kanorin dalan moris mak loos, nebee Niakaan ema sia bele natene moris tuir Niakaan hakaran. Hodi nunia, sia bele moris namutuk no Nia nima-nimak. Naꞌi Maromak sei la naseꞌi raiklaran neꞌe dauk, Nia nameno tiꞌan atu nalo nunia. Tebes. Nia la naktolek. Toꞌo baa niakaan oras, Nia foo natene naꞌak, Nia nakara sori ema nosi siakaan salan, nebee sia bele moris no Nia nima-nimak. Hotu, Nia naruka haꞌu atu katak Niakaan Manfatin nia bodik ema hotu-hotu. Titus! Tuir haꞌu, o nuꞌu haꞌukaan oan duꞌuk, tan o mo haꞌu fiar bele-bele baa Kristus. Haꞌu kamulak baa itakaan Ama Maromak no itakaan Maksorin Yesus Kristus, nebee natudu laran diꞌak baa o, nebee o bele moris manek no dame.

Ibrani 12:15

Hakbiit malu neon, nebee keta toꞌo emi balu seꞌi kotuk baa Naꞌi Maromak no la horan Niakaan laran diꞌak. Daka diꞌa-diꞌak, nebee keta rai hirus baa malu. Hirus malu nia, hanesan raso moruk mak nahaat ita.

Ibrani 7:25

Nia bele sori ema hotu-hotu mak nakara mai baa Naꞌi Maromak nodi Niakaan naran. Tan Nia moris nohuun, Nia dadi itakaan Ema iha Naꞌi Maromak oin mak tulun ita nohuun.

1 Petrus 1:1

Hakerek neꞌe nosi haꞌu, Petrus, mak Yesus Kristus klosan. Haꞌu kakerek neꞌe bodik emi mamaluk sia mak Naꞌi Maromak boi tiꞌan. Emi moris keke lema ema rain, iha rai Pontus, rai Galatia, rai Kapadokia, rai Asia no rai Bitinia. Mamaluk sia! Hori uluk fohon, Ama Maromak boi emi atu dadi baa Niakaan ema. Niakaan Kmalar Lulik namoos nola emikaan salan, nebee emi bele halo tuir ukun hotu-hotu mak Yesus Kristus natuun baa emi. Kalo emi halaꞌok Niakaan ukun nia sia, nuꞌu Naꞌi Maromak nisik Yesus Kristus raan baa emi, atu dadi tadak naꞌak, emi dadi moos tiꞌan bodik Nia. Haꞌu kaloon nebee Naꞌi Maromak natudu laran diꞌak baa emi, nebee emi moris hetak manek no hetak dame.

1 Petrus 1:13

Emi musti hatene diꞌa-diꞌak lia neꞌe sia hotu-hotu. Daka aan, nebee bele haneo halo naruk hodi haloon bei-beik baa Yesus Kristus toꞌo Nia namaan aan mai nikar. Tan baa oras nia, Naꞌi Maromak atu natudu laran diꞌak baa emi.

1 Petrus 1:5

Nia nodi Niakaan beran boot atu daka ita, toꞌo la no saa ida kois mak bele nadodok ita. Oras rai falu fila, Nia atu nalore hotu-hotu mak Nia nalo kedan bodik ita.

2 Petrus 3:14

Mamaluk sia mak haꞌu kadomi! Baa oras emi hei-hein lia neꞌe sia, emi musti hakaꞌas aan atu dadi ema diꞌak mak kona baa Naꞌi Maromak neon. Hodi nunia, la noo ema ida mak bele tula sala baa emi. Hakaꞌas aan moris dame malu.

1 Yohanis 2:19

Maksakar nia sia mai nosi itakaan klaran. Mais sia lahoos itakaan ema. Kalo sia tebe-tebes itakaan ema, sia la laꞌo nela ita. Mais tan sia laꞌo nela ita, malorek tiꞌan, sia lahoos itakaan ema.