Lukas 20:35 - Tetun

^35-36 Iha laleꞌan, ema la nola malu tenik. Iha nebaa moos, sia la mate tenik. Tan sia dadi nuꞌu Maromak Niakaan makbukar laleꞌan sia tiꞌan. Baa oras Naꞌi Maromak nalo ema mak mate tiꞌan sia moris nikar, Nia moos boi nola sia, dadi baa Niakaan oan.

Lukas 20:35 ပူးပေါင်းရင်းမြစ်များ

Mateus 12:32

Haꞌu neꞌe, Ema Raiklaran Isin nosi laleꞌan. Kalo ema dale nahaat Haꞌu, Naꞌi Maromak sei kasu sala nia. Mais, kalo dale nahaat Maromak Kmalar Lulik, masik toꞌo rai falu fila moos, Naꞌi Maromak la kasu sala nia!”

Mateus 22:29

Rona nola nunia, Yesus nataa naꞌak, “Kalo emi husu nunia, emi sala tiꞌan! Emi la hatene Hakerek Moon lia isin. Emi moos la hatene Naꞌi Maromak beran!

Markus 10:42

Hotu, Yesus bolu nola maktuir sia hotu-hotu, nodi katak nalore naꞌak, “Emi hatene tiꞌan haꞌak, liurai mak kaer ukun iha raiklaran, sia tonan siakaan renun, toꞌo la nakfodak. Ema boot nosi klubun mak la natene Naꞌi Maromak moos, foo ukun liu kladik, toꞌo renu la bele foti ulun.

Markus 12:24

Rona nola nunia, Yesus nataa naꞌak, “Kalo emi husu nunia, emi sala tiꞌan! Emi la hatene Hakerek Moon isin. Emi moos la hatene Naꞌi Maromak beran makaꞌas!

Lukas 16:8

Serwisu ulun nalo nunia toꞌo ulun natene nola niakaan dalan. Mais ulun mose nia naꞌak, serwisu ulun nia, matenek buka dalan nebee ema simu nia. Haꞌu katak lia hatetek neꞌe baa emi, nebee emi hatene haꞌak, ema mak la fiar baa Naꞌi Maromak, sia matenek liu buka dalan baa malu bodik moris. Mais ema mak fiar baa Naꞌi Maromak, sia moris iha kroman. Siakaan kakutak la matenek nuꞌu ema mak la fiar nia sia.

Lukas 21:36

Dadi, sintidu nohuun. Hamulak bei-beik, nebee bele terus susar nia sia hotu-hotu. Kalo emi halo nunia, oras Haꞌu, Ema Raiklaran Isin neꞌe mai kikar, emi la moe hariik iha Haꞌukaan oin.”

Yohanis 5:29

Sia moris nikar sai nosi rate. Hotu, ema mak uluk nalo lia diꞌak, sia netan moris toꞌo nima-nimak. Mais, ema mak uluk nalo lia aat, sia kona kastikar toꞌo nima-nimak.”

Kristus Klosan Lian 24:15

Haꞌu kaloon baa Naꞌi Maromak manesak nuꞌu ema neꞌe sia mak mai sakar haꞌu. Haꞌu ko sia fiar bele-bele haꞌak baa oras rai falu fila, Naꞌi Maromak atu nalo ema mak mate moris nikar. Masik ema diꞌak ka ema aat, Nia nalo moris nikar.

Kristus Klosan Lian 5:41

Kristus klosan sia moos sai nela moon-metan nia. Masik sia netan naran aat tan tuir Yesus moos, sia neon diꞌak, tan Naꞌi Maromak nafoli sia bele netan susar nunia.

2 Tesalonika 1:5

Naꞌi Maromak nodi susar nia, atu nalore naꞌak, Nia nakotu lia nodi moon. Hodi terus susar nunia, Naꞌi Maromak nalo emi fatan atu hanaꞌi baa Nia no dadi Niakaan renun.

Ibrani 11:35

Balu tenik, ina sia mak simu nikar siakaan famili mak Naꞌi Maromak nalo moris nikar. Mais noo balu mak kona tonan tan fiar baa Naꞌi Maromak. Sia talin aan no Nia nohuun, toꞌo sia boi diꞌak liu mate nosi moris taliꞌur baa Maromak. Sia naloon naꞌak, Naꞌi Maromak bele foti saꞌe sia atu netan moris diꞌak liu tenik iha laleꞌan.

Lia Raiklaran Falu Fila 3:4

Mais, emi balu iha Sardis sei moris loos, hanesan ema mak la nadoor faru. Tan lia nia, emi fatan tau faru mutin, laꞌo hamutuk ho Haꞌu.