Lukas 2:14 - Tetun

¹⁴ “Ita foti-hahaas Naꞌi Maromak naran! Nia mak nabesi aan kaer ukun iha laleꞌan mak aas kaliuk. Nia atu foo dame baa ema raiklaran mak kona baa Niakaan neon!”

Lukas 2:14 ပူးပေါင်းရင်းမြစ်များ

Mateus 21:9

Baa oras nia, ema balu laꞌo uluk Yesus, balu tenik tuir nosi kotuk. Sia nahii bele-bele naꞌak, “Hosana! Ami tonu-haboot Naꞌi Maromak! Naꞌi Daud husar-binan namaan aan mai tiꞌan! Hosana! Ami tonu-haboot Naꞌi Maromak! Naꞌi Maromak solok Ema neꞌe mai tiꞌan. Hosana! Ami tonu-haboot Naꞌi Maromak, mak nabesi aan iha laleꞌan mak aas kaliuk!”

Lukas 19:38

Sia nahii naꞌak, “Ema neꞌe, Naꞌin mak Maromak solok mai! Maromak foo matak-malirin baa Nia! Oras neꞌe, ema raiklaran bele dame malu no Maromak iha laleꞌan ona. Tonu-haboot Maromak mak nabesi aan kaer ukun iha laleꞌan mak aas kaliuk.”

Lukas 2:13

Teki-tekis, Maromak Niakaan makbukar laleꞌan lear mai namutuk no makbukar uluk nia. Sia tonu-naboot Naꞌi Maromak nodi nananu naꞌak,

Lukas 2:15

Hotu makbukar sia fila baa laleꞌan. Makbalin nia sia dale baa malu naꞌak, “Hei! Mai ita baa Betlehem atu haree oa nia lai! Tan Naꞌi Maromak solok lia nia baa ita tiꞌan.”

Lukas 3:22

Hotu Maromak Kmalar Lulik namaan aan tuun baa Yesus. Kmalar Lulik nia ilas nuꞌu lakateu sina. Baa oras nia moos, noo lia maliak ida nosi laleꞌan naꞌak: “O neꞌe, Haꞌukaan Oan mak Haꞌu kakara no kadomi. O malo Haꞌu neon diꞌak.”

Yohanis 14:27

Kalo Haꞌu kbaa tiꞌan, Haꞌu kfoo baa emi moris manek no dame. Moris oin nunia la mai nosi raiklaran, mais mai nosi Haꞌu duꞌuk. Dadi, keta haneo waꞌin no hataꞌuk.

Yohanis 17:4

Haꞌu katudu Ama Niakaan kabaas tiꞌan iha raiklaran neꞌe kodi kalaꞌok mohu serwisu mak Ama latan baa Haꞌu.

Yohanis 3:16

Naꞌi Maromak nadomi ema raiklaran, toꞌo Nia solok Oan Mane mesak mai raiklaran neꞌe. Hodi nunia, ema hotu-hotu mak fiar baa Oan, la kona kastikar mak sasa faꞌe sia nosi Naꞌi Maromak ona, mais sia netan moris nima-nimak no Nia.

Kristus Klosan Lian 10:36

Lia diꞌak neꞌe mak Naꞌi Maromak katak tiꞌan baa ami ema Israꞌel. Yesus mate atu nalo ema raiklaran diꞌa-diꞌak nikar no Naꞌi Maromak. Yesus moos Naꞌin bodik ema hotu-hotu.

Roma 5:1

Tan ita fiar baa Yesus Kristus, Naꞌi Maromak nafoli ita naꞌak, ema loos. Hodi nunia, ita bele talin malu ho Naꞌi Maromak, tan itakaan Naꞌin Yesus Kristus loke dalan tiꞌan.

Efesus 1:6

Ita tonu-haboot Nia, tan Nia natudu laran diꞌak nunia baa ita tiꞌan, nebee ita bele moris talin malu ho Yesus mak Nia dadobe.

Efesus 1:9

Uluk, Nia sei la nalore dauk Niakaan hakaran baa ema raiklaran. Mais oras neꞌe, Nia nalore tiꞌan naꞌak, hori uluk aan Nia nakotu tiꞌan atu nodi Yesus Kristus nalaꞌok Niakaan hakaran.

Efesus 2:4

Nia nafoli ita ema mak mate tiꞌan. Masik nunia moos, Nia neon monu baa ita, tan nadomi ita liu basuk. Hotu, Nia natudu laran diꞌak nodi solok Yesus Kristus mai atu foo moris foun baa ita. Neꞌe naꞌak, ita hetan moris tan Naꞌi Maromak laran diꞌak.

Efesus 2:7

Naꞌi Maromak nalo nunia, nebee Nia bele natudu nima-nimak dadomin no Niakaan laran diꞌak mak makaꞌas basuk bodik ita mak fiar baa Yesus Kristus.

Filipi 2:11

Ema hotu-hotu atu katak naꞌak, “Yesus Kristus nia, Ulun tebe-tebes!” Hodi nunia, sia tonu-naboot Ama Maromak.

Filipi 2:13

Naꞌi Maromak duꞌuk mak serwisu iha emikaan neon. Nia loke dalan nebee emi bele hanono baa Nia. Nia moos foo beran nebee emi bele halo Nia neon diꞌak.

Kolose 1:20

Naꞌi Maromak nodi Yesus Kristus, nalo dame no hotu-hotu mak Nia naseꞌi tiꞌan. Nia latan Niakaan Oan, dadi baa sera, nodi naduar raan, toꞌo mate iha ai karuus, nebee hotu-hotu iha laleꞌan no raiklaran, bele dame nikar no Naꞌi Maromak.

2 Tesalonika 2:16

Ami hamulak bei-beik baa itakaan Ama Maromak no itakaan Naꞌin Yesus Kristus, nebee nakbiit emikaan neon, toꞌo emi bele halo lia diꞌak hotu-hotu. Ami haberan aan hakroꞌan nunia, tan ami hatene haꞌak, Naꞌi Maromak nadomi ita liu basuk. Tan Nia laran diꞌak, Nia la nanawa nakbiit ita. Ita bele haloon baa Nia nohuun.

Lia Raiklaran Falu Fila 5:13

Sia nananu hotu, haꞌu krona kola tenik kananuk seluk ida. Makmoris hotu-hotu iha laleꞌan, iha kaloꞌan, iha raiklaran, no iha tasi laran, foti lian nodi nananu. Ema nosi matebian fatin moos, tuir nananu. Sia nananu bele-bele naꞌak, “Ami tonu Naꞌi Maromak mak nabesi aan iha habesi aan fatin neꞌe. Ami moos foti-hahaas Bibi Malae Oan neꞌe. Ami sera kneter baa Sia. Ami loꞌu-sudur baa Sia. Tan Sia mak kaer ukun nima-nimak! Siakaan beran moos la mohu kois!”