Lukas 18:19 - Tetun

¹⁹ Yesus nataa naꞌak, “Tan saa o masee Haꞌu, ‘mak kneter basuk’? Kmesak ida dei mak kneter basuk. Nia mak Maromak.

Lukas 18:19 ပူးပေါင်းရင်းမြစ်များ

Lukas 1:35

Gabriel nataa naꞌak, “Nuneꞌe bete! Maromak Kmalar Lulik atu tuun baa o. Beran nosi Maromak Mak Aas Kaliuk moos atu taka nola o. Hodi nunia, Oa mak atu moris nia, moon tebe-tebes tan Nia, Naꞌi Maromak Oan.

Lukas 11:13

Masik ema raiklaran huun aat nanis, la noo ama ida iha raiklaran mak nalo nunia. Emikaan Ama iha laleꞌan huun diꞌak nanis. Kalo ema raiklaran mak aat nunia sei nakara foo buat diꞌak baa oan, saa tenik Ama iha laleꞌan! Nia nanis foo Niakaan Kmalar Lulik baa ema mak nakroꞌan baa Nia.”

Lukas 18:18

Baa dala ida, naꞌilulik Yahudi ida mai nusu baa Yesus naꞌak, “Ama Boot mak kneter basuk! Ama tulun manorin Haꞌu nebee haꞌu kbele katene oin nunabee, haꞌu kbele tama laleꞌan atu moris nima-nimak ko Naꞌi Maromak.”

Lukas 18:20

O matene nanis ukun-badu hori uluk naꞌak: Keta halo lia kfoꞌer; keta hoꞌo ema; keta hanaꞌo; keta dale hahaat ema; no musti hakneter inan-aman.”

1 Timotius 3:16

Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe: Kristus namaan aan mai iha raiklaran neꞌe, nola ema raiklaran ilas hanesan ita. Maromak Kmalar dadi saksiin naꞌak, Yesus neꞌe, Ema Moon. Maromak Niakaan makbukar laleꞌan sia naree Nia tiꞌan. Niakaan Lia keke lema tiꞌan, toꞌo baa ema iha fatin hotu-hotu. Iha rai hotu-hotu ema fiar Nia tiꞌan. Naꞌi Maromak foti saꞌe Nia baa laleꞌan, hotu Nia nabesi aan iha fatin kneter. Itakaan fiar tatuur mak nia.

Ibrani 7:26

Tebes. Yesus neꞌe, naꞌilulik boot mak fatan bodik ita. Nia moon, la nalo sala sa-saa. Nia seluk nosi ita ema maksalan. Naꞌi Maromak moos foti-nahaas Nia liu hotu-hotu iha laleꞌan no raiklaran.

Yakobus 1:17

Lia aat sia la mai nosi Naꞌi Maromak. Mais matak-malirin no lia diꞌak hotu-hotu tuun mai nosi Nia. Nia mak naseꞌi loro no fulan no fitun sia. Buat nia sia lori baa-mai iha laleꞌan, no siakaan lalatak seluk aan nohuun. Naꞌi Maromak mesan mak la seluk aan.