Lukas 18:13 - Tetun

¹³ Mais ema maksisi bea nia nariik dook iha kotuk baa. Nia la naksakar aan foti oin atu titu baa laleꞌan. Nia namulak sudur ulun nodi neon dodok naꞌak, ‘Aaa, Naꞌi Maromak. Madomi haꞌu ema sala neꞌe! Foo pardua baa haꞌu lai!’ ”

Lukas 18:13 ပူးပေါင်းရင်းမြစ်များ

Mateus 10:3

Noo tenik Filipus no Bartolomeus. Hotu Tomas no Mateus (ema maksisi bea). Hotu Yakobus (Alfeus oan) no Tadeus.

Mateus 6:5

Hotu Yesus dale naꞌak, “Baa oras emi hamulak, keta halo aan hanesan ema mak dale seluk, nalo seluk. Sia nakara baa labu iha dalan dahur, nodi nariik iha uma hamulak, nebee ema lear naree nodi tonun sia naꞌak, ‘Ema neꞌe, ema moos tebes!’ Mais rona! Nodi simu tonun nunia, sia simu mohu siakaan saseban tiꞌan.

Mateus 9:13

Diꞌak liu emi fila baa leno diꞌa-diꞌak Maromak Manfatin mak uluk makoꞌan Hosea nakerek naꞌak, ‘Haꞌu kakara nebee Haꞌukaan ema sia nadomi malu no dodan malu. Kalo sia la nalo nunia, sera tunun mak sia nodi natetu baa Haꞌu la noo folin saa ida.’ Naꞌi Maromak katak tebes nunia. Tan lia nia, Haꞌu la kmai kaliku ema mak filak aan ema loos tiꞌan. Haꞌu kmai atu kaliku ema maksalan mak nakara buka moris loos.”

Markus 11:25

Mais baa oras hamulak, kalo ema ida nosi emi laran sei manas no ema seluk, musti baa diꞌak hikar ho ema nia lai. Foin, emikaan Ama iha laleꞌan kasu mohu emikaan salan.

Lukas 17:12

Tama baa leo ida, ema moras funi mea naꞌin sanulu mai nasoru Yesus. Sia nariik nosi dook,

Lukas 22:41

Hotu Nia nakiduk nela sia. La dook nosi sia, Nia nakniꞌa nodi namulak naꞌak,

Lukas 23:48

Ema waꞌin iha nia titu-naree Yesus nawan kotu, sia laran moras. Hotu sia fila nodi neon susar.

Lukas 5:8

Nosi Simon mamaluk sia, noo Sebadeus oan rua, naran Yakobus no Yohanis. Sia moos blaar tan netan naꞌan tasi lear nia. Naree naꞌan tasi lear nia, Simon sudur kedas baa Yesus oin, nodi naꞌak, “Haꞌu neꞌe, ema maksalan. Diꞌak liu, Ama keta kreꞌis haꞌu.” Mais Yesus nataa naꞌak, “Simon. Keta neon kiꞌik, tan Haꞌu kakara karuka emi. Emi serwisu loron-loron buka naꞌan tasi. Mais oras neꞌe, Haꞌu atu kanorin emi buka ema, nebee sia tuir Haꞌu.”

Kristus Klosan Lian 2:37

Rona Petrus dale nunia, ema nia sia neon monu. Sia moos nusu baa Petrus no klosan seluk sia naꞌak, “Mau sia! Kalo nunia, ami musti halo saa?”

Roma 5:8

Mais Naꞌi Maromak dadomin lahoos nunia. Tan oras ita sei halo sala bei-beik moos, Kristus mate selu nola ita tiꞌan.

2 Korintus 7:11

Hanoin! Tan haꞌukaan hakerek uluk nia noo folin boot. Emi horan neon aat tuir Naꞌi Maromak beer. Hotu emi hoꞌas lakon lia aat sia hosi emikaan moris, tan emi kole tiꞌan ho emikaan aꞌaat. Emi moos hataꞌuk, keta toꞌo emi atu halo aat hikar. Emi beer atu haree haꞌu, hodi hadiꞌa aan halo lia diꞌak. Emi moos hadiꞌa aan taa ukun baa ema mak nalo sala. Tan emi halo lia loos nia sia, emi dadi ema moos tiꞌan. Hodi nunia, la noo ema mak bele tula sala baa emi ona.

1 Timotius 1:15

Noo ema mak dale naꞌak, “Yesus Kristus mai raiklaran neꞌe atu sori ema maksalan.” Tebes! Nosi ema maksalan hotu-hotu, haꞌu neꞌe mak aat kaliuk.

Ibrani 4:16

Tan lia nia, ita lalika hataꞌuk hareꞌis aan baa Naꞌi Maromak iha Niakaan kadera ukun. Nia laran diꞌak. Kalo ita hamulak hodi husu tulun baa Nia, Nia nanis natudu Niakaan dodan nodi tulun ita, kona baa Niakaan oras.

Ibrani 8:12

Masik sia nalo sala moos, Haꞌukaan neon atu monu baa sia. Haꞌu moos kaluꞌa lakon siakaan salan hotu-hotu.”