Lukas 17:20 - Tetun

^20-21 Baa loron ida, ema Farisi naꞌin hira mai nusu baa Yesus naꞌak, “Ama Boot! Katak kokon lai! Wainhira Naꞌi Maromak nahuu nalaꞌok Niakaan ukun?” Yesus nataa naꞌak, “Lia nuneꞌe! Keta haneo Naꞌi Maromak nalaꞌok Niakaan ukun nodi tadak oi-oik mak ema raiklaran bele leno. Kalo ema katak naꞌak, ‘Haree kokon mai! Naꞌi Maromak nalaꞌok Niakaan ukun iha neꞌe!’, keta fiar. Kalo ema seluk naꞌak, ‘Naꞌi Maromak nalaꞌok Niakaan ukun iha nebaa!’, keta fiar. Ema la netan kakaer nunia, tan Naꞌi Maromak nalaꞌok Niakaan ukun iha itakaan neon laran.”

Lukas 17:20 ပူးပေါင်းရင်းမြစ်များ

Lukas 10:11

‘Hoi, ema leo neꞌe! Rona! Ami mai hodi Maromak Manfatin bodik emi, mais emi la titu netik. Oras neꞌe, ami hisik hela ahukresan leo neꞌe hosi amikaan ain, atu dadi baa tadak naꞌak, emi hatiu dinu duꞌuk. Mais hanoin diꞌa-diꞌak! Naꞌi Maromak oras toꞌo tiꞌan atu babilan Niakaan hutun-renun!’ ”

Lukas 14:1

Loron ida, kona baa loron hamulak, ema Farisi ulun ida tene Yesus mai naa iha niakaan uma. Toꞌo baa, ema mana Yesus tan nakara naree Nia atu nalo saa baa loron hamulak.

Lukas 16:16

Uluk ita ema Yahudi moris tuir Ukun-badu nosi Bei Musa no nosi Maromak makoꞌan sia, da-dau toꞌo oras Yohanis Mak Sarani Ema mai. Oras neꞌe, Manfatin Diꞌak keke lema tiꞌan naꞌak, Maromak dadi Naꞌin bodik ema raiklaran. Ema waꞌin moos narui aan atu moris tuir Naꞌi Maromak dalan foun nia.

Lukas 19:11

Baa oras nia, ema waꞌin tuir nanono Yesus. Toꞌo kreꞌis kota Yerusalem, sia naneo naꞌak Yesus atu nalaꞌok Naꞌi Maromak ukun hanesan naꞌin ona. Mais tan sia nanoin sala nunia, Yesus dale baa sia lia hatetek ida

Yohanis 18:36

Yesus moos katak baa naꞌak, “Haꞌu lahoos naꞌin nosi raiklaran neꞌe. Kalo Haꞌu naꞌin raiklaran, nanis Haꞌukaan ain-liman sia mai lituk Haꞌu bele-bele, nebee ema Yahudi sia la bele kohi nola Haꞌu. Haꞌu neꞌe, Naꞌi tebes, mais lahoos ema raiklaran mak foti Haꞌu.”