Lukas 16:7 - Tetun

⁷ Hotu nia baa nusu ema nomer rua naꞌak, ‘O tenik, matusan hira?’ Nia nataa naꞌak, ‘Katusan hare kakaluk rihun ida.’ Serwisu ulun katak naꞌak, ‘Sira mahaat okaan hakerek tusan nia, hotu makerek foun maꞌak, kakaluk atus walu dei.’

Lukas 16:7 ပူးပေါင်းရင်းမြစ်များ

Mateus 18:28

Mais baa oras ema serwisu nia sai, nia nasoru nola belun ida mak natusan oan ida baa nia. Nia kohi nola kedan belun nia, misak baa kakorok nodi nakbehek naꞌak, ‘Hoi! Selu kedan okaan tusan oras neꞌe ona!’

Lukas 16:6

Ema nia nataa naꞌak, ‘Katusan mina saitun, liter rihun haat.’ Hotu serwisu ulun naꞌak, ‘Tebes! Neꞌe okaan hakerek tusan. Oras neꞌe sira mahaat ona, hotu makerek lai-lais hakerek tusan foun, maꞌak o matusan liter rihun rua dei.’

Lukas 16:8

Serwisu ulun nalo nunia toꞌo ulun natene nola niakaan dalan. Mais ulun mose nia naꞌak, serwisu ulun nia, matenek buka dalan nebee ema simu nia. Haꞌu katak lia hatetek neꞌe baa emi, nebee emi hatene haꞌak, ema mak la fiar baa Naꞌi Maromak, sia matenek liu buka dalan baa malu bodik moris. Mais ema mak fiar baa Naꞌi Maromak, sia moris iha kroman. Siakaan kakutak la matenek nuꞌu ema mak la fiar nia sia.

Lukas 20:12

Nunia hotu, toꞌos naꞌin solok tenik niakaan ema nomer tolu baa. Mais sia taꞌe nakane nia, hotu soe sai.

Lukas 20:9

Hotu, Yesus dale baa ema lear iha nia nodi lia hatetek naꞌak, “Noo ema ida mak nalo toꞌos anggor. Hotu nia seba toꞌos nia baa ema serwisu toꞌos, nebee sia faꞌe toꞌos isin baa malu. Hotu toꞌos naꞌin lori baa rai seluk, nein kleu-leur iha nebaa.