Lukas 13:35 - Tetun

³⁵ Oras neꞌe, Naꞌi Maromak seꞌi kotuk tiꞌan baa emikaan uma hamulak. Tan baa nia, awan-wainrua uma nia mamuk ona. Rona! Emi la haree tenik Haꞌu ona, toꞌo oras emi katak sain haꞌak: ‘Naꞌi Maromak natuun matak-malirin baa ema mak mai nodi Niakaan naran.’ ”

Lukas 13:35 ပူးပေါင်းရင်းမြစ်များ

Mateus 21:9

Baa oras nia, ema balu laꞌo uluk Yesus, balu tenik tuir nosi kotuk. Sia nahii bele-bele naꞌak, “Hosana! Ami tonu-haboot Naꞌi Maromak! Naꞌi Daud husar-binan namaan aan mai tiꞌan! Hosana! Ami tonu-haboot Naꞌi Maromak! Naꞌi Maromak solok Ema neꞌe mai tiꞌan. Hosana! Ami tonu-haboot Naꞌi Maromak, mak nabesi aan iha laleꞌan mak aas kaliuk!”

Mateus 23:37

Hotu Yesus katak tenik naꞌak, “Hoi ema Yerusalem sia! Emi neꞌe mak hoꞌo hei-hein Maromak makoꞌan sia. Emi neꞌe mak hodi fatuk tuda hoꞌo ema mak mai tulun emi. Dala waꞌin tiꞌan Haꞌu atu klibur kodi lituk emi kosi aat, hanesan manu inan taka nola oan nodi liras. Mais emi la hoꞌuk.

Lukas 19:41

Kreꞌis Yerusalem ona, Yesus titu-naree kota nia. Nia tanis nodi naꞌak,

Lukas 21:24

Funu atu noꞌo sia balu, no sena balu dadi ata iha rai hotu-hotu. Ema maktabar mak la natene Maromak atu mai sama nadoor kota Yerusalem, nodi kaer nola kota isin, toꞌo siakaan oras nia mohu.”

Yohanis 12:13

Hotu, sia baa kotu nola beet tahan atu nodi simu Yesus mai, hanesan ema simu naꞌin boot. Sia nahii bele-bele naꞌak, “Hosana! Ita tonu-haboot Naꞌi Maromak! Naꞌi Maromak natudu tiꞌan laran diꞌak baa Naꞌi Israꞌel. Nia mai nodi Naꞌi Maromak naran!”