Lukas 12:46 - Tetun

⁴⁶ Mais baa loron ida, oras ema nia la naneo falik, teki-tekis ulun toꞌo mai. Naree nunia, ulun atu taꞌe ema nia, hotu nabuꞌa sai nia, nebee netan kastikar iha luan, bele-bele no ema seluk mak la tuir ulun beer.

Lukas 12:46 ပူးပေါင်းရင်းမြစ်များ

Mateus 24:50

Mais la nanoin nola, teki-tekis ulun fila mai.

Mateus 24:51

Hotu ulun naloot nia tebe-tebes, toꞌo soe lerek nia baa luan, nebee nein namutuk no ema oin-kotuk sia. Iha fatin nia, ema noran susar basuk nodi tanis la nanawa.”

Lukas 12:40

Mais tan la noo ema ida mak natene wainhira Ema Raiklaran Isin atu mai nikar, emi musti hadiꞌa aan loron-kalan.”

Lukas 12:45

Mais dinu atu kona baa ema serwisu mak naneo naꞌak, ‘Katuas sei kleur foin mai nikar.’ Hotu ema nia nahuu taꞌe ema serwisu seluk sia, feto-mane. Hotu nia tuur naa-nemu nafurak aan toꞌo lanu.

Lukas 12:47

Ema serwisu mak natene ulun beer, mais la nadiꞌa aan tuir, lale, la noꞌuk tuir, ema nia kona kastikar todan.

Lia Raiklaran Falu Fila 16:15

Fatin mak sia meno atu libur malu nodi natuda, tuir lia Ibrani fatin nia naꞌak “Armagedon”. Yesus Kristus moos dale naꞌak, “Hanoin diꞌa-diꞌak! Sarebak Haꞌu kmai hanesan ema naꞌok, mak ema la nanoin nola. Ema mak sotir, ema mak daka nodi nadiꞌa niakaan faru tiꞌan. Nodi nunia, oras Haꞌu kmai, nia la moe, tan la laꞌo nakwalan iha ema lear oin. Mais nadiꞌa aan tiꞌan atu simu Haꞌu.”