Lukas 12:45 - Tetun

⁴⁵ Mais dinu atu kona baa ema serwisu mak naneo naꞌak, ‘Katuas sei kleur foin mai nikar.’ Hotu ema nia nahuu taꞌe ema serwisu seluk sia, feto-mane. Hotu nia tuur naa-nemu nafurak aan toꞌo lanu.

Lukas 12:45 ပူးပေါင်းရင်းမြစ်များ

Mateus 22:6

no balu tenik kohi nola ata nia sia, naloot sia toꞌo mate.

Lukas 12:46

Mais baa loron ida, oras ema nia la naneo falik, teki-tekis ulun toꞌo mai. Naree nunia, ulun atu taꞌe ema nia, hotu nabuꞌa sai nia, nebee netan kastikar iha luan, bele-bele no ema seluk mak la tuir ulun beer.

Lukas 21:34

Hotu, Yesus dale natutan naꞌak, “Sintidu, tan Haꞌu atu kmosu mai teki-tekis! Keta toꞌo emi haluꞌa moris makonak, hotu hemu lanuk, hodi hafurak aan dei. Keta toꞌo emi la leno niakaan tadak, tan halau aan baa serwisu seluk.

Yohanis 2:10

Nia katak naꞌak, “Tuir loos, ema foo uluk anggor ween mak diꞌak. Ema nemu waꞌin tiꞌan, foin nasai anggor ween la duun diꞌak. Mais o malo baku fila. O masai uluk anggor ween la duun diꞌak, foin o masai anggor ween diꞌak.”

Kristus Klosan Lian 2:18

Kalo raiklaran kreꞌis falu fila, Haꞌu katuun Haꞌukaan Kmalar Lulik baa Haꞌukaan atan sia hotu-hotu. Haꞌu katuun baa feto, Haꞌu moos katuun baa mane. Sia atu dale saa mak Haꞌu katak baa sia.

Roma 16:18

Sia la serwisu bodik itakaan Naꞌin Yesus Kristus. Mais sia serwisu buka sotir duꞌuk. Sia dale namina aan baa ema mak sei la natene dauk dalan nabee mak diꞌak, no dalan nabee mak aat. Sia moos dale namidar aan nodi beꞌur ema.

2 Korintus 11:20

Kalo ema mai nalo oi-oik baa emi, emi simu. Sia nalo emi baa ata moos, emi simu. Sia nanaꞌo nola emikaan naha moos, emi simu. Sia beꞌur nola emi moos, emi simu. Sia foti aan baa ema boot nodi naraik emi moos, emi simu. Sia basa emi moos, emi simu dei.

1 Tesalonika 5:7

Ema mak nakara toba, toba baa kalan. Ema mak nakara lanu tua, lanu baa kalan.

2 Petrus 2:13

Sia nasusar ema waꞌin. Mais nosi ikus, Naꞌi Maromak atu nasusar sia. Sia naseꞌi dahur moe lalek. Sia tokar lauk baa oras loron iha ema waꞌin oin. Kalo sia naa namutuk no emi, sia tuir siakaan beer halo aat dei.

2 Petrus 2:19

Sia nameno naꞌak, “Kalo hanono baa ami, emi bele halo hodi neok dei!” Mais ema mak dale nunia, sia dadi ata baa lia aat. Tan kalo ema ida nabusik lia ida babilan nola nia, ema nia dadi ata baa lia nia tiꞌan.

Lia Raiklaran Falu Fila 16:6

Ema naduar tiꞌan Ita Boot eman raan. Ema noꞌo tiꞌan Ita Boot makoꞌan sia. Tan baa nia, Ita Boot seten sia nemu raa. Tan baa nia, Ita Boot selu nikar baa sia hodi kastikar.”

Lia Raiklaran Falu Fila 18:24

Babel netan kastikar todan nia, tan noꞌo hei-hein Maromak makoꞌan sia. Kota boot nia dodok tiꞌan, tan naloot hei-hein Naꞌi Maromak eman sia. Naꞌi Maromak eman sia moos kona hoꞌo iha fatin seluk sia. Mais, Babel mak musti natiu sala nia sia hotu-hotu. Kota boot nia mak musti nataa nola hotu-hotu.”