Lukas 12:37 - Tetun

³⁷ Kalo uma naꞌin naree sia daka nunia, sia nanis sotir, tan uma naꞌin atu natudu laran diꞌak baa sia. Rona, tan Haꞌukaan dalen neꞌe, tebes no loos! Uma naꞌin nia atu nalo aan nuꞌu ata, hotu naliku sia nodi haan midar.

Lukas 12:37 ပူးပေါင်းရင်းမြစ်များ

Mateus 24:42

Tan lia nia, emi musti daka aan loron-kalan, tan la hatene wainhira emikaan Naꞌin atu namaan aan mai nikar.

Lukas 17:8

Fatan, kalo naꞌin naruka naꞌak, ‘Baa mahulin haa-hemu bodik haꞌu! Haꞌu kaa uluk lai, foin o maa.’

Lukas 21:36

Dadi, sintidu nohuun. Hamulak bei-beik, nebee bele terus susar nia sia hotu-hotu. Kalo emi halo nunia, oras Haꞌu, Ema Raiklaran Isin neꞌe mai kikar, emi la moe hariik iha Haꞌukaan oin.”

Lukas 22:27

Katak kokon, ema nabee mak boot. Ema mak tuur naa ka, ema mak naliku haan? Nanis, ema mak tuur naa, nia mak boot. Mais Haꞌu la kalo aan nunia, tan Haꞌu kmai atu kaliku emi.

Yohanis 12:26

Ema mak nakara serwisu bodik haꞌu, nia musti tuir Haꞌu bei-beik. Kalo Haꞌu iha nabee, nia iha nia. Kalo nia nalo nunia, Haꞌukaan Ama iha laleꞌan moos nakneter nia.”

1 Korintus 2:9

Iha Hakerek Moon, noo hakerek nosi Naꞌi Maromak Niakaan matenek mak uluk sei lia subar naꞌak, “Noo lia sia mak ema raiklaran matan sei la naree dauk. Noo lia sia mak ema raiklaran tilun sei la rona dauk. Noo lia sia mak ema raiklaran kakutak sei la nanoin dauk. Mais Naꞌi Maromak nadiꞌa kedan lia nia sia bodik ema mak nadomi Nia.”

Filipi 1:21

Haꞌu kanoin nuneꞌe: kalo haꞌu ksei moris, neꞌe naꞌak, haꞌu kbele moris talin malu ko Kristus kodi kalaꞌok bei-beik Niakaan serwisu. Lia nia diꞌak. Mais kalo haꞌu kmate, haꞌu ksotir liu tenik. Tan haꞌu kbele laꞌo kela raiklaran neꞌe no moris kikar atu kein kamutuk ko Kristus iha laleꞌan. Tan lia rua neꞌe, haꞌu kbenar. La katene nabee mak diꞌak kaliuk!

2 Petrus 1:11

Hodi nunia, Naꞌi Maromak foo lia kabaas baa emi, nebee emi bele tama Yesus Kristus hutun-renun no moris nima-nimak ho Nia. Lia neꞌe, kabaas tebes, tan Nia, itakaan Naꞌin. Nia moos, itakaan Maksorin.

2 Petrus 3:14

Mamaluk sia mak haꞌu kadomi! Baa oras emi hei-hein lia neꞌe sia, emi musti hakaꞌas aan atu dadi ema diꞌak mak kona baa Naꞌi Maromak neon. Hodi nunia, la noo ema ida mak bele tula sala baa emi. Hakaꞌas aan moris dame malu.

Lia Raiklaran Falu Fila 14:13

Nunia hotu, haꞌu krona kola lia maliak ida nosi laleꞌan. Lia nia katak baa haꞌu naꞌak, “Yohanis! O musti makerek nuneꞌe: Nahuu baa oras neꞌe, kalo ema fiar nohuun baa Naꞌi Yesus toꞌo mate, sia netan sotir.” Hotu, Maromak Kmalar Lulik nataa naꞌak, “Tebes! Sia atu sotir tebes! Masik sia netan susar iha raiklaran moos, sia naterus aan tuir Naꞌi Maromak nohuun. Tan lia nia, Naꞌi Maromak atu selu siakaan kolen. Hotu sia la susar tenik iha laleꞌan.”

Lia Raiklaran Falu Fila 16:15

Fatin mak sia meno atu libur malu nodi natuda, tuir lia Ibrani fatin nia naꞌak “Armagedon”. Yesus Kristus moos dale naꞌak, “Hanoin diꞌa-diꞌak! Sarebak Haꞌu kmai hanesan ema naꞌok, mak ema la nanoin nola. Ema mak sotir, ema mak daka nodi nadiꞌa niakaan faru tiꞌan. Nodi nunia, oras Haꞌu kmai, nia la moe, tan la laꞌo nakwalan iha ema lear oin. Mais nadiꞌa aan tiꞌan atu simu Haꞌu.”

Lia Raiklaran Falu Fila 3:21

Ema mak tuir Haꞌu toꞌo mate, Haꞌu klatan beran baa nia, nebee tuur kaer ukun namutuk no Haꞌu. Tan Haꞌu moos katerus aan tuir Haꞌukaan Ama, oras neꞌe Haꞌu ktuur kaer ukun kamutuk ko Nia.

Lia Raiklaran Falu Fila 7:17

Bibi Malae Oan mak kreꞌis habesi aan fatin nia, atu dadi siakaan makbalin. Nia atu nalaꞌo nodi sia, baa nemu iha wee matan mak nalo ema moris nohuun. Naꞌi Maromak moos atu kasu mohu siakaan susar, nebee sia la tanis ona.”