Lukas 11:2 - Tetun

² Rona nola nunia, Yesus nataa naꞌak, “Diꞌak no! Hamulak hodi lia lalaꞌok nuneꞌe: Ama! Ama naran lulik kaliuk. Nebee, ema hotu-hotu foti-nahaas Ama naran kabaas nia! Nebee, Ama dadi Naꞌin bodik ema hotu-hotu.

Lukas 11:2 ပူးပေါင်းရင်းမြစ်များ

Mateus 10:32

Nunia hotu, Yesus dale tenik naꞌak, “Ema mak nakberan aan katak sain Haꞌu iha ema lear oin iha raiklaran neꞌe, Haꞌu moos atu katak sain nia iha Haꞌukaan Ama oin iha laleꞌan kaꞌak, ‘Ema neꞌe, Haꞌukaan ema.’

Mateus 3:2

Nia katak naꞌak, “Mamaluk sia! Emi musti laꞌo hela emikaan salan, hodi fila hikar baa Naꞌi Maromak ona. Oras neꞌe, ema hotu-hotu bele tama ona dadi baa Naꞌi Maromak eman.”

Mateus 5:16

Emi musti moris nunia. Emi musti haksinak, nebee ema waꞌin bele titu-naree emikaan moris mak diꞌak, toꞌo sia tonu naꞌak, ‘Emikaan Aman iha laleꞌan, makaꞌas tebes!’ ”

Lukas 11:1

Baa dala ida, Yesus baa namulak. Namulak notu, Niakaan maktuir ida mai nusu naꞌak, “Ama Boot! Yohanis Mak Sarani Ema nanorin niakaan maktuir sia nebee natene namulak. Ami husu nebee Ama Boot moos hanorin ami hamulak lai!”

Roma 1:7

Tan lia nia, haꞌu kakerek lia neꞌe bodik emi iha Roma. Haꞌu ksolok tabe kodi foo katene kaꞌak, Naꞌi Maromak nadomi emi. Nia moos nusu nebee emi dadi ema mak moris moon. Kamulak nebee itakaan Ama Maromak no itakaan Naꞌi Yesus Kristus natudu laran diꞌak baa emi, nodi foo moris manek no dame.

Roma 8:15

Kalo ita foo leet baa Kmalar Lulik babilan, Nia la nalo ita baa ata mak moris taꞌuk teen. Uluk, ita moris nunia tebes. Mais tan ita simu Kmalar Lulik babilan, ita dadi Naꞌi Maromak oan tiꞌan. Naꞌi Maromak nanis rona ita, kalo ita bolu Nia haꞌak, “Ama!”

1 Korintus 1:3

Haꞌu kaloon baa itakaan Ama Maromak no itakaan Naꞌi Yesus Kristus, nebee natudu laran diꞌak baa emi, nebee emi bele moris manek no dame.

2 Korintus 1:2

Haꞌu kaloon baa itakaan Ama Maromak no itakaan Naꞌin Yesus Kristus, nebee natudu laran diꞌak baa emi, nebee emi bele moris manek no dame.

Galatia 1:4

Kristus latan isin lolon toꞌo mate nebee kasu mohu itakaan salan no nasai ita nosi aꞌaat raiklaran. Lia nia sia hotu-hotu tuir Ama Maromak hakaran.

Efesus 1:2

Haꞌu kaloon baa Naꞌi Maromak itakaan Ama no Yesus Kristus itakaan Naꞌin, nebee natudu laran diꞌak baa emi toꞌo bele moris manek no dame.

Filipi 1:2

Naꞌi Maromak nia, itakaan Ama. No Kristus nia, itakaan Ulun. Ami hakroꞌan nebee Sia natudu laran diꞌak baa emi, nebee emi bele moris manek no dame.

Filipi 4:20

Tan baa nia, ita musti foti-hahaas Ama Maromak naran toꞌo nima-nimak. Nia tebes!

Kolose 1:2

Haꞌu kakerek bodik emi mak Naꞌi Maromak eman sia iha kota Kolose. Emi neꞌe, amikaan mamaluk mak fiar metin baa Yesus Kristus tiꞌan. Ami hakroꞌan nebee Ama Maromak natudu laran diꞌak baa emi, nebee bele moris manek no dame.

1 Tesalonika 1:1

Hakerek neꞌe, nosi haꞌu, Paulus, ko haꞌukaan belu Silas no Timotius. Ami foo tabe. Ami solok hakerek neꞌe bodik emi mak tuir itakaan Ama Maromak no itakaan Naꞌi Yesus Kristus iha kota Tesalonika. Ami hakroꞌan nebee Naꞌi Maromak natudu laran diꞌak baa emi, nebee emi bele moris manek no dame.

1 Tesalonika 1:3

Ami moos hanoin serwisu mak emi halaꞌok, tan emi fiar baa Yesus no hadomi Nia. Emi haterus aan ho serwisu nia sia hodi haloon baa Nia. Ami sera lia nia sia hotu-hotu baa Naꞌi Maromak, itakaan Ama.

2 Tesalonika 2:16

Ami hamulak bei-beik baa itakaan Ama Maromak no itakaan Naꞌin Yesus Kristus, nebee nakbiit emikaan neon, toꞌo emi bele halo lia diꞌak hotu-hotu. Ami haberan aan hakroꞌan nunia, tan ami hatene haꞌak, Naꞌi Maromak nadomi ita liu basuk. Tan Nia laran diꞌak, Nia la nanawa nakbiit ita. Ita bele haloon baa Nia nohuun.

Lia Raiklaran Falu Fila 11:15

Nunia hotu, makbukar laleꞌan nomer hitu nuu niakaan kfui dikur. Sarebak, haꞌu krona kola lia maliak waꞌin mai bele-bele nosi laleꞌan naꞌak, “Oras neꞌe, itakaan Naꞌi Maromak no Kristus mak Nia boi kedan hori uluk, mak kaer ukun hotu-hotu iha raiklaran. Nia atu kaer ukun hanesan Naꞌin, toꞌo nima-nimak.”

Lia Raiklaran Falu Fila 15:4

Ema hotu-hotu foti-nahaas Ita Boot naran. Ema hotu-hotu tonu-naboot Ita Boot dadiꞌak. Tan Ita Boot mesan mak moon. No Ita Boot mesan mak la noo sala. Ema klubun hotu-hotu atu mai loꞌu-sudur baa Ita Boot. Ema hunun hotu-hotu atu mai sera dodan baa Ita Boot. Tan ema hotu-hotu naree tiꞌan Ita Boot hahalok diꞌak. No ema hotu-hotu natene tiꞌan Ita Boot laran loos.”

Lia Raiklaran Falu Fila 19:6

Hotu, haꞌu krona kola hanesan ema lear dale baa malu. Siakaan lian, maliak boot hanesan wee tatolik, no makaꞌas hanesan kokur. Sia dale naꞌak, “Aleluya! Ami tonu-haboot Naꞌi Maromak. Aleluya! Ami foti-hahaas Niakaan naran. Nia mak beran kaliuk. Nia mak ukun hotu-hotu.

Lia Raiklaran Falu Fila 20:4

Hotu, haꞌu ktitu-karee kadera ukun waꞌin lear no ema mak tuur iha nia. Naꞌi Maromak foti ema nia sia, nalo baa makotu lia. Uluk, sia neꞌe, mak baa keke Yesus Manfatin Diꞌak no Maromak Manfatin, toꞌo ema noꞌo sia. Sia la loꞌu baa buat krakat aat nia no niakaan aiꞌoik. Sia moos la simu niakaan marak baa siakaan baboton no liman. Sia kona hoꞌo, mais Naꞌi Maromak nalo sia moris nikar, nebee sia kaer ukun namutuk no Kristus toꞌo tinan rihun ida.