Lukas 11:19 - Tetun

¹⁹ Hanoin! Emikaan ema sia moos natene teꞌur diabu. Sia nodi beran nosi diabu ka? Lale! Dadi keta dale karin haꞌak, Haꞌu kodi diabu beran teꞌur diabu. Emikaan ema duꞌuk atu nakotu naꞌak, saa mak emi dale nia, la kona.

Lukas 11:19 ပူးပေါင်းရင်းမြစ်များ

Mateus 10:25

Kalo maktuir nanorin aan toꞌo matenek manesak no niakaan ema manorik, nia noran toꞌo tiꞌan. Kalo ema serwisu nanorin aan toꞌo matenek manesak no niakaan ulun, nia moos noran toꞌo tiꞌan. Hanoin! Kalo ema dale nahaat uma ida naꞌin naꞌak, ‘O neꞌe Baalsebul mak diabu ulun!’ ema uma laran moos nanis netan naran aat liu tan.”

Mateus 4:24

La kleur, lia nosi Niakaan hahalok nia keke lema rai Siria. Hotu ema nodi siakaan ema moras oi-oik mai baa Nia. Sia moos nodi ema mak diabu tekar, ema mak horak bibi maten, no ema mak ain asak. Nia nadiꞌak nola hotu-hotu.

Lukas 19:22

Rona nola nunia, naꞌin nakanas ata nia naꞌak, ‘Hoi! Notar lalek! Okaan dale nia kastikar okaan isin lolon duꞌuk. O matene tiꞌan, haꞌu neꞌe ema makaꞌas, mak kola saa mak lahoos haꞌukaan, kodi kuꞌu kola saa mak lahoos haꞌu kuda.

Lukas 9:49

Nunia hotu, Yohanis nasara baa Yesus naꞌak, “Ama Boot! Baa dala ida, ami haree ema ida teꞌur sai diabu nodi temi Ama naran. Ami hakahik nia nebee keta temi nodi Ama naran, tan nia lahoos itakaan eman.”

Kristus Klosan Lian 19:13

Iha nia, noo naꞌilulik Yahudi ulun ida, no oan mane naꞌin hitu. Naꞌilulik ulun nia, naran Sakewa. Oan sia baa fatin hotu-hotu atu teꞌur sai diabu nosi ema. Sia teꞌur kokon diabu nodi Yesus naran naꞌak, “O matene Yesus mak Paulus katak nia? Oras neꞌe karuka kodi Yesus nia naran, o sai mosi ema neꞌe!”

Roma 3:19

Ita hatene haꞌak, Naꞌi Maromak natuun Ukun-badu Bei Musa baa ema mak musti tuir Ukun-badu nia. Tan lia nia, sia la noo krarain tenik atu naloos aan iha Naꞌi Maromak oin. Kalo rai falu fila, ema raiklaran hotu-hotu musti nataa baa Naꞌi Maromak, nebee Nia nakotu naꞌak, sia sala ka, sia loos.