Lukas 1:78 - Tetun

^78-79 Naꞌi Maromak neon monu baa ita, toꞌo Nia foo leet foun baa ita, nuꞌu loro foun nasai kroman foun. Bodik ita mak moris iha makukun laran, no ita mak hataꞌuk mate, kroman mai tiꞌan atu nalaꞌo ita baa dalan dame.”

Lukas 1:78 ပူးပေါင်းရင်းမြစ်များ

Yohanis 3:16

Naꞌi Maromak nadomi ema raiklaran, toꞌo Nia solok Oan Mane mesak mai raiklaran neꞌe. Hodi nunia, ema hotu-hotu mak fiar baa Oan, la kona kastikar mak sasa faꞌe sia nosi Naꞌi Maromak ona, mais sia netan moris nima-nimak no Nia.

Efesus 5:14

Nunia moos, lia aat mak ema subar. Kalo kona kroman, nanis ema bele natene naꞌak, hahalok nia, hahalok aat. Noo kananuk ida naꞌak, “Hei! Emi mak toba, hadeer ona! Emi mak mate, moris hikar ona! Tan Kristus beer atu naroma emi.”

Filipi 1:8

Naꞌi Maromak duꞌuk natene naꞌak, haꞌu kanoin emi tebe-tebes, tan haꞌu kadomi emi nuꞌu Yesus Kristus nadomi ita.

Filipi 2:1

Mamaluk sia! Kristus foo lia diꞌak waꞌin boot baa ita tiꞌan. Ita bele hakbiit malu neon. Ita bele foo lia tateꞌan mak nahabut nosi itakaan dadomin. Ita bele moris furak ho malu, tan Naꞌi Maromak Kmalar Lulik serwisu iha itakaan klaran. Ita moos bele hatudu laran dodan no laran maluak baa malu.

Kolose 3:12

Naꞌi Maromak boi emi tiꞌan, tan Nia nadomi emi. Nia nakara nebee emi dadi baa Niakaan ema moos. Tan lia nia, emi musti dadi ema mak laran maluak, ema mak laran diꞌak, ema mak laran mamar, ema mak naraik aan no ema mak neti aan.

2 Petrus 1:19

Lia fuan nia sia nalo ami hetak fiar baa lia mamenon mak ami simu hola hosi Maromak makoꞌan uluk aan sia. Diꞌak liu, emi moos hanono baa siakaan lia mamenon, tan lia nia sia nuꞌu badut mak laka iha fatin makukun. Hanono baa sia, toꞌo Yesus namaan aan mai nikar. Oras nia, foin emi hatene malorek lia nia sia, hanesan ema ida mak uluk titu-naree fitun naꞌin dei, mais oras neꞌe, loro saꞌe tiꞌan, naroma hotu-hotu.

1 Yohanis 3:17

Kalo ema ida moris furak, mais neon la monu baa mamaluk susar sia, nunabee nia bele dale naꞌak, “Haꞌu kadomi Naꞌi Maromak!” La bele!

Lia Raiklaran Falu Fila 22:16

Haꞌu neꞌe, Yesus. Haꞌu, mak solok makbukar laleꞌan nia atu nalore lia neꞌe sia hotu-hotu, nebee o baa katak Haꞌukaan Manfatin baa ema sarani klubun hitu nia. Haꞌu neꞌe, Naꞌi Daud husar-binan. Haꞌu neꞌe, Naꞌi makaer ukun. Haꞌukaan kroman lakan, boot kaliuk hanesan Fitun Lorosaꞌe. Haꞌukaan sinak, biit kaliuk hanesan Fitun Naꞌin.”