Lukas 1:76 - Tetun

⁷⁶ Yohanis! O neꞌe, haꞌukaan oan. O boot mai, ema atu natene naꞌak, o neꞌe, makoꞌan baa Maromak Mak Aas Kaliuk. O atu baa katak ema, nebee sia simu Naꞌin namaan aan mai.

Lukas 1:76 ပူးပေါင်းရင်းမြစ်များ

Mateus 14:5

Mais Herodes la noꞌuk rona. Nia nola luku Herodias dei. Nia moos buka dalan noꞌo Yohanis Mak Sarani Ema. Mais nia nakerat ema lear, tan sia fiar naꞌak Yohanis nia, mak Maromak makoꞌan. Tan baa nia, Herodes naruka niakaan ema sia natama Yohanis baa bui.

Mateus 21:26

Mais ita moos la bele hataa haꞌak, ‘Ema raiklaran mak latan beran’, tan ema hotu-hotu bele krakat ita. Sia fiar naꞌak, Yohanis nia, Maromak makoꞌan.”

Mateus 3:11

Tebes. Haꞌu ksarani emi kodi wee. Neꞌe dadi tadak naꞌak emi laꞌo hela emikaan salan tiꞌan. Mais ema ida mak makaꞌas liu haꞌu atu mai. Masik dadi baa Niakaan ata moos, haꞌu la kfatan. Nia atu nalo liu haꞌu, tan Nia atu fakar Maromak Kmalar Lulik baa emi. Nia moos atu namoos emikaan neon, hanesan ema nodi haꞌi sunu lere.

Mateus 3:3

Uluk, Maromak makoꞌan ida naran Yesaya nakerek kedan nosi Yohanis naꞌak, “Ema ida atu nahii iha fatin fuik naꞌak, ‘Ema hotu-hotu musti hadiꞌa dalan, hodi simu Naꞌi Maromak mai! Haweer dalan atu simu Nia!’ ”

Markus 11:32

Mais ita moos la bele hataa haꞌak, ‘Ema raiklaran mak latan beran’ keta arumak ema lear krakat ita, tan sia fiar naꞌak, Yohanis nia, Maromak makoꞌan.”

Lukas 1:32

Nia atu dadi ema boot. Naꞌi Maromak atu temi Nia naꞌak, ‘Haꞌukaan Oan.’ Nia, Oa nosi Naꞌi Maromak Mak Aas Kaliuk. Naꞌi Maromak atu foti Nia kaer ukun, nuꞌu Niakaan Bei Daud.

Lukas 1:35

Gabriel nataa naꞌak, “Nuneꞌe bete! Maromak Kmalar Lulik atu tuun baa o. Beran nosi Maromak Mak Aas Kaliuk moos atu taka nola o. Hodi nunia, Oa mak atu moris nia, moon tebe-tebes tan Nia, Naꞌi Maromak Oan.

Lukas 6:35

Lia nuneꞌe: Hadomi funu! Halo diꞌak baa sia. Saa mak sia buka, foo baa. Lalika haneo, sia atu foo nikar ka, lale. Hodi nunia, Naꞌi Maromak selu baa ita. Ita moos dadi oan baa Maromak Mak Aas Kaliuk, tan ita moris hanesan itakaan Ama. Nia nalo diꞌak baa ema aat sia. Nia moos nalo diꞌak baa ema mak la natene dodan sia.

Yohanis 1:23

Rona nola nunia, Yohanis nataa sia tuir saa mak Yesaya nakerek kedan hori uluk naꞌak, “Haꞌu neꞌe, ema mak nahii iha rai fuik naꞌak, ‘Ema hotu-hotu hadiꞌa dalan, atu simu Naꞌin! Haweer dalan, hodi simu Nia.’ ”

Yohanis 1:27

Masik haꞌu kahuluk Nia moos, Nia boot liu haꞌu. Haꞌu kdadi ata baa Nia moos, haꞌu la kfatan.”

Yohanis 3:28

Emi duꞌuk rona tiꞌan haꞌu katak malorek kaꞌak, ‘Haꞌu neꞌe, lahoos Kristus. Mais Naꞌi Maromak solok uluk haꞌu atu kloke dalan bodik Kristus. Nunia dei!’

Kristus Klosan Lian 16:17

Loron nia, oras ami laꞌo, feto nia tuir ami bei-beik. Nia nahii naꞌak, “Ema neꞌe sia, klosan nosi Maromak Mak Beran Kaliuk. Sia mai natudu dalan nebee ema bele netan moris no sai nosi sala!”