Lukas 1:51 - Tetun

⁵¹ Nia nodi Niakaan beran, atu tokar lauk ema mak loko aan, no ema mak naksaꞌek aan.

Lukas 1:51 ပူးပေါင်းရင်းမြစ်များ

Lia Uluk Fohon 11:8

Hotu, MAROMAK tuun, tokar lauk siakaan lian. Nodi nunia, Nia nalo ema nia sia faꞌe karin malu baa fatin hotu-hotu iha raiklaran. Sia moos nanawa nariik kota nia.

Lia Uluk Fohon 6:5

Oras nia, MAROMAK naree ema raiklaran hahalok aat liu resik. Sia natene loos nanoin aat dei.

Lia Uluk Fohon 8:21

MAROMAK noran nola sera tunun nuhar morin nia, Nia neon diꞌak. Hotu, naneo naꞌak, “Nahuu baa oras neꞌe, Haꞌu la kastikar tenik raiklaran ona, tan ema siakaan aꞌaat. Masik sia naneo mesan aat dei, Haꞌu la kabeꞌo tenik ona sa-saa mak moris, nuꞌu Haꞌu kalo tiꞌan nia.

Roma 1:21

Tebes. Ema nia sia natene Maromak lisan, mais sia la noꞌuk simu Nia. Sia la noꞌuk loꞌu-sudur baa Nia. Sia moos la noꞌuk sera dodan baa Nia. Tan lia nia, siakaan kakutak nahutan aan, toꞌo la natene tenik lia loos. Sia dadi benar no naseꞌi lia aat oi-oik baa Naꞌi Maromak. Siakaan neon nakukun.

2 Korintus 10:5

Naꞌi Maromak beran bele sobu lia huun hotu-hotu mak sakar Nia, no lia huun hotu-hotu mak nalo ema la noꞌuk natene Nia. Niakaan beran nia moos bele natudu dalan atu seluk itakaan hanoin dalan tuan, nodi hanoin dalan foun. Hodi nunia, ita bele hanoin tuir Kristus Niakaan hanoin.

1 Petrus 5:5

Ema nurak sia! Emi musti hanono baa ema malikuk sarani sia. Musti hakraik aan, tan Hakerek Moon naꞌak, “Naꞌi Maromak sakar ema mak naksaꞌek aan, mais Nia natudu laran diꞌak baa ema mak nakraik aan.”

Lia Raiklaran Falu Fila 18:8

Sia dale nunia toꞌo Naꞌi Maromak nahibu tiꞌan. Oras neꞌe Naꞌi Maromak atu kastikar sia ona. Iha loron ida laran dei, sia atu noran salaen tebes, sia atu tanis naroꞌan aan tebes. Sia mate dodok, toꞌo ema foti soe sia baa haꞌi, toꞌo ema tunu siakaan maten. Naꞌi Maromak beran kaliuk, mak natuun kastikar neꞌe. Naꞌi Maromak boot kaliuk, mak nakotu lia neꞌe.