Kolose 3:6 - Tetun

⁶ Lia nia sia nalo Naꞌi Maromak nahibu toꞌo atu kastikar ema mak la noꞌuk rona baa Nia.

Kolose 3:6 ပူးပေါင်းရင်းမြစ်များ

Roma 1:18

Naꞌi Maromak katak tiꞌan nuneꞌe: kalo ema seꞌi kotuk baa Nia, no ema nalo aat oi-oik, Nia la simu hahalok nunia. Ema oin nunia natene tiꞌan saa mak loos, mais sia sei nalo aat luku dei. Sia moos seten ema seluk toꞌo la natene tenik lia loos. Etuk, Naꞌi Maromak atu natuun kastikar baa sia nosi laleꞌan.

Efesus 5:6

Keta kona beꞌur hosi ema mak dale bosok naꞌak, “Lalika moris moos!” Naꞌi Maromak nanis nahibu ema mak la moris tuir Niakaan beer nunia.

1 Petrus 1:14

Hanono baa Naꞌi Maromak, hanesan lawarik oan nanono baa inan-aman. Uluk, emi sei la hatene dauk Naꞌi Maromak dalan moris mak loos. Mais oras neꞌe emi hatene tiꞌan. Dadi keta moris tuir hahalok aat ona, nuꞌu emikaan moris dalan tuan nia.

2 Petrus 2:14

Sia matan laka baa feto aat sia. Sia moris nalo aat nohuun. Sia buka ema mak fiar la biit baa Naꞌi Maromak, hotu sia nakair nebee ema sia tuir nalo aat. Sia rotus teen! Nanis Naꞌi Maromak kastikar sia!

Lia Raiklaran Falu Fila 22:15

Mais ema seluk, la bele tama iha kota nia. Mak lahoos Naꞌi Maromak eman, la bele nein iha nia. Sia neꞌe mak, ema mak la fiar baa Naꞌi Maromak, ema nalo lia kfoꞌer, ema mak loꞌu baa aiꞌoi lulik, ema mak noꞌo ema, ema mak neko ema, no ema tolek teen. Sia hotu-hotu nia, la bele tama. Sia hotu-hotu nia, habusik hela iha luan dei.