Kolose 3:11 - Tetun

¹¹ Iha moris foun neꞌe, ita la tau marak baa, haꞌak, ema sia ema Yahudi ka, ema lahoos Yahudi ka; ema mak namane aan ka, ema mak la namane aan ka; ema matak ka, ema notar lalek ka; ata ka, lahoos ata ka. Lia nia sia la noo folin. Lia mak noo folin, neꞌe mak, ema talin malu no Kristus, tan Nia moris iha siakaan neon.

Kolose 3:11 ပူးပေါင်းရင်းမြစ်များ

Yohanis 14:23

Yesus nataa naꞌak, “Nuneꞌe. Haꞌu katadu aan baa ema mak nadomi Haꞌu no nalo tuir Haꞌukaan hanorin. Haꞌukaan Ama moos nadomi ema nia. Hotu, Ami atu mai moris neon ida ho nia.

Yohanis 15:5

Haꞌu neꞌe, mak ai huun. Emi mak ai sorun. Kalo emi talin aan bei-beik baa Haꞌu no Haꞌu moos talin aan ko emi, neꞌe naꞌak, emi hanesan ai sorun mak nafua waꞌin. Mais kalo emi la talin aan bei-beik baa Haꞌu, emikaan moris la bele nasai hahalok diꞌak.

Yohanis 17:23

Haꞌu ktalin aan ko sia. Ama talin aan no Haꞌu. Sia moos musti talin malu dadi mesak nunia, toꞌo sia tebe-tebes moris neon ida. Hodi nunia, ema seluk iha raiklaran neꞌe bele natene naꞌak, Ama nadomi sia hanesan Ama nadomi Haꞌu. Sia moos bele natene naꞌak, Ama mak solok Haꞌu.

Kristus Klosan Lian 15:17

Toꞌo ema nosi klubun seluk sia moos mai loꞌu-sudur baa Haꞌu. Tan Haꞌu kboi sia tiꞌan atu dadi baa Haꞌukaan ema. Lia nia mak Naꞌi Maromak katak kedan hori uluk.’

Kristus Klosan Lian 28:2

Ema rai nia simu ami diꞌa-diꞌak. Tan udan no anin malirin resik, sia nahoris haꞌi boot iha tasi tehen, hotu bolu ami mai haniruk.

Kristus Klosan Lian 28:4

Naree nunia, ema Malta sia dale baa malu naꞌak, “Nanis ema neꞌe, ema haat. Keta arumak nia mahoꞌo ema. Masik nia nakbudi sai nosi maufinu tasi moos, niakaan sotir atu mate. Tan see nalo aat, natiu sotir aat.”

Roma 1:14

Haꞌu kmusti keke Yesus Manfatin Diꞌak baa ema hotu-hotu. Baa ema mak natene lia Yunani no ema mak natene lia seluk sia. Baa ema boot no ema kiꞌik. Baa ema mak sakola no ema mak la sakola. Tan lia nia, haꞌu kadiꞌa aan tiꞌan atu kbaa Roma, nebee keke Manfatin Diꞌak baa emi iha nebaa.

Roma 10:12

Ema Yahudi no ema lahoos Yahudi manesak, tan Naꞌin ida dei bodik ema klubun hotu-hotu. Nia moos beer fakar laran diꞌak bodik ema hotu-hotu mak nusu tulun baa Nia.

Roma 3:22

Naꞌi Maromak naloos ita, surak ita fiar Yesus Kristus. Nia la fihir oin, tan Nia naloos ema hotu-hotu mak fiar Yesus Kristus.

Roma 3:29

Oras neꞌe, haꞌu atu kusu nuneꞌe: Naꞌi Maromak simu ema Yahudi dei ka, Nia moos simu ema seluk? Tebes! Nia simu ema hotu-hotu!

1 Korintus 12:13

Ita hotu-hotu talin malu tan ita simu Maromak Kmalar mak mesak dei. Baa oras ita simu sarani, ita dadi nuꞌu ema klubun ida. Masik ita ema Yahudi ka, lahoos ema Yahudi ka, ata ka, lahoos ata ka, Naꞌi Maromak latan Niakaan Kmalar mesak dei bodik ita hotu-hotu. Lia nia nuꞌu ita hotu-hotu hemu wee mak foo moris nosi wee knuuk mesak dei.

1 Korintus 14:11

Kalo haꞌu la katene ema seluk lian, niakaan dale la noo folin bodik haꞌu. Ami rua la hatene malu hanesan ema matak.

1 Korintus 7:19

Ita hamane aan ka, la hamane aan ka, lia nia la noo folin. Lia mak noo folin mak neꞌe: ita halo tuir Naꞌi Maromak ukun.

Galatia 2:20

Oras neꞌe lahoos haꞌu mak moris, mais Kristus mak moris iha haꞌukaan isin lolon. Haꞌu ketan moris foun neꞌe, tan haꞌu kfiar baa Naꞌi Maromak Oan. Nia nadomi haꞌu liu resik, toꞌo mate selu nola haꞌu.

Galatia 5:6

Dadi, ita hamane aan ka, la hamane aan ka, lia nia la noo folin ona. Lia mak noo folin mak neꞌe: ita fiar baa Kristus no hadomi ema seluk.

Efesus 1:23

Nia dadi Naꞌin. Ita makfiar sia dadi Niakaan isin mak halaꞌo Niakaan hakaran hotu-hotu, tan Nia mak babilan hotu-hotu. Haꞌukaan hamulak bodik emi iha Efesus, nuneꞌe dei.”

Efesus 2:14

Uluk, ami klubun Yahudi la moris diꞌa-diꞌak malu ho emi klubun seluk sia, hanesan noo kadidin fatuk sasa faꞌe ita. Mais Yesus Kristus mate nodi sobu nahaat kadidin nia tiꞌan. Tan lia nia, ita mak uluk funu malu, bele dame malu dadi ema klubun mesak ida ona.

Efesus 2:15

Uluk, ami klubun Yahudi halo tuir Ukun-badu Musa nebee ami bele diꞌa-diꞌak ho Naꞌi Maromak. Mais oras Yesus Kristus mate, Nia natuka tiꞌan dalan tuan nia, nodi loke dalan foun, nebee ema nosi klubun Yahudi no klubun seluk sia moos bele diꞌa-diꞌak no Naꞌi Maromak. Hodi nunia, ita hotu-hotu talin malu dadi baa klubun foun ida mak moris dame malu.

Efesus 3:17

toꞌo Yesus Kristus moris nafati iha emikaan neon, tan emi fiar baa Nia nohuun. Nebee, emi moris talin malu ho Niakaan dadomin, toꞌo dadomin nia nahabut iha emikaan neon.

Efesus 3:6

Niakaan hakaran nuneꞌe: Kalo ema mak lahoos Yahudi fiar baa Yesus Kristus Niakaan Lia Diꞌak, sia moos bele dadi Naꞌi Maromak eman namutuk no ema Yahudi sia. Neꞌe naꞌak, oras neꞌe ita hotu-hotu dadi klubun ida tiꞌan no simu bele-bele matak-malirin hosi itakaan Ama Maromak.

Efesus 6:8

Tan ita hatene haꞌak, Naꞌi Maromak nanis selu ema mak nalo lia diꞌak. Masik ema nia, ain-liman ka, ulun ka, ata ka, naꞌin ka, Naꞌi Maromak selu luku.

Kolose 2:10

Tan emi talin malu ho Kristus, Nia nalo emi biit toꞌo emi la hakiduk kois. Nia mak aas liu, mak noo beran, no makaer ukun hotu-hotu. Diꞌak ka, aat ka, Nia aas liu hotu-hotu.

1 Yohanis 5:20

Ita hatene, Naꞌi Maromak Oan mai atu nakroma itakaan neon, nebee ita bele hatene Maromak mak loos. Oras neꞌe ita bele kreꞌis ho Nia, tan ita kreꞌis ho Oan, Yesus Kristus. Yesus Kristus moos Maromak mak loos. Nia mak foo moris nima-nimak baa ita.

2 Yohanis 1:9

Ema mak sees nosi Kristus hanorin, nia la talin malu no Naꞌi Maromak. Mais ema mak kaer metin hanorin nia, ema nia talin malu no Naꞌi Maromak no Oan Yesus Kristus.